MS Dhoni: ”தோனியின் கடைசி ஐபிஎல் போட்டி இங்குதான்”- ஓபனாக சொல்லிவிட்ட சிஎஸ்கே நிர்வாகம்!

எம்.எஸ்.தோனி (Image: GETTY)

அடுத்த ஆண்டு நடைபெறும் ஐபிஎல் 18வது சீசனில் சென்னை சூப்பர் கிங்ஸ் அணிக்காக தோனி விளையாட தயாராகிவிட்டார். கடந்த அக்டோபர் 31ம் தேதி சென்னை சூப்பர் கிங்ஸ் அணி தோனியை 4 கோடிக்கு கேப் செய்யப்படாத வீரராக தக்க வைத்துக் கொண்டது. தோனி மேலும் விளையாடுவாரா அல்லது ஐபிஎல் 2025 அவரது கடைசி சீசனாக இருக்குமா என்பது இன்னும் தெரியவில்லை. இந்திய மற்றும் சிஎஸ்கே அணியின் முன்னாள் கேப்டன் மகேந்திர சிங் தோனி சர்வதேச கிரிக்கெட்டிலிருந்து ஓய்வு பெற்று கிட்டத்தட்ட 5 வருடங்கள் ஆகிவிட்டன.

இருப்பினும் தோனி ஐபிஎல் போட்டிகளில் தொடர்ந்து விளையாடி தனது ரசிகர்களை மகிழ்வித்து வருகிறார். இருப்பினும், கடந்த 2 பதிப்புகளில் இருந்து தோனி ஐபிஎல்-லில் இருந்து விடைபெற இருப்பதாக தகவல்கள் வெளியாகின. ஆனால், இது குறித்து தோனியோ, சிஎஸ்கே நிர்வாகமோ எந்த அறிக்கையும் வெளியிடவில்லை. இந்தநிலையில், தோனியின் ஓய்வு குறித்து சென்னை சூப்பர் கிங்ஸ் சி.இ.ஓ காசி விஸ்வநாதன் தற்போது மவுனம் கலைத்துள்ளார்.

ALSO READ: Chennai Grand Masters 2024: சென்னை கிராண்ட் மாஸ்டர்ஸில் அமெரிக்க வீரரை வீழ்த்தி சாம்பியன்.. கலக்கிய தமிழக வீரர் அரவிந்த் சிதம்பரம்!

என்ன சொன்னார் காசி விஸ்வநாதன்..?

தோனியின் எதிர்காலம் குறித்து பேசிய சென்னை சூப்பர் கிங்ஸ் தலைமை நிர்வாக அதிகாரி, “ஐபிஎல்லின் எதிர்காலம் குறித்து மகேந்திர சிங் தோனி தனது கருத்தை தெரிவித்துள்ளார். தோனி அதிகம் விளையாடுவாரா அல்லது ஐபிஎல் 2025 அவரது கடைசி சீசனாக இருக்குமா என்பது இன்னும் முடிவு செய்யப்படவில்லை. தோனி தனது கடைசி போட்டியில் சென்னையில் விளையாட வேண்டும் என விருப்பம் தெரிவித்தார்.

எம்.எஸ்.தோனி யாரிடமும் எந்த கருத்தையும் பகிர்ந்து கொள்வதில்லை. பெரும்பாலானவர்கள் எல்லா எண்ணங்களையும் தங்களுக்குள் வைத்திருக்கிறார்கள். அதுபோலதான் தோனியும். ஆனால், முடிவெடுக்கும் தருணத்தில் அதை வெளியில் சொல்லிவிடுவார் என்று நம்புகிறோம். சென்னை சூப்பர் கிங்ஸ் மீதும் அவரது ரசிகர்கள் மீதும் உள்ள ஆர்வத்தால், தோனி தனது கடைசி போட்டியை சென்னையில் தான் விளையாடுவேன் என்று பல பேட்டிகளில் கூறியுள்ளார். முடிந்தவரை அவர் விளையாடவே விரும்புகிறோம். தோனி விளையாட விரும்பும் வரை, சிஎஸ்கே கதவைத் திறந்து வைத்திருக்கும். எனக்கு அவரைத் தெரியும், அவருடைய அர்ப்பணிப்பைப் பார்த்து, அவர் சரியான முடிவை எடுப்பார் என்று நம்புகிறேன். தோனி விளையாட வேண்டும் என்பதற்காக தன்னால் முடிந்த அனைத்தையும் செய்கிறார்” என்று தெரிவித்தார்.

ரிஷப் பண்ட் பற்றி பேசிய காசி விஸ்வநாதன்:

ரிஷப் பண்ட் ஏலத்தில் எடுப்பது குறித்து பேசிய காசி விஸ்வநாதன், “ ரிஷப் பண்ய் ஏலத்தில் எடுப்பது தொடர்பாக எம்எஸ் தோனி, கேப்டன் ருதுராஜ் கெய்க்வாட் மற்றும் பயிற்சியாளர் ஸ்டீபன் பிளெமிங் ஆகியோருடன் பேச்சுவார்த்தை நடந்தது. மெகா ஏலத்தில் பண்ட்-ஐ ஏலம் எடுப்பது பற்றி அனைவரும் நீண்ட நேரம் விவாதித்தனர். ஆழ்ந்த கலந்துரையாடலுக்குப் பிறகு, கடந்த சில ஆண்டுகளில் அணியின் முன்னேற்றத்திற்கு உதவிய வீரர்களை மீண்டும் அழைத்து வர முடிவு செய்யப்பட்டது. சென்னை அணியில் மிகக் குறைந்த பணமே மிச்சமிருப்பதால், மெகா ஏலத்தில் முக்கிய வீரர்களை எடுக்க சென்னை அணி முடிவெடுக்காது. இருப்பினும், சென்னை அணி ரிஷப் பண்ட்-ஐ அணிக்கு கொண்டுவர தன்னால் முடிந்தவரை முயற்சிப்பேன். ஆனால் பணப்பையைக் கருத்தில் கொண்டு, அவ்வாறு செய்வது கடினம் என்று தெரிகிறது. அவரால் மற்ற அணிக்கு எதிராக போட்டியிட முடியாது.” என்று தெரிவித்தார்.

ALSO READ: BGT 2024: இந்திய அணியுடன் ஆஸ்திரேலியா செல்லாத ரோஹித்.. பும்ரா புதிய கேப்டனா..?

சென்னை அணி எந்தெந்த வீரர்களை தக்கவைத்து கொண்டது..?

அன் கேப்டு வீரராக தோனியை சென்னை சூப்பர் கிங்ஸ் அணி தக்கவைத்து கொண்டுள்ள நிலையில், சிஎஸ்கே அணி கேப்டன் ருத்துராஜ் கெய்க்வாட் (ரூ. 18 கோடி), மதீஷா பத்திரனா (ரூ. 13 கோடி), சிவம் துபே (ரூ. 12 கோடி), ரவீந்திர ஜடேஜா (ரூ. 18 கோடி) ஆகியோரை மெகா ஏலத்திற்கு முன்னதாக தக்க வைத்துக் கொண்டது. இந்த 5 வீரர்களுக்காக சென்னை சூப்பர் கிங்ஸ் அணி ரூ. 55 கோடி செலவு செய்துள்ள நிலையில், மெகா ஏலத்திற்காக ரூ. 65 கோடியை வைத்துள்ளது.