Rohit: ‘மைதானத்தில் பேசுறதை பதிவு பண்றாங்க’ – ரோகித் சர்மா வேதனை

நடப்பு 2024 ஆம் ஆண்டு ஐபிஎல் தொடரில் மும்பை இந்தியன்ஸ் அணியின் முன்னாள் கேப்டனான ரோகித் சர்மாவின் இரண்டு காணொளிகள் சமூக வலைதளங்களில் வேகமாக பரவியது. கொல்கத்தா அணியுடனான பயிற்சி போட்டியின்போது, கொல்கத்தா அணியின் பயிற்சியாளர் அபிஷேக் நாயருடன் ரோகித் சர்மா பேசிய உரையாடல் இணையத்தில் பரவியது. பின்னர் பெரிய அதிர்வலைகளை ஏற்படுத்திய இந்த காணொளியில், ரோகித் சர்மா மும்பை அணி நிர்வாகத்தில் நடைபெறும் பிரச்சினைகள் குறித்தும், தற்போது அங்கிருக்க கூடிய சிக்கல்கள் குறித்தும் பேசியிருந்தார். பின்னர் இந்த வீடியோ கொல்கத்தா அணியின் சமூக வலைதளத்தில் இருந்து அந்த வீடியோ நீக்கப்பட்டது. ஏற்கனவே ஒரு வீடியோ வெளியான சூழலில், மீண்டும் லக்னோ மற்றும் மும்பை அணிகளுக்கு இடையிலான போட்டியின்போது கூட மும்பை வீரர் ரோகித் சர்மா வேகப்பந்து வீச்சாளரான தவால் குல்கர்னியுடன் உரையாடிக் கொண்டிருந்தார். அப்போது கேமராவைப் பார்த்தவுடன் ஆடியோவை ஆஃப் செய்யுமாறு கூறிய வீடியோ இணையத்தில் வைரலானது.

Also Read: ரூ.100 இருக்கா? நாள் முழுவதும் பயணம் செய்யலாம்.. சென்னை மெட்ரோவின் செம்ம ஆஃபர்!

இதுகுறித்து ரோகித் சர்மா தனது எக்ஸ் தளத்தில் பதிவிட்டுள்ளதாவது, “கிரிக்கெட் மைதானத்தில் வீரர்களின் செயல்கள் கேமராவில் பதிவு செய்யப்படுவது வேதனை அளிக்கிறது.பயிற்சியின்போதும், போட்டி நாட்களிலும் சக வீரர்கள் மற்றும் நண்பர்களிடம் தனிமையில் பேசுவதை, கேமராக்கள் மூலம் படம்பிடிக்கும் அளவுக்கு கிரிக்கெட் வீரர்களின் வாழ்க்கை மிகவும் ஊடுருவக்கூடியாகிவிட்டது. எனது உரையாடலை பதிவு செய்ய வேண்டாம் என்று கேட்டுக்கொண்ட போதிலும், அது பதிவு செய்யப்பட்டு, ஒளிபரப்பட்டது. இது தனியுரிமை மீறலாகும் என்று கூறியுள்ளார். பிரத்யேக தகவல்களுக்காவும், மக்களின் பார்வைகளைபெறவும் இவ்வாறு செய்வது ரசிகர்களின், கிரிக்கெட் வீரர்கள் மற்றும் கிரிக்கெட் விளையாட்டிற்கு இடையே உள்ள நம்பிக்கையை ஒரு நாள் உடைத்துவிடும் என்று தெரிவித்துள்ளார்.

Also Read: Ajithkumar: மிரட்டலான லுக்.. ‘குட் பேட் அக்லி’ பட போஸ்டர் வெளியீடு

மேலும், ரசிகர்களின் கவனத்தை ஈர்ப்பதற்காக மேற்கொள்ளப்படும் இதுபோன்ற செயல்கள் கிரிக்கெட் வீரர்கள் மீது ரசிகர்களுக்கு இருக்கும் நம்பிக்கையை சீர்குலைத்துவிடும் என்று ரோகித் சர்மா தெரிவித்துள்ளார். 5 முறை சாம்பியன்களான மும்பை இந்தியன்ஸ் அணி நடப்பு ஐபிஎல் தொடரில் லீக் போட்டிகளுடன் வெளியேறியது மும்பை ரசிகர்களுக்கு ஏற்கனவே வேதனையை அளித்துள்ளது. இந்நிலையில், தற்போது ரோகித் வெளியிட்டுள்ள பதிவு இணையத்தில் வைரலாகி ரசிகர்களை அதிர்ச்சியில் ஆழ்த்தி வருகிறது.