Tamil News Photo Gallery > Netflix has officially announced the date for the OTT release of actor Dulquer Salmaan's film Lucky Bhaskar.

லக்கி பாஸ்கர் ஓடிடி ரிலீஸ் தேதி அறிவிப்பு.. விவரம் சொன்ன நெட்பிளிக்ஸ்!

Barath Murugan

Published:

25 Nov 2024 15:14 PM

Lucky Bhaskar OTT : மலையாள திரைப்படத்தின் மூலம் நடிகராக அறிமுகமாகி தற்போது பாண் இந்தியக் கதாநாயகனாகப் பல திரைப்படங்களில் நடித்து வருபவர் துல்கர் சல்மான். இவரின் நடிப்பில் உருவான திரைப்படம் "லக்கி பாஸ்கர்" விமர்சனங்கள் ரீதியாகவும், வசூல் ரீதியாகவும் வெற்றியாக அமைந்த இந்த திரைப்படம் தற்போது ஓடிடியில் வெளியாக உள்ளது.

2012ம் ஆண்டு இயக்குநர் ஸ்ரீநாத் ராஜேந்திரன் இயக்கத்தில் வெளியான "செகண்ட் ஷோ"என்ற மலையாள சினிமாவின் மூலம் நடிகராக அறிமுகமாகியவர் துல்கர் சல்மான். நடிகர் மம்மூட்டியின் மகனான இவர் திரைப்படங்களில் நடிப்பது மட்டுமில்லாமல் பின்னணி பாடகராக பல பாடல்களை பாடியுள்ளார்.

2 / 6

தொடர்ந்து நடிப்பதில் ஆர்வம் காட்டிவந்த இவர் தமிழ், தெலுங்கு, இந்தி மற்றும் மலையாளம் போன்ற திரைப்படங்களிலும் முன்னணி நடிகராகப் பல படங்களில் நடித்துள்ளார். இந்நிலையில் தற்போது இவரின் நடிப்பில் தெலுங்கு மொழியில் அடிப்டையாகக் கொண்டு உருவானது "லக்கி பாஸ்கர்".

3 / 6

இவரின் நடிப்பில் சில வருடங்களுக்குப் பிறகு வெளியான திரைப்படம் என்பதால் இது தெலுங்கு ரசிகர்களுக்கும் மட்டுமில்லாமல் இவரின் ஒட்டு மொத்த ரசிகர்கள் அனைவருக்கும் மிகுந்த ஆர்வத்தை இந்த லக்கி பாஸ்கர் திரைப்படம் அளித்தது. இந்த படம் தமிழ், மலையாளம், தெலுங்கு, இந்தி மற்றும் கன்னடம் என 4க்கும் மேற்பட்ட மொழிகளில் வெளியாகியது.

4 / 6

நடிகரும் மற்றும் இசையமைப்பாளருமான ஜி.வி பிரகாஷ் இசையமைப்பில் உருவான இந்த லக்கி பாஸ்கர் கடந்த தீபாவளி அன்று வெளியாகியது. இயக்குநர் வெங்கி அட்லூரி இயக்கத்தில் உருவான இப்படத்தில் நடிகர் துல்கர் சல்மானுக்கு ஜோடியாக நடிகை மீனாட்சி சவுத்ரி நடித்திருந்தார்.

5 / 6

இந்த லக்கி பாஸ்கர் படம் வெளியாகி ரசிகர்கள் மத்தியில் நல்ல வரவேற்பைப் பெற்ற நிலையில் தற்போது ரூ 111 கோடிகளுக்கு மேல் வசூல் செய்து சாதனை படைத்துள்ளது. திரையரங்குகளைத் தொடர்ந்து இந்த திரைப்படம் எப்போது ஓடிடியில் வெளியாகும் என்று மக்களிடையே பல சந்தேகங்கள் ஏற்பட்ட நிலையில் தற்போது நெட்பிளிக்ஸ் நிறுவனம் அதிகாரப்பூர்வமான தேதியை வெளியிட்டுள்ளது.

6 / 6

அந்த தகவலின் படி இந்த "லக்கி பாஸ்கர்" திரைப்படம் வருகிறார் நவம்பர் 28ம் தேதி வருகின்ற வியாழக்கிழமை நெட்பிளிக்ஸ் ஓடிடியில் வெளியாக உள்ளது. இப்படம் தமிழ், தெலுங்கு, மலையாளம், கன்னடம் மற்றும் இந்தி போன்ற மொழிகளில் வெளியாக உள்ளது. இந்த லக்கி பாஸ்கர் திரைப்படத்தை நெட்பிளிக்ட்ஸில் மிஸ் பண்ணாம பாருங்க.!

OTT Movies