Viral Video : மாணவர்களை ஷூ காலால் எட்டி உதைத்த ஆசிரியர்.. போட்டியில் தோற்றதால் வெறிச்செயல்!

வைரல் வீடியோ

மாணவர்களை தாக்கிய உடற்கல்வி ஆசிரியர் : சேலம் மாவட்டம் மேட்டூர் அருகே உள்ள கொலத்தூர் பகுதியில் அரசு உதவி பெறும் மேல்நிலைப்பள்ளி செயல்பட்டு வருகிறது. இந்த பள்ளியில், பள்ளிகளுக்கு இடையேயான விளையாட்டு போட்டிகள் நடைபெற்றுள்ளது. இதில் பங்கேற்ற பள்ளி மாணவர்கள் கூடைப்பந்து போட்டியில் தோல்வியடைந்ததாக கூறப்படுகிறது. இதனால் ஆத்திரமடைந்த உடற்கல்வி ஆசிரியர் அண்ணாமலை, போட்டியில் தோற்ற மாணவர்களை தரையில் அமர வைத்து, தகாத வார்த்தைகளால் திட்டி, ஷூ காலால் எட்டு உதைத்து கடுமையாக தாக்கியுள்ளார். அதுமட்டுமன்றி போட்டியில் தோற்றதாக மாணவர்களை அவர் கண்ணத்திலும் அறைந்துள்ளதாக கூறப்படுகிறது.

இதையும் படிங்க : Tamilnadu Weather Alert: 3 மாவட்டங்களுக்கு இன்று மிக கனமழை எச்சரிக்கை.. வானிலை மையம் அலர்ட்!

பணியிடை நீக்கம் செய்யப்பட்ட உடற்கல்வி ஆசிரியர்

போட்டியில் தோற்றதற்காக ஆசிரியர் மாணவர்களை கடுமையாக தாக்கும் வீடியோ இணையத்தில் வைரலானது. அந்த வீடியோவை கண்டு அதிர்ச்சியடைந்த பெற்றோர்கள், உடற்கல்வி ஆசிரியர் மீது கடும் நடவடிக்கை எடுக்க வேண்டும் என்று பள்ளி கல்வித்துறைக்கு கோரிக்கை விடுத்தனர். இந்நிலையில் அந்த வீடியோ சமூக வலைத்தளங்களில் வைரலான நிலையில், உடற்கல்வி ஆசிரியரை பணியிடை நீக்கம் செய்து சேலம் மாவட்ட ஆட்சியர் பிருந்தா தேவி உத்தரவிட்டுள்ளது குறிப்பிடத்தக்கது.

இணையத்தில் வைரலாகும் அந்த வீடியோவில், போட்டியில் தோற்ற மாணவர்கள் அனைவரையும் வரிசையாக மைதானத்தில் அமர வைத்து ஒருவர், ஒருவராக ஆசிரியர் அடிக்கும் காட்சிகள் பதிவாகியுள்ளது குறிப்பிடத்தக்கது.

இணையத்தில் வைரலான வீடியோ – கொதித்தெழுந்த நெட்டிசன்கள்

விளையாட்டு போட்டியில் தோற்றதற்காக உடற்பயிற்சி ஆசிரியர் மாணவர்களை கடுமையாக தாக்கும் வீடியோ இணையத்தில் வைரலானதை அடுத்து, அதனை கண்ட நெட்டிசன்கள் தங்களது கருத்துக்களை பதிவு செய்து வருகின்றனர். போட்டியில் வெற்றி, தோல்வி என்பது சகஜம். இதைக் கூட புறிந்துக்கொள்ள முடியாத இவர் உடற்கல்வி ஆசிரியராக இருக்க தகுதி இல்லை என்று ஒருவர் பதிவிட்டுள்ளார். மாணவர்களை ஷூ கால்களால் எட்டி உதைக்க இந்த ஆசிரியருக்கு யார் தைரியம் கொடுத்தது என மற்றொருவர் தனது கோபத்தை வெளிபடுத்தியுள்ளார்.

இதையும் படிங்க : Actor Ranjith: நான் இரக்கமில்லாதவனா? – பத்திரிக்கையாளர் சந்திப்பில் கடுப்பான ரஞ்சித்!

மேலும் ஆசிரியர்கள் மாணவர்களிடம் காட்டுமிராண்டி தனமாக நடந்துக்கொள்வதை தடுக்க இவர் மீது கடும் நடவடிக்கை எடுக்க வேண்டும் என்று பலரும் கோரிக்கை விடுத்து வருகின்றனர்.