Evening Digest 16 September 2024: இன்றைய டாப் செய்திகள்… உள்ளூர் முதல் உலகம் வரை நடந்தது என்ன?

இன்று காலை முதல் தற்போது வரை நடந்த முக்கிய நிகழ்வுகளை இந்த தொகுப்பில் பார்க்கலாம். தமிழகம் முழுவதும் சுங்கச்சாவடிகளை முற்றுகையிட்டு மனிதநேய மக்கள் கட்சியினர் போராட்டம் நடத்தினர். திமுக – விசிக கூட்டணியில் எந்த விரிசலும் இல்லை என்றும் விரிசல் வந்தாலும் எதிர்கொள்ள தயார் என்றும் திருமாவளவன் தெரிவித்துள்ளார். அகமதாபத் மெட்ரோ ரயிலில் பிரதமர் மோடி இன்று பயணித்தார். ஆப்கானிஸ்தானில் போலியோ சொட்டு மருந்து முகாம் நடத்த தலிபான்கள் தடை விதித்துள்ளது.

தமிழ்நாடு:

• பவுர்ணமியை முன்னிட்டு திருவண்ணாமலைக்கு நாளை முதல் தினசரி இயக்கக்கூடிய பேருந்துகளுடன் சிறப்பு பேருந்துகள் இயக்கப்படும் என்று போக்குவரத்துத்துறை தெரிவித்துள்ளது.
• திருவண்ணாமலை அருகே கார், பேருந்து ஒன்றைக்கொன்று மோதி விபத்துக்குள்ளானதில் 2 பேர் உயிரிழந்துள்ளனர். துக்க நிகழ்ச்சிக்கு சென்றுவிட்டு வீடு திரும்பியபோது விபத்து ஏற்பட்டிருக்கிறது.
• தமிழகம் முழுவதும் சுங்கச்சாவடிகளை முற்றுகையிட்டு மனிதநேய மக்கள் கட்சியினர் போராட்டம் நடத்தினர்.
• 2026 சட்டப்பேரவை தேர்தலில் தனித்து போட்டியிடுவேன். என் பாதை என் பயணம் தனி என்று நாதக ஒருங்கிணைப்பாளர் சீமான் தெரிவித்துள்ளார்.
• திமுக – விசிக கூட்டணியில் எந்த விரிசலும் இல்லை என்றும் விரிசல் வந்தாலும் எதிர்கொள்ள தயார் என்றும் திருமாவளவன் தெரிவித்துள்ளார். முதலமைச்சர் மு.க.ஸ்டாலினை நேரில் சந்தித்து பேசிய பிறகு செய்தியாளர்களிடம் கூறினார்.
• ரூ.400 கோடி மதிப்பில் மொக காலணி உற்பத்தி ஆலைக்கு முதலமைச்சர் ஸ்டாலின் வரும் 28ஆம் தேதி அடிக்கல் நாட்டுகிறார்.
• தமிழகத்தில் அடுத்த 2 தினங்களுக்கு (16.09.2024 மற்றும் 17.09.2024) அதிகபட்ச வெப்பநிலை ஒருசில இடங்களில் 2°- 4° செல்சியஸ் இயல்பை விட அதிகமாக இருக்கக்கூடும். அதிக வெப்பநிலை மற்றும் அதிக ஈரப்பதம் இருக்கும் பொழுது ஓரிரு இடங்களில் அசௌகரியம் ஏற்படலாம் என எச்சரிக்கை விடுக்கப்பட்டுள்ளது.

Also Read: தமிழ்நாட்டில் நாளை முக்கிய இடங்களில் மின்தடை.. எந்தெந்த மாவட்டங்களில்? லிஸ்ட் இதோ!

