Tamil News Photo Gallery > Top TRP Rating Serials Details In Tamil

சீரியல் ‘டிஆர்பி’ ரேட்டிங் இதுதான்.. டாப்பில் இருக்கும் தொடர் எது தெரியுமா?

Published:

05 Nov 2024 16:19 PM

தமிழ் மக்களிடையே திரைப்படங்கள் எந்த அளவிற்கு வரவேற்பு பெறுகிறது அதற்கு ஒரு படி மேலாகத் தமிழ் தொலைக்காட்சியில் வெளியாகும் தினசரி தொடர்களும் மிகப் பெரிய வரவேற்புகளை பெற்றுவருகிறது. தமிழ் தொலைக்காட்சிகளில் வெளியாகும் இந்த சீரியலை சிறியவர்கள் முதல் பெரியவர்கள் வரை ஆர்வமாகப் பார்ப்பது உண்டு. அந்தவகையில் "டிஆர்பி" ரேட்டிங்கில் டாப் 5 இடங்களைப் பிடித்திருக்கும் சீரியல் என்ன என்பதைப் பற்றிப் பார்க்கலாம்.

தமிழ் தொலைக்காட்சியில் வெளியாகும் சீரியல்கள் திரைப்படங்களுக்கே போட்டியிடும் வகையில் மக்கள் மத்தியில் அதீத வரவேற்புகளை பெற்று வருகிறது. இந்நிலையில் டிஆர்பி ரேட்டிங்காக இரு பிரபல தொலைக்காட்சிகளான விஜய் டிவி மற்றும் சன் டிவிகளுக்கிடையே போட்டிகள் நடந்துவருகிறது. இந்நிலையில் சன் டிவி முன்னிலை வகிக்கும் நிலையில் டாப் 5ல் இருக்கும் சீரியல் என்னென்ன தெரியுமா?

2 / 6

இந்த லிஸ்டில் முதல் இடத்தில் இருப்பது சன் தொலைக்காட்சியில் இரவு 7: 30க்கு ஒளிபரப்பாகிவரும் கயல். கடந்த 2021ம் ஆண்டு முதல் ஒளிபரப்பாகிவரும் இந்த தொடர் 3 வருடங்களாக சன் டிவியில் மிகவும் பரபரப்பான சீரியலாக இருந்துவருகிறது. கயல்விழி கடின உழைப்பால் தனது குடும்பத்தையும், வாழ்க்கையையும் எவ்வாறு சமாளிக்கிறார் என்ற கதையை மையமாகக் கொண்டு வெளியாகிவருகிறது. இந்த சீரியல் 10.56 என்ற கணக்கில் தமிழ் தொலைக்காட்சி தொடர்களில் முதல் இடத்தை பிடித்துள்ளது.

3 / 6

இந்த பட்டியலில் அடுத்தாக இந்த வருடம் ஆகஸ்ட் மாதம் முதல் வெளியாகிவரும் "மூன்று முடிச்சு" என்ற தொடர். நந்தினி என்ற நடுத்தர ஒற்றை தந்தையால் வளர்க்கப்படும் குடும்ப பெண்ணின் வாழ்க்கை கதையை அடிப்படையாகக் கொண்டு அடுத்தடுத்த சுவாரஸ்ய கதைகளுடன் ஒளிபரப்பாகி வருகிறது. தினமும் இரவு 8:30க்கு சன் டிவியில் வெளியாகிவரும் இந்த தொடர் டிஆர்பி ரேட்டிங்கில் 9.59 புள்ளிகளை பெற்று இரண்டாவது இடத்தில் உள்ளது.

4 / 6

அடுத்தாக இருப்பது சன் தொலைக்காட்சியில் தினமும் இரவு 9 மணிக்கு ஒளிபரப்பாகிவரும் சிங்கப்பெண்ணே தொடர். குடும்ப நெருக்கடி காரணமாகக் கிராமத்திலிருந்து சென்னைக்கு வந்த ஒரு சாதாரண பெண்ணின் கதையாய் மையமாகக் கொண்டு கடந்த ஆண்டு முதல் பரவலாக ஒளிபரப்பாகிவருகிறது. மக்களால் விரும்பி பார்க்கப்படும் டிஆர்பி ரேட்டிங் 8.90 புள்ளிகளில் 3வது இடத்தை பிடித்துள்ளது.

5 / 6

இந்த லிஸ்டில் நான்காவதாக இருப்பது மருமகள் சீரியல். இந்த தொடர் இந்தியில் வெளியான பிரபல சீரியலில் ரீமேக் ஆகும். கட்டாய திருமணம் மூலம் இணையும் ஆதிரை மற்றும் பிரபுவின் வாழ்க்கை கதையை மையமாகக் கொண்டு ஒளிபரப்பாகிவரும் பிரபல தொடராகும். தினமும் இரவு 8 மணிக்கு வெளியாகிவரும் இந்த தொடர் டிஆர்பி ரேட்டிங்கில் 8.76 புள்ளிகளைப் பெற்று நான்காவது இடத்திலுள்ளது.

6 / 6

இந்த பட்டியலில் கடைசியாக இருக்கும் தொடர் சுந்தரி. கடந்த 2021 முதல் சன் டிவில் ஒளிபரப்பப்பட்டு வரும் இந்த தொடர் சுந்தரி என்ற ஒரு கிராமத்துக் கருப்பு நிற பெண் தனது வாழ்க்கையில் சந்திக்கும் கஷ்டங்களை எதிர்த்து எப்படி வாழ்கிறார் என்ற கதையை அடிப்படையாகக் கொண்டு வெளியாகிவரும் தொடராகும். இந்த சீரியல் டிஆர்பி ரேட்டிங் லிஸ்டில் 8.28 புள்ளிகளைப் பெற்று 5வது இடத்தில் உள்ளது.

Serial Updates