Tamil Breaking News Live: ரஜினி பிறந்தநாள்.. தலைவர்கள் வாழ்த்து.. இன்றைய செய்திகள் உடனுக்குடன்!
Latest News Today Live Updates: உங்களைச் சுற்றி தொடர்ச்சியாக இன்றைய நாளில் நடந்து கொண்டிருக்கும் நிகழ்வுகள் அனைத்தும் உடனுக்குடன் சுருக்கமாக இந்த பகுதியில் வழங்கப்பட உள்ளது. அனைத்து விதமான செய்திகளும் இடம் பெறும்.
LIVE NEWS & UPDATES
-
Rajinikanth Birthday Celebration Live News: அன்பு நண்பர் ரஜினி.. இபிஎஸ் பிறந்தநாள் வாழ்த்து!
தமிழக எதிர்க்கட்சித்தலைவர் எடப்பாடி பழனிசாமி, ரஜினிகாந்துக்கு பிறந்தநாள் வாழ்த்துகளை தெரிவித்துள்ளார். தன் தனித்துவமான நடிப்பாற்றலால் உலகளாவிய ரசிகர் பட்டாளம் கொண்டவரும், என்றும் பழகுவதற்கு இனியவருமான அன்பு நண்பர் #சூப்பர்ஸ்டார் திரு.ரஜினிகாந்த் அவர்களுக்கு எனது இதயங்கனிந்த பிறந்தநாள் நல்வாழ்த்துகள். திரையுலக வாழ்வில் பொன்விழா ஆண்டில் உள்ள அன்பு நண்பர் திரு.ரஜினிகாந்த் அவர்கள், இன்னும் பல்லாண்டு பூரண உடல் நலத்துடன் ரசிகர்களை மென்மேலும் மகிழ்விக்க வாழ்த்துகிறேன் என கூறியுள்ளார்.
-
Rajinikanth Birthday Celebration Live News: ரஜினிகாந்த் பிறந்தநாள்.. முதலமைச்சர் ஸ்டாலின் வாழ்த்து!
நடிகர் ரஜினிகாந்த் பிறந்தநாளை முன்னிட்டு முதலமைச்சர் மு.க.ஸ்டாலின் வாழ்த்து தெரிவித்துள்ளார். அவர் வெளியிட்டுள்ள பதிவில், “எல்லைகள் கடந்து ஆறிலிருந்து அறுபதுவரை அனைவரையும் தன்னுடைய நடிப்பால் – ஸ்டைலால் ரசிகர்களாக்கிக் கொண்ட அருமை நண்பர் சூப்பர்ஸ்டார் ரஜினிகாந்த் அவர்களுக்கு என் பிறந்தநாள் நல்வாழ்த்துகள்! திரையுலகில் தொடர் வெற்றிகளைக் குவித்து வரும் தாங்கள், எப்போதும் அமைதியோடும் மனமகிழ்ச்சியோடும் திகழ்ந்து மக்களை மகிழ்வித்திட விழைகிறேன்” என கூறியுள்ளார்.
எல்லைகள் கடந்து ஆறிலிருந்து அறுபதுவரை அனைவரையும் தன்னுடைய நடிப்பால் – ஸ்டைலால் ரசிகர்களாக்கிக் கொண்ட அருமை நண்பர் சூப்பர்ஸ்டார் திரு. @rajinikanth அவர்களுக்கு என் பிறந்தநாள் நல்வாழ்த்துகள்!
திரையுலகில் தொடர் வெற்றிகளைக் குவித்து வரும் தாங்கள், எப்போதும் அமைதியோடும்… pic.twitter.com/ekRivzI6HB
— M.K.Stalin (@mkstalin) December 12, 2024
-
திருவண்ணாமலை தீபத்திருவிழா.. சிறப்பு ரயில்கள் அறிவிப்பு!
