Olympics 2024: குத்துச்சண்டையில் பெண்ணுடன் ஆண் போட்டியா..? 46 வினாடிகளில் முடிந்த போட்டி..! ஒலிம்பிக்கில் கிளம்பிய சர்ச்சை..
Imane Khelif: அல்ஜீரிய குத்துச்சண்டை வீராங்கனை இமான் கலிஃப் மற்றும் ஏஞ்சலா கரினி ஆகியோர் பெண்களுக்கான 66 கிலோ எடைப் பிரிவு சண்டையில் நேருக்கு நேர் மோதினர். நேற்று நடந்த இந்த 16 ரவுண்ட் சண்டை 46 வினாடிகள் மட்டுமே நீடித்தது. அல்ஜீரிய குத்துச்சண்டை வீராங்கனை இமான் கலிஃப்பிடம் இரண்டு வலுவான குத்துகளை வாங்கி உடைந்த மூக்குடன் இத்தாலி வீராங்கனை ஏஞ்சலா கரினி போட்டியில் இருந்து விலகுவதாக அறிவித்தார். இதனால், கலிஃப் 66 கிலோ எடைப்பிரிவில் அடுத்த சுற்றுக்கு தகுதி பெற்றுள்ளார்.
அல்ஜீரிய குத்துச்சண்டை வீரர் இமான் கலிஃப் (image - Fabio Bozzani/Anadolu via Getty Images)
பாரிஸ் ஒலிம்பிக்: 2024 பாரிஸ் ஒலிம்பிக் போட்டியின் குத்துச்சண்டையில் ஒரு போட்டியில் பல சர்ச்சைகள் நிகழ்ந்துள்ளது. பெண்களுக்கான வெல்டர்வெயிட் பிரிவு காலிறுதிக்கு முந்தைய சுற்றில் இத்தாலி வீராங்கனை ஏஞ்சலா கரினி மற்றும் அல்ஜீரிய குத்துச்சண்டை வீராங்கனை இமான் கலிஃப் இடையே மோதல் ஏற்பட்டபோது இந்த சர்ச்சை எழுந்தது. போட்டி தொடங்கிய இத்தாலி வீராங்கனை ஏஞ்சலா கரினி போட்டியில் இருந்து விலகுவதாக அறிவிக்க, அல்ஜீரிய குத்துச்சண்டை வீராங்கனை இமான் கலிஃப் 46 வினாடிகளில் வெற்றி பெற்றதாக அறிவிக்கப்பட்டார். இதன் பின்னர் ஒரு ஆண் குத்துச்சண்டை வீரருக்கு எதிராக பெண் குத்துச்சண்டை வீராங்கனையான என்னை களமிறக்கி விட்டதாக இத்தாலி வீராங்கனை ஏஞ்சலா கரினி குற்றம் சாட்டினார். தற்போது இந்த குற்றச்சாட்டு சமூக வலைதளங்களில் விமர்சனங்களை கிளப்பி வருகிறது.
ஒரு பெண் குத்துச்சண்டை வீரர் ஒரு ஆணுடன் போட்டியிட்டாரா?
அல்ஜீரிய குத்துச்சண்டை வீரர் இமான் கலிஃப் கடந்த காலங்களிலும் பாலினம் தொடர்பாக பல முறை சர்ச்சையில் சிக்கினார். 2023 உலக குத்துச்சண்டை சாம்பியன்ஷிப்பின் தங்கப் பதக்கப் போட்டிக்கு சில மணி நேரங்களுக்கு முன்பு பாலின அடிப்படையில் மான் காலிஃப் தகுதி நீக்கம் செய்யப்பட்டார். ஆனால் சர்வதேச ஒலிம்பிக் கமிட்டி, அதாவது சர்வதேச ஒலிம்பிக் கமிட்டி சமீபத்தில் அவருக்கு 2024 ஒலிம்பிக்கில் விளையாட அனுமதி வழங்கியது. இப்போது, அவரது முதல் சுற்று போட்டிக்குப் பிறகு, மீண்டும் அதே சர்ச்சை எழுந்துள்ளது.
போட்டியில் என்ன நடந்தது..?
