தலை தீபாவளிக்கு தாய் வீட்டுக்கு வந்த இளம்பெண்.. ஓட ஓட விரட்டி குத்திக் கொன்ற இளைஞர்.. நடுங்கிய திருச்செந்தூர்!

மாதிரிப்படம்

தூத்துக்குடியில் தலை தீபாவளிக்காக தாய் வீட்டிற்கு சென்ற இளம்பெண் ஓட ஓட வெட்டிக் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. திருச்செந்தூரில் இந்த சம்பவம் அரங்கேறியுள்ளது. தூத்துக்குடி மாவட்டம் உடன்குடி சாதரக்கோன்விளையைச் சேர்ந்தவர் சிவன். இவரது மகன் கோவிந்தன் (21). கோவிந்தனின் தங்கை முத்துலட்சுமி (19). இவருக்கு கடந்த சில நாட்களுக்கு முன்பு தான் அதே பகுதியைச் சேர்ந்த வேலுமுத்து என்பவருடன் திருமணம் நடந்தது. இந்த சூழலில், தீபாவளியை முன்னிட்டு முத்துலட்சுமி சாதரக்கோன்விளையில் உள்ள தனது வீட்டிற்கு வந்துள்ளார்.

தலை தீபாவளிக்கு தாய் வீட்டுக்கு வந்த இளம்பெண்

இதற்கிடையில், படுக்கப்பத்து பகுதியைச் சேர்ந்த இளைஞர் ஒருவர் அதே பகுதியில் உள்ள அவரது நண்பரை பார்ப்பதற்காக அங்கு வந்துள்ளார். அப்போது முகவிரியை கோவிந்தனிடம் கேட்டுள்ளார். அப்போது இவர்களுக்கு இடையில் தகராறு ஏற்பட்டது.

இதனை அடுத்து, அந்த இளைஞர் படுக்கப்பத்தில் இருந்து சுமார் 20க்கும் மேற்பட்டோரை அழைத்து வந்து கோவிந்தனிடம் தட்டி கேட்க நேற்று முன்தினம் நள்ளிரவு அவரது வீட்டிற்கு வந்துள்ளனர்.

அப்போது, கோவிந்தன் வீட்டில் இல்லை. இதனை அடுத்து, நேற்று படுக்கப்பத்து பகுதியைச் சேர்ந்தவர்கள் சாதரக்கோன்விளையைச் சேர்ந்த மணிகண்டன் (40) என்பவர் மூலம் சமரசம் பேச வந்துள்ளனர். அப்போது, கோவிந்தன், அவரது தந்தை சிவன் ஆகியோரை அழைத்து பேசும் போது ஏற்பட்ட தகராறில் மணிகண்டன் ஆத்திரம் அடைந்து அடித்துள்ளார்.

Also Read : கேரளாவில் ரயில் மோதி 4 தமிழர்கள் பலி.. தண்டவாளத்தில் தூய்மை பணியிம்போது நேர்ந்த சோகம்!

ஓட ஓட விரட்டி கொன்ற இளைஞர்

தந்தை தன் கண் முன்னே அடிப்பதை பார்த்து கோபமடைந்த கோவிந்தன் வீட்டிற்கு சென்று மணிகண்டனை வெட்டியிருக்கிறார். இதனால் சமரசம் பேச வந்தவர்கள் அங்கு இருந்து ஒடினர். இதனை அடுத்து, கோவிந்தன், அவரது தந்தை சிவன் ஆகியோர் குலசேகரன்பட்டினம் காவல்நிலையத்தில் நடந்ததை கூறி சரண் அடைந்தனர்.

தீவிர விசாரணைக்கு பிறகு கோவிந்தனை போலீசார் கைது செய்தனர். இந்த நிலையில், கோவிந்தனின் தங்கை முத்துலெட்சுமி தலை தீபாவளிக்காக தந்தை வீட்டிற்கு வந்துள்ளார். நேற்று மாலை வழக்கம் போல் வீடுகளுக்கு பால் விநியோகம் செய்வதற்காக முத்துலெட்சுமி சென்றுள்ளார்.

அப்போது, அஞ்கு வந்த மணிகண்டனின் தம்பி தாஸ், முதுலெட்சுமியை தாக்கி ஓட ஓட விரட்டி அவரை மறைத்து வைத்து கத்தியால் கொடூரமாக குத்தி அங்கிருந்து சென்றுள்ளார். இதனை அறிந்த அக்கம் பக்கத்தினர் அவரை மீது திருச்செந்தூர் அரசு மருத்துவனைக்கு கொண்டு சென்றனர்.

Also Read : உடல் முழுக்க சூடு.. 16 வயது சிறுமி சித்ரவதை செய்து கொன்ற தம்பதி.. சென்னையில் ஷாக்!

தொடர்ந்து மேல் சிகிச்சைக்காக தூத்துக்குடி அரசு மருத்துவமனைக்கு கொண்டு சென்றனர். அங்கு அவர் சிகிச்சை பலனின்றி உயிரிழந்ததாகவும் மருத்துவர்கள் கூறினர். இதுகுறித்து போலீசார் வழக்குப்பதிவு செய்து தப்பியோடிய தாஸை தேடி வருகின்றனர். தலை தீபாவளி கொண்டாடுவதற்காக தாய் வீட்டிற்கு சென்ற இளம்பெண் கொடூரமாக கொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.