Chennai Crime: போதைப்பொருள் சப்ளை செய்த துணை நடிகை எஸ்தர்.. போலீசாரிடம் அளித்த பரபரப்பு வாக்குமூலம்..

தொலைக்காட்சி தொடர்களில் துணை நடிகையாக நடித்துள்ள எஸ்தர், மெத்தபெட்டமைன் என்ற போதைப் பொருளை விற்பனை செய்த குற்றத்திற்காக போலீசாரால் கைது செய்யப்பட்டுள்ளார். தமிழகத்தில் போதைப்பொருள் பழக்கம் நாளுக்கு நாள் அதிகரித்துக்கொண்டே வருகிறது. இதனை தடுப்பதற்காக அரசு தரப்பில் பல்வேறு நடவடிக்கைகள் மேற்கொள்ளப்பட்டு வருகிறது. இதற்காக தனிப்படையும் அமைக்கப்பட்டுள்ளது. இருப்பினும் தமிழ்நாட்டில் போதைப்பொருள் பயன்பாடு அதிகரித்து வருகிறது. அந்த வகையில் சென்னை எழும்பூர் வணிக வளாகம் அருகே போதை பொருள் விற்பனை செய்யப்படுவதாக போலீசாருக்கு ரகசிய தகவல் கிடைத்தது. அதனை தொடர்ந்து போலீசார் அங்கு சென்று பார்த்துள்ளனர்.

கைது செய்யப்பட்ட துணை நடிகை:

அப்போது சந்தேகத்திற்கு இடமளிக்கும் வகையில் இளம் பெண் ஒருவர் நின்று கொண்டிருந்தார். அவரை பிடித்து விசாரணை செய்ததில் அவர் மெத்தபெட்டமைன் என்ற போதைப் பொருள் வைத்திருந்தது தெரியவந்துள்ளது. இதை தொடர்ந்து அவரை போலீசார் கைது செய்து அண்ணா சாலையில் இருக்கும் காவல் நிலையத்தில் ஒப்படைத்தனர். மேலும் அந்த பெண்ணிடம் இருந்து சுமார் 5 கிராம் மெத்தபெட்டமைன் பறிமுதல் செய்யப்பட்டது.

மேலும் படிக்க: காற்றழுத்த தாழ்வு பகுதி உருவாவதில் தாமதம்.. மழை இருக்குமா? வானிலை நிலவரம் என்ன?

பின்னர் போலீசார் மேற்கொண்ட விசாரணையில் அவர் சென்னை கோவிலம்பாக்கம் பகுதியை சேர்ந்தவர் என்றும், திரைப்படம் மற்றும் தொலைக்காட்சி தொடர்களில் துணை நடிகையாக நடித்து வருவதும் தெரியவந்துள்ளது. எஸ்தர் என்ற பெண் அதிக பணம் சம்பாதித்து நல்ல சொகுசு வாழ்க்கை வாழலாம் என்ற கனவில் இந்த போதைப்பொருள் சப்ளை செய்யும் வேலையில் இறங்கியுள்ளார்.

கிராம் கணக்கில் விற்பனை செய்யப்பட்ட போதைப்பொருள்:

தொடர்ந்து விசாரணை மேற்கொண்ட போலீசாருக்கு பல திடுக்கிடும் தகவல் தெரிய வந்துள்ளது. அதாவது எஸ்தர் துணை நடிகையாக இருப்பதாகவும், வாட்ஸ் அப் குழு மூலம் போதைப் பொருள் வாங்கி சக நடிகை மற்றும் நடிகர்களுக்கு சப்ளை செய்வதாகவும் கூறியுள்ளார். முக்கியமாக ராயப்பேட்டை சேர்ந்த தனது நணபர் தாமஸ் மூலம் தான் இந்த போதைப்பொருள பழக்கம் ஏற்பட்டதாக தெரிவித்துள்ளார். மேலும், இந்த மெத்தபெட்டமைன் போதைப்பொருளை சின்னத்திரை மற்றும் சினிமா நண்பர்களுக்கு கொடுத்தால் நிறைய சம்பாதித்து, சொகுசாக வாழலாம் என ஆசை வார்ததை பேசியதாகவும் அதை நம்பி எஸ்தரும் இந்த தொழிலில் ஈடுபட்டதாகவும் தெரிய வந்துள்ளது.

மேலும் படிக்க: 1 வருட FDயில் பம்பர் ரிட்டர்ன்.. மூத்த குடிமக்களுக்கு சூப்பர் வாய்ப்பு!

மேலும், தாமஸ் இண்டெர்நெட் மூலம் அழைப்பு வந்ததும் அவர் சொல்லும் இடத்திற்கு இந்த மெத்தபெட்டமைன் சப்ளை செய்ததாகவும் குறிப்பிடப்பட்டுள்ளது. மேலும் மொத்தமாக வாங்கினால், போலீசாரிடம் மாட்டிக்கொள்வோம் என்ற பயத்தில் கிராம் கணக்கில் பெற்று விற்பனை செய்துள்ளார். இதனால், எஸ்தரின் செல்போனை பறிமுதல் செய்து அவர் யார் யாருடன் பேசினார், போதைப் பொருள் விற்பனை தொடர்பாக நடைபெற்ற பணப்பரிவர்த்தனை உள்ளிட்டவை குறித்து போலீசார் விசாரித்துள்ளனர்.

இதையடுத்து அவர் மீது வழக்கு பதிவு செய்யப்பட்டு மருத்துவ பரிசோதனைக்காக ராயப்பேட்டை அரசு மருத்துவமனைக்கு போலீசார் அழைத்து சென்றனர், பின்னர் எஸ்தர் அங்கிருந்து நீதிமன்றத்தில் ஆஜர் படுத்தப்பட்டு சிறையில் அடைக்கப்பட்டார்.

மேலும் எஸ்தரின் நண்பர் தாமஸை பிடிக்க போலீசார் ஈடுபட்டு வருகின்றனர். அவர் இண்டெர்நெட் கால் மூலம் பேசுவதால், அவர் இருக்கும் இடம் கண்டுபிடிப்பதில் சிக்கல் ஏற்பட்டுள்ளதாகவும், இதனால் போலீசார் சைபர் கிரைம் போலீஸின் உதவி நாடியுள்ளதாகவும் குறிப்பிடப்பட்டுள்ளது.