Crime: நடுங்கிய கோவை.. பட்டப்பகலில் வழக்கறிஞர் வெட்டிக் கொலை.. பகீர் காரணம்!
கோவையில் வழக்கறிஞர் ஒருவர் அடையாளம் தெரியாத நபர்களால் வெடிக் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. குற்றவாளிகளை கைது செய்வதற்காக 6 தனிப்படைகள் அமைக்கப்பட்டுள்ளதாக மாவட்ட காவல் கண்காணிப்பாளர் பத்ரி நாராயணன் தெரிவித்துள்ளார். மேலும் கொலைக்கான காரணம் குறித்தும் போலீசார் விசாரித்து வருகின்றனர். முன்பகை காரணமா? பணப் பிரச்னையா? என பல்வேறு கோணங்களில் போலீசார் தீவிரமாக விசாரணை நடத்தி வருகின்றனர்.
கொலை செய்யப்பட்ட வழக்கறிஞர்
வழக்கறிஞர் வெட்டிக் கொலை: கோவையில் வழக்கறிஞர் ஒருவர் அடையாளம் தெரியாத நபர்களால் வெடிக் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. கோவை மாவட்டம் சரவணப்பட்டி அருகே விஸவநாதபுரம் பகுதியயைச் சேர்ந்தவர் உதயகுமார். இவருக்கு வயது 48. இவர் வழக்கறிஞராக பல ஆண்டுகளாக பணிபுரிந்து வருகிறார். இவரது மனைவி நித்தியவள்ளி. இவர் தனியார் மருத்துவமனையில் மருத்துவராக பணிபுரிந்து வருகிறார். நேற்று உதயகுமார் வழக்கு தொடர்ந்து பொள்ளாச்சி வரை செல்லவதாக இருந்தது. இதனால், தனது மனைவியிடம் கூறிவிட்டு மதியம் தனது காரில் பொள்ளாச்சிக்கு செல்ல புறப்பட்டார். தனக்கு செந்தமான காரில் அவர் புறப்பட்ட நிலையில், அவருடன் மேலும் சிலரும் அந்த காரில் பயணித்ததாக தெரிகிறது. இதனிடையே பொள்ளாச்சி செல்லும் சாலையில் உள்ள மயிலேறியபாளையம் பிரிவு அருகே காரில் சென்றுக் கொண்டிருந்தார்.
Also Read: முன்னாள் அமைச்சர் செந்தில் பாலாஜியின் கோரிக்கை ஏற்ற நீதிமன்றம்.. 7 ஆம் தேதி நேரில் ஆஜராக உத்தரவு..
அப்போது காரில் இருந்தவர்கள் உதயகுமாரை வெளியே இறக்கி அரிவாளால் சரமாரியாக அவரை வெட்டி உள்ளனர். இதில் கழுத்து மற்றும் மார்பில் 40க்கும் மேற்பட்ட வெட்டுக்காயங்கள் ஏற்பட்டது. இதனால் அவர் சம்பவ இடத்திலேயே துடிதுடித்து உயிரிழந்தார். இதையடுத்து சடலத்தை அப்பகுதியிலேயே விட்டுவிட்டு அவரது காரில் அந்த கும்பல் தப்பிச் சென்றுள்ளது.
காரணம் என்ன?
ரத்த வெள்ளத்தில் கிடந்ததை அவ்வழியாக சென்றவர்கள் பார்த்து அதிர்ச்சி அடைந்து போலீசாருக்கு தகவல் தெரிவித்தனர். சம்பவ இடத்திற்கு வந்த செட்டிபாளையம் போலீசார் உதயகுமாரின் உடலை மீட்டு பிரேத பரிசோதனைக்காக மருத்துவமனைக்கு கொண்டு சென்றனர. இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர். மேலும், குற்றவாளிகளை கைது செய்வதற்காக 6 தனிப்படைகள் அமைக்கப்பட்டுள்ளதாக மாவட்ட காவல் கண்காணிப்பாளர் பத்ரி நாராயணன் தெரிவித்துள்ளார். மேலும் கொலைக்கான காரணம் குறித்தும் போலீசார் விசாரித்து வருகின்றனர். முன்பகை காரணமா? பணப் பிரச்னையா? என பல்வேறு கோணங்களில் போலீசார் தீவிரமாக விசாரணை நடத்தி வருகின்றனர்.
Also Read: ஊருக்கு போறீங்களா? இன்று முதல் மின்சார ரயில்கள் ரத்து.. நோட் பண்ணிக்கோங்க மக்களே!
வழக்கறிஞர் உதயகுமார் கொலைக்கு காரணமானவர்களை விரைந்து கைது செய்ய காவல்துறையனர் நடவடிக்கை எடுக்க வேண்டும் என வழக்கறிஞர்கள் சங்கத்தினர் கோரிக்கை விடுத்துள்ளனர். கோவை அருகே பட்டப்பகலில் வழக்கறிஞர் கொலை செய்யப்பட்ட சம்பவம் பெரும் அதிர்சிசியை ஏற்படுத்தியுள்ளது.