Fengal cyclone Live Updates: அடுத்த 12 மணி நேரத்திற்கு நீடிக்கும் மழை.. இன்று இரவு அல்லது நாளை காலை கரையை கடக்கும் புயல்..

இன்று இரவு அல்லது நாளை காலை கரையை கடக்கும் ஃபெஞ்சல் புயல்..

சென்னை மற்றும் புறநகர் பகுதிகளில் அடுத்த 12 மணி நேரத்திற்கு கனமழை தொடரும் என்றும் இன்று காலை 8.30 மணி வரை அதிகபட்சமாக 12 செ.மீ மழை பதிவாகியுள்ளதாகவும் தனியார் வானிலை ஆய்வாளர் பிரதீப் ஜான் தெரிவித்துள்ளார். மேலும், ஃபெஞ்சல் புயல் இன்று இரவு அல்லது நாளை அதிகாலை நேரத்தில் மாமல்லப்புரம் காரைக்கால் இடையே கரையை கடக்கும் என தெரிவிக்கப்பட்டுள்ளது.

TWM Cyclone Fengal Cyclone Nowcast update 1
=============
Kindly note that these interpretations are given at personal capacity, please follow IMD for official forecasts.

Rains
——-
The dense clouds are falling over KTCC (Chennai) now. Next 12 hours these bands will continue… pic.twitter.com/jEafVyx3hr

— Tamil Nadu Weatherman (@praddy06) November 30, 2024

பலத்த காற்றுடன் சென்னையில் தொடரும் கனமழை..

சென்னையை நெருங்கும் ஃபெஞ்சல் புயல் காரணமாக இன்று அதிகாலை முதல் பலத்த காற்றுடன் கனமழை பெய்து வருகிறது. இன்று மாலை புயல் கரையை கடக்கும் நிலையில், மணிக்கு அதிகபட்சமாக 90 கி.மீ வேகத்தில் காற்று வீசக்கூடும் என வானிலை மையம் எச்சரிக்கை விடுத்துள்ளது.

வேகமெடுக்கும் ஃபெஞ்சல் புயல்.. தொடரும் கனமழை..

தென்மேற்கு வங்காள விரிகுடாவில் “ஃபெஞ்சல்” என்ற சூறாவளி புயல் கடந்த 6 மணி நேரத்தில் மணிக்கு 12 கி.மீ வேகத்தில் மேற்கு – வடமேற்கு திசையில் நகர்ந்து இன்று காலை நிலவரப்படி, அட்சரேகைக்கு அருகில், 12.2°N மற்றும் தீர்க்கரேகை 81.2°E, சுமார் 150 புதுச்சேரிக்கு கிழக்கே கி.மீ., சென்னைக்கு தென்கிழக்கே 140 கி.மீ., நாகப்பட்டினத்திலிருந்து வடகிழக்கே 210 கி.மீ., திரிகோணமலைக்கு வடக்கே 400 கி.மீ. தொலைவில் நிலைக்கொண்டுள்ளது. இது நவம்பர் 30-ம் தேதி மாலையில் மணிக்கு 70-80 கி.மீ வேகத்தில் மணிக்கு 90 கி.மீ வேகத்தில் காற்று வீசக்கூடிய புயலாக கிட்டத்தட்ட மேற்கு நோக்கி நகர்ந்து வட தமிழ்நாடு-புதுச்சேரி கடற்கரையை காரைக்கால் மற்றும் மகாபலிபுரம் இடையே புதுச்சேரிக்கு அருகில் கடக்க வாய்ப்புள்ளது என தெரிவிக்கப்பட்டுள்ளது.

விமானங்கள் தரையிறங்குவதில் சிக்கல்..

சென்னையில் தொடர் காற்றுடன் மழை காரணமாக புனே, குவைத், மஸ்கட், மும்பை ஆகிய இடங்களில் இருந்து சென்னைக்கு வந்த விமானங்கள் தரையிறங்க முடியாமல் வானில் வட்டமடித்துக்கொண்டிருக்கிறது. மோசமான வானிலை காரணமாக இந்த பிரச்சனை எழுந்துள்ளது. மேலும், ஒழுங்கான சிக்னல் கிடைத்ததும் தரையிறக்கப்படும் என தெரிவிக்கப்பட்டுள்ளது.

நெருங்கும் ஃபெஞ்சல் புயல்.. 6 மாவட்டங்களுக்கு ரெட் அலர்ட்..

இன்று பிற்பகல் ஃபெஞ்சல் புயல் கரையை கடக்கும் என தெரிவிக்கப்பட்டுள்ள நிலையில் 6 மாவட்டங்களுக்கு ரெட் அலர்ட் எச்சரிக்கை விடுக்கப்பட்டுள்ளது. அதன்படி, சென்னை, திருவள்ளூர், செங்கல்பட்டு, காஞ்சிபுரம், விழுப்புரம், கள்ளக்குறிச்சி, கடலூர் மாவட்டங்களில் ஒருசில இடங்களில் கன முதல் மிக கனமழையும், ஓரிரு இடங்களில் அதி கன மழையும், ராணிப்பேட்டை, திருவண்ணாமலை, வேலூர், பெரம்பலூர், அரியலூர், தஞ்சாவூர், திருவாரூர், மயிலாடுதுறை மற்றும் நாகப்பட்டினம் மாவட்டங்கள் மற்றும் காரைக்கால் பகுதிகளில் ஓரிரு இடங்களில் கன முதல் மிக கனமழையும், திருப்பத்தூர், கிருஷ்ணகிரி, தர்மபுரி, சேலம், நாமக்கல், திருச்சிராப்பள்ளி, புதுக்கோட்டை மற்றும் கரூர் மாவட்டங்களில் ஓரிரு இடங்களில் கனமழையும் பெய்ய வாய்ப்புள்ளதாக வானிலை ஆய்வு மையம் கணித்துள்ளது.

இன்று பிற்பகல் கரையை கடக்கும் ஃபெஞ்சல் புயல்..

வங்கக்கடலில் நேற்று பிற்பகல் உருவான ஃபெஞ்சல் புயல் காரணமாக சென்னை உள்ளிட்ட புறநகர் பகுதிகளில் கனமழை பெய்து வருகிறது. இந்த புயல் மணிக்கு 7 கி.மீ வேகத்தில் வடக்கு மற்றும் வட மேற்கு திசையில் நகர்ந்து வருவதாகவும் இன்று பிற்பகல் கரையை கடக்கும் என்றும் வானிலை ஆய்வு மையம் கணித்துள்ளது. ஃபெஞ்சல் புயல் சென்னை அருகே மாமல்லப்புரம் மற்றும் காரைக்கால் இடையே கரையை கடக்கும் என தெரிவிக்கப்பட்டுள்ளது.