INDW vs SLW: டி20 உலகக் கோப்பையில் இலங்கையை எதிர்கொள்ளும் இந்திய அணி.. கட்டாய வெற்றிக்காக களம்..!

IND-W Vs SL-W: ஹர்மன்ப்ரீத் கவுர் தலைமையிலான இந்திய மகளிர் அணி டி20 உலகக் கோப்பையில் தனது முதல் போட்டியில் நியூசிலாந்து அணியை எதிர்கொண்டது. இந்த போட்டியில், நியூசிலாந்துக்கு எதிராக 58 ரன்கள் வித்தியாசத்தில் இந்திய மகளிர் அணி தோல்வியை சந்தித்தது. அடுத்ததாக, இந்திய அணி பாகிஸ்தானை அடுத்த போட்டியில் எதிர்கொண்டு 6 விக்கெட் வித்தியாசத்தில் வீழ்த்தியது.

இந்தியா – இலங்கை (Image: Sameera Peiris/Getty Images)

Mukesh Kannan | Published: 09 Oct 2024 12:18 PM

ஐசிசி மகளிர் டி20 உலகக் கோப்பை 2024ன் 12வது போட்டியில் இன்று இந்தியா மகளிர் அணியும், இலங்கை மகளிர் அணியும் மோதவுள்ளன. இந்த போட்டியானது துபாய் சர்வதேச கிரிக்கெட் ஸ்டேடியத்தில் இந்திய நேரப்படி இரவு 7.30 மணிக்கு தொடங்குகிறது. ஹர்மன்ப்ரீத் கவுர் தலைமையிலான இந்திய மகளிர் அணி டி20 உலகக் கோப்பையில் தனது முதல் போட்டியில் நியூசிலாந்து அணியை எதிர்கொண்டது. இந்த போட்டியில், நியூசிலாந்துக்கு எதிராக 58 ரன்கள் வித்தியாசத்தில் இந்திய மகளிர் அணி தோல்வியை சந்தித்தது. அடுத்ததாக, இந்திய அணி பாகிஸ்தானை அடுத்த போட்டியில் எதிர்கொண்டு 6 விக்கெட் வித்தியாசத்தில் வீழ்த்தியது.

இப்போது ஹர்மன்ப்ரீத் தலைமையிலான இந்திய அணி மீண்டும் தனது வெற்றியை தக்கவைக்க முயற்சிக்கும். ஐசிசி டி20 உலகக்கோப்பை 2025 குரூப் ஏ பிரிவில் இந்திய அணி 2 புள்ளிகளுடன் நான்காவது இடத்தில் உள்ளது. அதேசமயம், இலங்கை அணி இதுவரை 2 போட்டிகளில் விளையாடி 2 தோல்விகளுடன் புள்ளி பட்டியலில் கடைசி உள்ளது.

ALSO READ: India vs Bangladesh 2nd T20: இந்தியா-வங்கதேச 2வது டி20யில் மழை பெய்ய வாய்ப்பா? டெல்லி வானிலை எப்படி?

இரு அணிகளும் இதுவரை நேருக்குநேர்:

இந்தியா மற்றும் இலங்கை இடையே 25 சர்வதேச டி20 போட்டிகள் நடந்துள்ளன. இந்திய அணி 19 போட்டிகளில் வெற்றி பெற்றுள்ள நிலையில், இலங்கை அணி 5 முறை மட்டுமே வெற்றி பெற்றுள்ளது. ஒரு போட்டி முடிவடையாமல் முடிந்தது.

துபாய் பிட்ச் ரிப்போர்ட்:

துபாயில் உள்ள துபாய் சர்வதேச கிரிக்கெட் ஸ்டேடியத்தின் பிட்ச் மெதுவாகவும் மந்தமாகவும் இருக்கும். இதன் காரணமாக, பேட்ஸ்மேன்களால் அதிக ரன்களை திரட்டுவது மிகவும் கஷ்டமாக இருக்கும். இங்கு, சுழற்பந்து வீச்சாளர்களுக்கு சொர்க்கமாக இருக்கும். சுழற்பந்து வீச்சாளர்களின் சுழலால் பேட்ஸ்மேன்கள் நிச்சயம் திணறுவார்கள் என்பது உறுதி.

