Armstrong Murder CCTV : அதிர வைக்கும் ஆம்ஸ்ட்ராங்க் படுகொலை.. சிசிடிவி காட்சிகளை வெளியிட்ட போலீஸ்!

ஆம்ஸ்ட்ராங் படுகொலை சிசிடிவி

ஆம்ஸ்ட்ராங் படுகொலை : சென்னை பெரம்பூர் பகுதியைச் சேர்ந்தவர் ஆம்ஸ்ட்ராங் (52).  இவர்  பகுஜன் சமாஜ் மாநில தலைவராக பதவி வகித்து வந்தார். இவர் கடந்த ஜூலை 5 ஆம் தேதி தனது வீட்டின் அருகே புது வீடு கட்டும் பணிகளை பார்வையிட்டுக் கொண்டிருந்தார். அப்போது அங்கு இரு சக்கர வாகனத்தில் வந்த 6 பேர் கொண்ட கும்பல் அவரை சராமாரியாக வெட்டி சாய்த்தது. இதில் படுகாயமடைந்த ஆம்ஸ்டார்ங், ரத்த வெள்ளத்தில் தரையில் சாய்ந்தார். இதனை கண்டு அதிர்ச்சியடைந்த அப்பகுதி மக்கள், ஆம்ஸ்ட்ராங்கை மீட்டு சிகிச்சைக்காக மருத்துவமனையில் அனுமதித்தனர். ஆனால் சிகிச்சை பலனின்றி அவர் உயிரிழந்தார். இந்நிலையில் ஆம்ஸ்ட்ராங் வெட்டி கொலை செய்யப்பட்ட சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது.

அதிர வைக்கும் ஆம்ஸ்ட்ராங் கொலையில் சிசிடிவி காட்சி

தற்போது வெளியாகியுள்ள அந்த சிசிடிவி காட்சியில், புதிய வீட்டின் கட்டுமானப் பணிகளை ஆம்ஸ்ட்ராங் பார்வையிட்டுக்கொண்டிருக்கிறார். அப்போது அந்த இடத்திற்கு கொலையாளிகள் ஒருவர் பின் ஒருவராக வந்து சேருகின்றனர். கட்டுமான பணிகள் நடைபெரும் இடத்தில், கலவை இயந்திரம் இருப்பதால் கொலையாளிகளுக்கு அது சாதமாக அமைகிறது. முதலில் சந்தோஷ் அன்பவர் ஆம்ஸ்டார்ங்கை நோட்டமிட்டபடியே இரு சக்கர வாகனத்தில் கடந்து செல்கிறார்.

இதையும் படிங்க : BSP Armstorng Murder: அதிகாலையிலேயே நடந்த என்கவுண்டர்.. ஆம்ஸ்ட்ராங் கொலையில் கைதான ரவுடி சுட்டுக்கொலை.. சென்னையில் பரபரப்பு!

பிறகு சிவசக்தி இருசக்கர வாகனத்தில் வருகிறார். அவர்களை தொடர்ந்து அருள், பொன்னை பாலு ஆகிய இருவரும் ஒரே இரு சக்கர வாகனத்தில் வருகின்றனர். இதற்கு பிறகு அதே இடத்தில் மறைந்திருந்த ராமுவும், திருவேங்கடமும் தாக்குதல் நடத்த தொடங்குகின்றனர். அவர்கள் நடத்திய தாக்குதலில் ஆம்ஸ்ட்ராங் ரத்த வெள்ளத்தில் சரிந்து விழுகிறார். இதனை கண்டு அங்கு கட்டுமான பணியில் ஈடுபட்டிருந்தவர்கள் அலறி அடித்துக்கொண்டு ஓடும் காட்சிகளும் அதில் இடம் பெற்றுள்ளது குறிப்பிடத்தக்கது.

ஆள்நடமாட்டம் மிகுந்த பகுதியில் இத்தகைய கொடூர தாக்குதல் அரங்கேறியிருப்பது பொதும்மக்களை அதிர்ச்சியில் ஆழ்த்தியுள்ளது.

என்கவுண்டரில் சுட்டுக்கொல்லப்பட்ட கொலையாளி

ஆம்ஸ்ட்ராக கொலை வழக்கு தொடர்பாக இன்று (14.07.2024) அதிகாலை கொலை நடந்த இடத்திற்கு குற்றவாளிகள் 11 பேரையும் அழைத்து சென்று போலீசார் விசாரணை நடத்தியுள்ளனர். அப்போது திருவேங்கடம் போலீசாரின் பிடியில் இருந்து தப்பிக்க முயற்சி செய்த நிலையில், அவரை போலீசார் என்கவுண்டரில் கொலை செய்தது குறிப்பிடத்தக்கது.