இந்தியா:

• நாட்டின் பொருளாதார வளர்ச்சியில் தமிழக துறைமுகங்கள் முக்கிய பங்காற்றி இருப்பதாக பிரதமர் மோடி கூறியுள்ளார்.
• அகமதாபத் மெட்ரோ ரயிலில் பிரதமர் மோடி இன்று பயணித்தார். இந்த பயணத்தின்போது மெட்ரோ ரயில் ஊழியர்களுடன் பிரதமர் மோடி கலந்துரையாடினார்.
• கேரளா மாநிலம் மலப்புரத்தில் நிபா வைரஸ் பாதித்த 2 பேர் உயிரிழந்த நிலையில், அப்பகுதியில் மாஸ்க் கட்டாயமாக அணிய வேண்டும் என்று மாநில சுகாதாரத்துறை உத்தரவிட்டுள்ளது.
• இந்தியா கூட்டணி ஒரே நாடு ஒரே தேர்தலை முற்றிலும் எதிர்க்கிறது என்றும் தற்போதைய அரசியலமைப்பில் ஒரே நாள் ஒரே தேர்தல் என்பது சாத்தியமில்லை என்று மூத்த காங்கிரஸ் தலைவர் ப.சிதம்பரம் கூறியுள்ளார்.
• ராகுல் காந்தியன் நாக்கை அறுப்பவருக்கு ரூ.11 லட்சமாக பரிசாக தருகிறேன் என்று சிவசேனா எம்.எல்.ஏ சர்ச்சை கருத்தை கூறியுள்ளார்.
• வந்தே மெட்ரோ ரயில் சேவைக்கு நமோ பாரத் ரேபிட் ரெயில் என்று பெயர் மாற்றம் செய்யப்பட்டுள்ளது.
• முதலமைச்சர் பதவியை ராஜினாமா செய்ய உள்ளதாக கெஜ்ரிவால் கூறிய நிலையில், அடுத்த முதல்வர் யார் என்ற எதிர்பார்ப்பு எகிறியுள்ளது. கெஜ்ரிவாலின் மனைவி சுனிதாதா, அமைச்சர்கள் அதிஷி, கோபால் ராய் உள்ளிட்டவர்களின் பெயர்கள் லிஸ்ட்டில் உள்ளன.

உலகம்:

• ஆப்கானிஸ்தானில் போலியோ சொட்டு மருந்து முகாம் நடத்த தலிபான்கள் தடை விதித்துள்ளது.
• இந்தியா – மாலத்தீவு இடையே இருந்த தவறான புரிதல்கள் தற்போது தீர்த்து வைக்கப்பட்டு விட்டன என்று மாலத்தீவு வெளியுறவுத்துறை அமைச்சர் மூசா ஜமீர் தெரிவித்துள்ளார்.
• சர்வதேக கோல்ப் கிளப்புக்கு சென்று அமெரிக்க முன்னாள் அதிபர் டிரம்ப் கோல்ப் விளையாடிக் கொண்டிருந்தபோது மர்ம நபர்கள் துப்பாக்கிச் நடத்தினர். அவர் உடனே பாதுகாப்பான பகுதிக்கு கொண்டு செல்லப்பட்டார்.
• நான் பலமுறை கூறியது போல் அமெரிக்காவில் அரசியல் வன்முறைகளுக்கு இடமில்லை என்று அமெரிக்க அதிபர் ஜோ பைடன் தெரிவித்துள்ளார்.

Also Read: சென்னை மெட்ரோ ரயில் சேவையில் மாற்றம்.. டைமிங் நோட் பண்ணிக்கோங்க பயணிகளே!

விளையாட்டு:

• டேவிஸ் கோப்பை டென்னிஸ் உலக குரூப் 1 சுற்றில் இந்தியா அணி தோல்வி அடைந்துள்ளது. இந்திய அணி தோல்வியை தழுவியதால் 4-0 என்ற கணக்கில் சுவீடன் வெற்றி பெற்றது.
• இந்திய அணியை வெற்றி பெற விட மாட்டோம் வங்கதேச கேப்டன் சாண்டோ தெரிவித்துள்ளார். கான்பூரில் உள்ள கிரீன் பார்க் ஸ்டேடியத்தில் இந்தியா – வங்கதேசம் இடையிலான 2வது டெஸ்ட் போட்டி செப்டம்பர் 27 முதல் அக்டோபர் 1ம் தேதி வரை நடைபெறுகிறது.

இன்று காலை முதல் தற்போது வரை நடந்த முக்கிய செய்திகள், உள்ளூர் முதல் உலகம் வரை இந்த தொகுப்பில் இடம்பெற்றுள்ளது.