Chennai Train Cancelled: சென்னையில் மின்சார ரயில்கள் பகுதி நேரமாக ரத்து… எந்தெந்த வழிதடத்தில் தெரியுமா?

மின்சார ரயில்கள் பகுதி நேரமாக ரத்து: சென்னை சென்ட்ரல் – அரக்கோணம் மின்சார ரயில்கள் பகுதி நேரமாக ரத்து செய்யப்படுவதாக தெற்கு ரயில்வே அறிவித்துள்ளது.  சென்னை புறநகர் மற்றும் உள்பகுதிகளை இணைக்க கூடிய போக்குவரத்து சேவையான மின்சார ரயியில்கள் இருப்பதால் நாள்தோறும் ஆயிக்கணக்கான பயணிகள் ரயில் சேவையை பயன்படுத்தி வருகின்றனர். இதனிடையே, இந்த வழித்தடங்களில் பராமரிப்பு பணிகள் நடைபெறுவதால் அவ்வப்போது மின்சார ரயில்கள் ரத்து செய்யப்படுவதும், பகுதி நேரமாக ரத்து செய்யப்படுவது அடிக்கடி நடைபெறுகிறது. இதனால், பேருந்துகளில் மக்கள் கூட்டம் அலைமோதுகிறது. இந்த நிலையில் இன்றும், நாளையும் சென்னை சென்ட்ரல் – அரக்கோணம் மின்சார ரயில்கள் பகுதி நேரமாக ரத்து செய்யப்படுவதாக தெற்கு ரயில்வே அறிவித்துள்ளது. பராமரிப்பு பணிகள் நடைபெறுவதால் இன்று மற்றும் நாளை மதியம் 2.40 மணி முதல் மாலை 6.40 மணி வரை சில மின்சார ரயில்கள் ரத்து செய்யப்படுவதாக அறிவிக்கப்பட்டுள்ளது.

Also Read: தமிழ்நாட்டில் முக்கிய இடங்களில் இன்று மின்தடை… லிஸ்டில் உங்க ஊர் இருக்கானு செக் பண்ணிக்கோங்க!

எந்தெந்த வழித்தடங்கள்?

இதுகுறித்து தெற்கு ரயில்வே வெளியிட்ட அறிவிப்பில், சென்னை சென்டிரலில் இருந்து இன்று மற்றும் நாளை மதியம் 12.40, 1.25, 3.50, 4.45 ஆகிய நேரங்களில் புறப்பட்டு அரக்கோணம் செல்லும் மின்சார ரயில் திருவள்ளூர் – அரக்கோணம் இடையே பகுதி நேரமாக ரத்து செய்யப்படுகிறது. மறுமார்க்கமாக அரக்கோணத்தில் இருந்து இன்று மற்றும் நாளை மாலை 3.40, 4.50, 6.00 ஆகிய நேரங்களில் புறப்பட்டு சென்டிரல் வரும் மின்சார ரயில்கள் அரக்கோணம் – திருவள்ளூர் இடையே பகுதி நேரமாக ரத்து செய்யப்படுகிறது.

மேலும், சென்டிரலில் இருந்து இன்று மற்றும் நாளை மதியம் 2.15, மாலை 3.15 ஆகிய நேரங்களில் புறப்பட்டு திருத்தணி செல்லும் மின்சார ரயில் திருவள்ளூர் – திருத்தணி இடையே பகுதி நேரமாக ரத்து செய்யப்படுகிறது. மறுமார்க்கமாக திருத்தணியில் இருந்து இன்று மற்றும் நாளை மாலை 3.45, 5.00, 6.20 ஆகிய நேரங்களில் புறப்பட்டு சென்டிரல் வரும் மின்சார ரயில் திருத்தணி – திருவள்ளூர் இடையே பகுதி நேரமாக ரத்து செய்யப்படுகிறது.

Also Read: அமெரிக்கா புறப்பட்டார் மு.க.ஸ்டாலின்.. உற்சாகமாக வழியனுப்பிய அமைச்சர்கள், தொண்டர்கள்!

அதேபோல, சென்னை கடற்கரையில் இருந்து இன்று மற்றும் நாளை மதியம் 2.25 மணிக்கு புறப்பட்டு அரக்கோணம் செல்லும் மின்சார ரயில்கள் திருவள்ளூர் – அரக்கோணம் இடையே பகுதி நேரமாக ரத்து செய்யப்படுகிறது. மறுமார்க்கமாக அரக்கோணத்தில் இருந்து இன்று மற்றும் நாளை மாலை 4.15 மணிக்கு புறப்பட்டு சென்னை கடற்கரை வரும் மின்சார ரயில் அரக்கோணம் – திருவள்ளூர் இடையே பகுதி நேரமாக ரத்து செய்யப்படுகிறது என்று தெற்கு ரயில் அறிவித்துள்ளது.