ஐபிஎல் 2024: நடப்பு ஐபிஎல் தொடரில் முதல் அணியாக வெளியேறிய மும்பை அணி..!

ஐபிஎல் வரலாற்றில் 5 முறை சாம்பியன் பெற்ற மும்பை இந்தியன்ஸ் அணி நடப்பு ஐபிஎல் தொடரில்  12 லீக் போட்டிகளில் விளையாடி 4 போட்டிகளில் மட்டுமே வெற்றி பெற்றுள்ளது. மும்பை இந்தியன்ஸ் அணி, பிளே ஆஃப் சுற்றுக்கு செல்லாமல் ஹார்திக் பாண்டியா தலைமையிலான மும்பை அணி வெளியேறியுள்ளது குறிப்பிடத்தக்கது.

ஐபிஎல் தொடரில் இன்னும் 13 லீக் சுற்றுகளே உள்ள நிலையில், ராஜஸ்தான் ராயல்ஸ் மற்றும் கொல்கத்தா நைட்ரைடர்ஸ் அணிகள் ஏறக்குறைய ப்ளே ஆப் சுற்றுக்கு தகுதி பெற்றுள்ளன. மேலும், மீதமிருக்கும், 8 அணிகளில் மும்பை அணி அதிகாரப்பூர்வமாக வெளியேறிய நிலையில், குஜராத் அணியும் ப்ளே ஆப் சுற்றுக்கு செல்லும் வாய்ப்பை இழந்துள்ளது.  சென்னை சூப்பர் கிங்ஸ், டெல்லி கேப்பிட்டல்ஸ், லக்னோ சூப்பர் ஜெயண்ட்ஸ், சன் ரைசர்ஸ் ஐதரபாத் ஆகிய நான்கு அணிகளுக்கும் கடுமையான போட்டி நிலவுகிறது. நேற்றைய போட்டியில் லக்னோ அணியை வீழ்த்திய சன்ரைசர்ஸ் அணி புள்ளிப்பட்டியலில் சென்னை சூப்பர் கிங்ஸ் அணியை பின்னுக்கு தள்ளி 3வது இடத்திற்கு முன்னேறியுள்ளது. இதனால் அடுத்து வரும் லீக் போட்டிகளில் சென்னை அணி,  குஜராத் டைட்டன்ஸ், ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகளுடன் மோதவுள்ளது.

நடப்பு 2024 ஆம் ஆண்டு ஐபிஎல்  தொடரில் 11 போட்டிகளில் விளையாடி 6 போட்டிகளில் வெற்றிகளை  பெற்ற சிஎஸ்கே அணி நெட் ரன் ரேட் அடிப்படையில் +0.700 பெற்று 4 வது இடத்தில் உள்ளது. அடுத்து வரும் போட்டிகளில் சிஎஸ்கே அணி பிளே ஆஃப் சுற்றுக்கு முன்னேறுவதற்கான வாய்ப்புகள் அதிகமுள்ளது.

ஐபிஎல் 2024: ராகுலுடன் லக்னோ அணியின் உரிமையாளர் வாக்குவாதம்.. வீடியோ இணையத்தில் வைரல்…!

கடப்பாரை அணி என்று ரசிகர்களால் அழைக்கப்பட்டு வந்த மும்பை அணி, ரோகித் சர்மா தலைமையில் மிக சிறப்பாக விளையாடி வந்தது. மேலும், நடப்பு ஐபிஎல் சீசனில் ஹர்திக் பாண்டிய தலைமையில் விளையாடிய மும்பை அணி ப்ளே ஆப் சுற்றுக்கு செல்லாமல் வெளியேறியுள்ளது. இதுவரை 5 ஐபிஎல் கோப்பைகளை வென்றுள்ள மும்பை இந்தியன்ஸ் அணி இந்த சீசனில் முதல் அணியாக வெளியேறியது அந்த அணியின் ரசிகர்களை கோபத்தில் ஆழ்த்தியுள்ளது. இது குறித்து பேசிய மும்பை இந்தியன்ஸ் அணியின் கேப்டன் ஹர்திக் பாண்டியாவும், இனி ப்ளே ஆப் சுற்றுக்கு செல்வதற்கான எந்த வாய்ப்பும் இல்லை என்று கூறினார். மேலும், மீதமுள்ள கிரிக்கெட் போட்டிகளில் நல்ல கிரிக்கெட்டை  விளையாட விரும்புகிறேன் என்று தெரிவித்தார்.