Sanju Samson: வீட்டு மொட்டை மாடியில் சஞ்சு சாம்சன் உருவம்… இணையத்தில் வீடியோ வைரல்.!

கேரள மாநிலம், பாலக்காடு மாவட்டம், கடம்பழிப்புரம் அழியன்னுாரை சேர்ந்தவர் சுஜித் என்ற ஓவியக் கலைஞர். இவர் தனது வீட்டின் மாடியில் ராஜஸ்தான் ராயல்ஸ் அணியின் கேப்டன் சஞ்சு சாம்சனின் பிரம்மாண்ட ஓவியம் வரைந்துள்ளார். இந்த புகைப்படத்தை அவரது நண்பர்கள் ‘டிரோன்’ கேமராவில், வீடியோ எடுத்து சமூக வலைதளங்களில் பதிவு செய்தனர். இந்த வீடியோவை ஒரு மணி நேரத்திற்குள் ஆயிரக்கணக்கானோர் பார்வையிட்டனர்.இந்த வீடியோவை ராஜஸ்தான் ராயல்ஸ் அணியின் அதிகாரபூர்வ, ‘எக்ஸ்’ தள பக்கத்திலும் அணியின் நிர்வாகம் பதிவிட்டுள்ளது. உடன் ஓவியக்கலைஞார், சுஜித்திற்கு கிரிக்கெட் வீரரும் ராஜஸ்தான் ராய்ல்ஸ் அணியின் கேப்டனுமான சஞ்சு சாம்சன் இந்த புகைப்படத்தை கண்டு மகிழ்ச்சியடையந்ததாகவும், இதற்கு தனது நன்றியை தெரிவித்துள்ளார்.

நடப்பு 2024 ஐபிஎல் தொடரில் ராஜஸ்தான் அணி இதுவரை 13 போட்டிகளில் விளையாடி அதில் 8 போட்டிகளில் வெற்றியும் 5 போட்டிகளில் தோல்வியைச் சந்தித்துள்ளது. மொத்தம் 16 புள்ளிகளுடன் இரண்டாவது இடத்தை பிடித்து ப்ளே ஆப் சுற்றுக்கு முன்னேறியுள்ளது. ராஜஸ்தான் அணியின் கேப்டன் சஞ்சு சாம்சன் இந்த தொடரின் மூலம் தனது கிரிக்கெட்டை மேம்படுத்தி இந்திய அணியிலும் இடம் பிடித்துள்ளார். தனது அணியையும் சிறப்பாக வழிநடத்தி ரசிகர்களின் அன்பையும் சம்பாதித்துள்ளார். கால்பந்தை மட்டும் கொண்டாடி வரும் கேரள ரசிகர்கள் சஞ்சு சாம்சனை பின்பற்று தற்போது கிரிக்கெட்டில் ஆர்வம் காட்டி வருகின்றனர். சஞ்சு சாம்சனுக்கு கேரளா மட்டுமில்லாமல் இந்தியா முழுவதும் ரசிகர்களின் எண்ணிக்கை அதிகரித்துள்ளது. டி20 உலக கோப்பை தொடரில் விக்கெட் கீப்பர் பேட்ஸ்மேனாக அணியில் இடம் பிடித்துள்ள சஞ்சு சாம்சனுக்கு கிரிக்கெட் ரசிகர்கள் மட்டுமின்றி சினிமா பிரபலங்களும் வாழ்த்துக்களை தெரிவித்தனர்.

Just spotted in Kerala… 🔥💗 pic.twitter.com/O33Yx5iSRO

— Rajasthan Royals (@rajasthanroyals) May 14, 2024

சஞ்சு சாம்சனுக்கு முன்னர் முன்னாள் இந்திய வீரர் கேரளாவை சேர்ந்த ஸ்ரீசாந்த் ஐபிஎல் மற்றும் இந்திய அணியில் சிறப்பாக விளையாடி வந்தார். ஐபிஎல் போட்டிகளில் சூதாட்டத்தில் ஈடுபட்டதாக அவர் மீது குற்றம் நிரூபணம் ஆனநிலையில், அவருக்கு பிசிசிஐ கிரிக்கெட்டில் விளையாட தடை விதித்தது. அதன் பிறகு கேரளாவில் இருந்து ஒருவர் இந்திய அணியில் இடம் பிடித்து விளையாடி வருவது இதுவே முதன்முறையாகும். மேலும் சஞ்சு சாம்சனுக்கு தமிழ்நாட்டிலும் ரசிகர்கள் தங்களது ஆதரவை தெரிவித்து வருகின்றனர். கேரளாவிற்கு சொந்தமாக கிரிக்கெட் அணி இல்லை என்பதாலும், கேரளாவை சேர்ந்த சஞ்சு சாம்சன் ராஜஸ்தான் அணியை வழிநடத்தி வருகிறார்.ராஜஸ்தான் அணியில் தமிழக வீரர் அஷ்வின் இடம்பெற்றுள்ளதால் தமிழக ரசிகர்களும் ராஜஸ்தான் ராயல்ஸ் அணிக்கு தங்களது ஆதரவை அளித்து வருகின்றனர்.

Also Read: T20 World Cup: துணை கேப்டனாக ஹர்திக் தேர்வு.. ரோகித் ஷர்மா, அகர்கர் எதிர்ப்பு.. அதிர்ச்சியூட்டும் அறிக்கை..!

இந்நிலையில், கேரளாவில் சஞ்சு சாம்சனின் தீவிர ரசிகரான சுஜித், தனது வீட்டு மொட்டை மாடியில் சஞ்சு சாம்சனின் படத்தை வரைந்துள்ளது தொடர்பான புகைப்படங்கள், ட்ரோன் வீடியோ காட்சிகள் காட்சிகள் இணையத்தில் வேகமாக வைரலாகி வருகிறது. இதற்கு சஞ்சு சாம்சனின் ரசிகர்கள் லைக் மற்றும் கமெண்டுகளை பதிவிட்டு வருகின்றனர்.