Rishabh Pant: CSK அணியில் இணையும் ரிஷப் பண்ட்..? இணையத்தில் பரவும் தகவல்..!

ரிஷப் பண்ட் - தோனி

ஐபிஎல் போட்டிகளில் சென்னை சூப்பர் கிங்ஸ் அணிக்கு தனி ரசிகர்கள் பட்டாளமே உள்ளது. தோனி தலைமையிலான சிஎஸ்கே அணியில் விளையாட பெரும்பாலும் அனைத்து வீரர்களுக்கு விருப்பம் தெரிவித்திருப்பதை நாம் பார்த்திருப்போம். வரும் 2025 ஆம் ஆண்டிற்கான ஐ.பி.எல். மெகா ஏலம் இன்னும் சில மாதங்களில் நடைபெற இருப்பதால், ஒரு அணி எத்தனை வீரர்களை தக்கவைத்து கொள்ளலாம், அதில் எத்தனை வெளிநாட்டு வீரர்கள் போன்ற பேச்சுவார்த்தைகளை ஐ.பி.எல். நிர்வாகம், ஐபிஎல் போட்டிகளில் பங்கேற்கும் அணிகளின் உரிமையாளர்களுடன் ஆலோசனை நடத்தி வருகிறது. இது ஒருபுறமிருக்க குஜராத் டைட்டன்ஸ் அணியின் உரிமையாளர் அதன் பங்குகளை விற்பதாகவும், இதனை அதானி குழுமம் வாங்கவிருப்பதாகவும் தகவல் வெளியானது.

Also Read: திறமையை நிரூபித்து கொண்டே இருந்தாலும் வாய்ப்பு கிடைக்கவில்லை – முகமது ஷமி ஆதங்கம்

டெல்லி கேப்பிடல்ஸ் அணியின் தலைமை பயிற்சியாளராக இருந்த ஆஸ்திரேலிய அணியின் முன்னாள் கேப்டன் ரிக்கி பாண்டிங் பயிற்சியாளர் பதவியில் இருந்து நீக்கப்பட்டார். ஒவ்வொரு ஆண்டும் சிறப்பாக செயல்படும் டெல்லி அணி இறுதிப்போட்டிக்கு முன்னேறாமல் தோல்வியை தழுவியது. ஆஸ்திரேலிய அணிக்கு கேப்டனாக இருந்து உலக கோப்பையை வாங்கி கொடுத்த ரிக்கி பாண்டிங் டெல்லி அணிக்கு சாம்பியன் பட்டத்தை வாங்கி தரவில்லை என்பது டெல்லி அணியின் நிர்வாகத்திற்க்கு அதிருப்தியை அளித்துள்ளதாக தகவல் வெளியாகியுள்ளது.

சென்னை சூப்பர் கிங்ஸ் அணி நிர்வாகம் சார்பில் ரிஷப் பண்ட் பல கோடி ரூபாய் கொடுத்தும் டிரேடிங் மூலமாக வாங்க தயாராக இருப்பதாக தகவல்கள் வெளிவருகிறது. மேலும், தோனிக்கு பதிலாக ரிஷப் பண்டை வாங்குவதாக சென்னை அணியில் தோனி இந்த வருடம் தொடர வேண்டும் என்று வேண்டுகோள் விடுத்து வரும் ரசிகர்களுக்கு இந்த செய்தி அதிர்ச்சியை ஏற்படுத்தியுள்ளது. கடைசியாக வரும் 2025 ஆம் ஆண்டு சென்னை அணிக்காக தோனி விளையாடி கோப்பையை பெற்றுத்தர வேண்டும் என்று காத்திருந்த நிலையில், ரிஷப் பண்ட் சென்னை அணியில் இடம்பெற போவதாக வெளியான தகவல்கள், தோனியின் வெற்றிடத்தை நிரப்ப யாராலும் முடியாது என்றாலும், அவருக்கு மாற்றாக ரிஷப் பண்ட் அமைவார் என்று எதிர்பாக்கப்படுகிறது. சென்னை அணியின் ரசிகர்களும் இவ்வாறு கருத்துகளை கூறுகின்றனர்.

Also Read: Building Collapsed : நொடி பொழுதில் இடிந்து விழுந்து தரைமட்டமான கட்டடம்.. அதிர்சியூட்டும் சிசிடிவி காட்சி!

கடந்த சீசனில் கேப்டனாக தோனி தொடர்வார் என்று எதிர்பார்த்த ரசிகர்களுக்கு, திடீரென சென்னை அணி நிர்வாகம் ருதுராஜ் கேப்டனாக செயல்படுவார் என்று அறிவித்த நிலையில், தற்போது தோனி அணியில் தொடர்வாரா? அல்லது கேப்டன் பொறுப்பு ருத்துராஜ் வசமிருந்து, ரிஷப் சிஎஸ்கே வரும் பட்சத்தில் அவருக்கு வழங்கப்படுமா என்பதை பொறுத்திருந்து தான் பார்க்க வேண்டும். இருவருமே கேப்டன்சியில் பொறுப்பாக விளையாடும் வீரர்கள் என்பதால், ரசிகர்களிடையே குழப்பத்தை ஏற்படுத்தியுள்ளது. இதுதொடர்பாக இதுவரை எந்த அதிகாரப்பூர்வ தகவல்களும் வெளிவரவில்லை என்பது குறிப்பிடத்தக்கது. ரிஷப் பண்ட் தோனியை தனது ரோல்மாடல் என்று குறிப்பிட்டு வரும் நிலையில், டெல்லி, சிஎஸ்கே போட்டியின் போது இருவரும் சேர்ந்தே இருப்பதை பார்க்க முடியும். ரிஷப் பண்டின் நிறைய செயல்பாடுகள் தோனியை பின்பற்றுவதை பல தருணங்களில் பார்க்க முடியும். சிஎஸ்கே குழு புகைப்படத்தில் ரிஷப் பண்ட் இருப்பது போன்ற புகைப்படங்கள் வெளிவந்த நேரத்தில் ரிஷப் பண்டை சிஎஸ்கே அணிக்கு வரும்படி ரசிகர்கள் அழைப்பு விடுத்திருந்தது குறிப்பிடத்தக்கது.