இந்தியா மற்றும் இலங்கை அணிகளுக்கு இடையேயான போட்டி இரவு நடைபெறும் என்பதால், இரண்டாவது இன்னிங்ஸ்களிலும் பேட்ஸ்மேன்கள் ரன்களை குவிக்க திணறுவார்கள். எனவே, டாஸ் வென்ற கேப்டன் முதலில் பந்துவீச்சை தேர்வு செய்வது நல்லது.

வானிலை எப்படி..?

துபாய் சர்வதேச கிரிக்கெட் ஸ்டேடியத்தில் இந்தியா மகளிர் மற்றும் இலங்கை மகளிர் இடையேயான போட்டியின்போது வானிலை தெளிவாகவும், சூடாகவும் இருக்கும் என்று எதிர்பார்க்கப்படுகிறது. வெப்பநிலை பகலில் 37 முதல் 40 டிகிரி செல்சியஸ் வரை இருக்கும் என்றும், இரவில் 29 டிகிரி செல்சியஸ் வரை இருக்கும் என்றும் தெரிவிக்கப்பட்டுள்ளது. எனவே, மழைக்கு வாய்ப்பே இல்லை. எனவே, ஐசிசி மகளிர் டி20 உலகக் கோப்பை இந்தியா – இலங்கை இடையிலான போட்டியில் மழையின் இடையூறு இல்லாமல் பார்க்கலாம்.

ALSO READ: ICC Champions Trophy 2025: சாம்பியன்ஸ் டிராபியில் இந்திய அணி பாகிஸ்தானில் விளையாடாதா..? அப்போ! போட்டிகள் எங்கு நடைபெறும்?

போட்டியை எங்கே காண்பது..?

டி20 உலகக் கோப்பை 2024 இந்தியா மற்றும் இலங்கை இடையேயான போட்டி ஸ்டார் ஸ்போர்ட்ஸ் நெட்வொர்க் மூலம் டிவியில் நேரடியாக ஒளிபரப்பப்படும். மேலும், டிஸ்னி பிளஸ் ஹாட்ஸ்டாரில் நேரலையாக கண்டுகளிக்கலாம்.

பாகிஸ்தான் அணியை இந்தியா எப்படி வீழ்த்தியது..?

முதலில் பேட்டிங் செய்த பாகிஸ்தான் 105 ரன்கள் எடுத்தது. இதன் போது அருந்ததி 4 ஓவர்களில் 19 ரன்கள் மட்டுமே விட்டுக்கொடுத்து 3 விக்கெட்டுகளையும், ஸ்ரேயங்கா பாட்டீல் 4 ஓவர்களில் 12 ரன்களுக்கு 2 விக்கெட்டுகளை வீழ்த்தி இருந்தனர். பதிலுக்கு பேட்டிங் செய்த இந்திய அணி 18.5 ஓவர்களில் 4 விக்கெட்டுகளை இழந்து வெற்றி இலக்கை எட்டியது. இந்தியா சார்பில் ஷபாலி வர்மா அதிகபட்சமாக 32 ரன்கள் எடுத்தார்.

மகளிர் டி20 உலகக் கோப்பைக்கான இந்திய அணி:

ஷஃபாலி வர்மா, ஸ்மிருதி மந்தனா, ஜெமிமா ரோட்ரிக்ஸ், ஹர்மன்ப்ரீத் கவுர் (கேப்டன்), ரிச்சா கோஷ் (விக்கெட் கீப்பர்), தீப்தி ஷர்மா, சஜீவன் சஜ்னா, அருந்ததி ரெட்டி, ஸ்ரேயங்கா பாட்டீல், ஆஷா ஷோபனா, ரேணுகா தாக்கூர் சிங், பூஜா வஸ்த்ரகர், ராதா யாத்லாஸ்ட், ராதா யாத்லாஸ் பாட்டியா.

மகளிர் டி20 உலகக் கோப்பைக்கான இலங்கை அணி:

விஷாமி குணரத்ன, சாமரி அத்தபத்து (கேப்டன்), ஹர்ஷித சமரவிக்ரம, கவிஷா தில்ஹாரி, நீலாக்ஷி டி சில்வா, ஹாசினி பெரேரா, அனுஷ்கா சஞ்சீவனி (விக்கெட் கீப்பர்), சுகந்திகா குமாரி, இனோஷி பிரியதர்ஷினி, உதேஷிகா பிரபோதினி, இனோகா ரணசீனிஸ், அமா, சசினி ஞாசினிஸ், அமா கிம்ஹானி.

சேனலை பின்தொடர்க