திருவண்ணாமலையில் நாளை கார்த்திகை தீபத்திருவிழா கொண்டாடப்பட உள்ள நிலையில் சென்னை தாம்பரத்தில் இருந்து சிறப்பு ரயில்கள் 13, 14,15 ஆகிய 3 நாட்கள் இயக்கப்படும் என தெரிவிக்கப்பட்டுள்ளது.
-
வைக்கம் போராட்டம் நூற்றாண்டு நிறைவு விழா கொண்டாட்டம்!
கேரளாவில் வைக்கம் போராட்டத்தின் நூற்றாண்டு நிறைவு விழா கொண்டாட்டம் களைகட்டியுள்ளது.அங்கு புரனமைக்கப்பட்ட பெரியார் நினைவிடத்தை முதலமைச்சர் மு.க.ஸ்டாலின் இன்று திறந்து வைக்கிறார்
-
கனமழை காரணமாக 20 மாவட்டங்களில் இன்று பள்ளிகளுக்கு விடுமுறை
கனமழை காரணமாக சென்னை, காஞ்சிபுரம், கடலூர், விழுப்புரம், தஞ்சாவூர், காஞ்சிபுரம், திருவண்ணாமலை, திருவாரூர், புதுக்கோட்டை, கடலூர், கரூர், மயிலாடுதுறை, ராமநாதபுரம், அரியலூர், செங்கல்பட்டு, திருவள்ளூர், ராணிப்பேட்டை, வேலூர், திருப்பத்தூர், தூத்துக்குடி ஆகிய மாவட்டங்களில் பள்ளி, கல்லூரிகளுக்கு விடுமுறை விடப்பட்டுள்ளது.
-
நாகப்பட்டினத்தில் இன்று உள்ளூர் விடுமுறை!
நாகப்பட்டினம் மாவட்டத்தில் உள்ள புகழ்பெற்ற நாகூர் சந்தனக்கூடு திருவிழாவை முன்னிட்டு இன்று அம்மாவாட்டத்தில் உள்ள பள்ளி, கல்லூரிகள், அரசு அலுவலகங்களுக்கு உள்ளூர் விடுமுறை விடப்பட்டுள்ளது.
உள்ளூர் முதல் உலகம் வரை தினம்தோறும் பல்வேறு விதமான நிகழ்வுகள் நடைபெற்று கொண்டே இருக்கிறது. அவற்றையெல்லாம் எளிதில் அறிந்துக் கொள்ளும் பொருட்டு நிகழ்வுகள் அனைத்தும் உடனுக்குடன் இங்கு வழங்கப்பட உள்ளது. டிசம்பர் 12 ஆம் தேதியான இன்று கனமழை காரணமாக காஞ்சிரபுரம் மற்றும் புதுச்சேரியில் பள்ளி, கல்லூரிகளுக்கு விடுமுறை விடப்பட்டுள்ளது. அதேசமயம் சென்னை, விழுப்புரம், கடலூர், திருவாரூர், நாகப்பட்டினம், காரைக்கால், புதுக்கோட்டை, தஞ்சாவூர், திண்டுக்கல், ராமநாதபுரம் ஆகிய மாவட்டங்களில் பள்ளிகளுக்கு மட்டும் விடுமுறை விடப்பட்டுள்ளது.மேலும் திருவண்ணாமலை தீபத்திருவிழா ஏற்பாடுகள் முழு வீச்சில் நடைபெற்று வருகிறது. நடிகர் ரஜினிகாந்த் பிறந்தநாள், முன்னாள் இந்திய கிரிக்கெட் வீரர் யுவராஜ் பிறந்தநாள் ஆகியவற்றை முன்னிட்டு ரசிகர்கள் சமூக வலைத்தளங்களில் வாழ்த்துகளை தெரிவித்து வருகின்றனர். உங்களைச் சுற்றி பல்வேறு விதமான சம்பவங்களும் நடைபெறலாம். அதனை நாம் இந்த தொகுப்பில் காணலாம்.
Published On - Dec 12,2024 7:14 AM