அல்ஜீரிய குத்துச்சண்டை வீராங்கனை இமான் கலிஃப் மற்றும் ஏஞ்சலா கரினி ஆகியோர் பெண்களுக்கான 66 கிலோ எடைப் பிரிவு சண்டையில் நேருக்கு நேர் மோதினர். நேற்று நடந்த இந்த 16 ரவுண்ட் சண்டை 46 வினாடிகள் மட்டுமே நீடித்தது. அல்ஜீரிய குத்துச்சண்டை வீராங்கனை இமான் கலிஃப்பிடம் இரண்டு வலுவான குத்துகளை வாங்கி உடைந்த மூக்குடன் இத்தாலி வீராங்கனை ஏஞ்சலா கரினி போட்டியில் இருந்து விலகுவதாக அறிவித்தார். இதனால், கலிஃப் 66 கிலோ எடைப்பிரிவில் அடுத்த சுற்றுக்கு தகுதி பெற்றுள்ளார். ஆனால் இவரது வெற்றி பெரும் சர்ச்சையை ஏற்படுத்தியுள்ளது. அடுத்ததாக கலிஃப் காலிறுதியில் ஹங்கேரியின் லூகா ஹமோரியை எதிர்கொள்கிறார்.
டிஎன்ஏ பரிசோதனையில் ஆண்:
கடந்த ஆண்டு சர்வதேச குத்துச்சண்டை சங்கம் (ஐபிஏ) நடத்திய பாலின தேர்வில் இமான் கலிஃப் ஆண் என முடிவு வந்தது. இந்த காரணத்திற்காக அவர் 2023 உலக குத்துச்சண்டை சாம்பியன்ஷிப்பில் இருந்து தகுதி நீக்கம் செய்யப்பட்டார். ஐபிஏ தலைவர் ஓமர் கிரெம்லேவ் கூறியதாவது, ”பல விளையாட்டு வீரர்கள் தங்களை பெண் விளையாட்டு வீராங்கனைகளாக காட்டி இதுபோன்ற விளையாட்டுகளில் பங்கேற்க முயல்கின்றனர். ஆனால் அவரது டிஎன்ஏவில் XY குரோமோசோம்கள் இருப்பது விசாரணையில் கண்டறியப்பட்டது. கடந்த ஆண்டு உலக சாம்பியன்ஷிப்பில் இருந்து அத்தகைய விளையாட்டு வீரர்கள் விலக்கப்பட்டனர். ஆனால் சர்வதேச ஒலிம்பிக் கவுன்சில் இமான் கலீப்ப விளையாட அனுமதித்தது.” என்றார்.
ALSO READ: Paris Olympics: வாள்வீச்சில் 7 மாத கர்ப்பிணி… பாரிஸ் ஒலிம்பிக்கில் சுவாரஸ்யம்..!
ஒலிம்பிக் கமிட்டி விளக்கம்:
பாரிஸ் 2024 ஒலிம்பிக்கில் போட்டியிடும் இரண்டு பெண் வீராங்கனைகள் பற்றிய தவறான தகவல்கள் பரவி வருகிறது. ஒலிம்பிக் விளையாட்டு டோக்கியோ 2020, சர்வதேச குத்துச்சண்டை சங்கம் (IBA) உலக சாம்பியன்ஷிப் அனுமதிக்கப்பட்ட போட்டிகள் உட்பட பெண்கள் பிரிவில் பல ஆண்டுகளாக இரு தடகள வீரர்களும் சர்வதேச குத்துச்சண்டை போட்டிகளில் விளையாடி வருகின்றனர். சமீபத்தில் வெளியான முடிவின் அடிப்படையிலேயே இத்தகைய கருத்துகள் பரவி, போட்டியை பாதிக்கிறது. குத்துச்சண்டை விதிகளை அடிப்படையாக கொண்டு, தவறுகள் திருத்தி அமைக்கப்பட்ட பின்னரே, கலிஃப் ஒலிம்பிக்கில் விளையாட அனுமதிக்கப்பட்டார் என சர்வதேச ஒலிம்பிக் கமிட்டி விளக்கம் அளித்தது.