TVK Party Conference Updates: “கூட்டணி களத்தில் நிற்கவும் தயார்” விஜய் அறிவிப்பு
Vijay's Tamizhaga Vetri Kazhagam: தமிழக வெற்றிக்கழகத்தின் முதல் மாநாடு இன்று மாலை விக்கிரவாண்டியில் இருக்கும் வி.சாலையில் நடைபெற உள்ளது. இதற்கான ஏற்பாடுகள் கட்சியின் பொதுச் செயலாளர் ஆனந்த் தலைமையில் கடந்த மாதம் முதல் மேற்கொள்ளப்படு வருகிறது. இந்த மாநாட்டால் வி.சாலையே விழா கோலம் பூண்டுள்ளது. தமிழ்நாட்டில் இருக்கும் மொத்த அரசியல் களமும் விஜய்யின் மாநாட்டை நோக்கி திரும்பியுள்ளது.
கோப்பு புகைப்படம்
மிகவும் எதிர்ப்பார்க்கப்பட்ட தமிழக வெற்றிக் கழகத்தின் முதல் மாநாடு இன்று மாலை விக்கிரவாண்டியில் இருக்கும் வி. சாலையில் நடைபெற உள்ளது. இதற்கான பிரம்மாண்ட ஏற்பாடுகள் கடந்த மாதம் முதல் மேற்கொள்ளப்பட்டு வருகிறது. 1000 எல்.ஈ.டி விளக்குகள், 700 சிசிடிவி கேமிராக்கள், மாநாட்டிற்கு வருகை தரும் மக்களுக்கான் பாதுகாப்பு ஏற்பாடுகள், உணவு வழங்குவது போன்ற அனைத்தும் முறையே செய்யப்பட்டுள்ளது. தமிழக அரசியல் களத்தின் மொத்த கவனமும் இந்த மாநாடு ஈர்த்துள்ளது என்பதில் எந்த மாற்று கருத்தும் இல்லை. பிற அரசியல் கட்சி தலைவர்கள் விஜய்யின் முதல் மாநாட்டிற்கு வாழ்த்து தெரிவித்துள்ளனர். ஆகஸ்ட் மாதம் தமிழக வெற்றிக் கழகத்தில் கட்சிக் கொடி அறிமுகப்படுத்திய நிலை, கட்சியின் கொள்கை கோட்பாடுகள் என்ன என்பது குறித்து தற்போது வரை எந்த தகவலும் இல்லை. அந்த வகையில் கட்சி மாநாட்டில் பெரியார், காமராஜர், அம்பேத்கர், வேலு நாச்சியார், அஞ்சலை அம்மாள் என பல பெருந்ததலைவர்களில் கட் அவுட் இடம்பெற்றுள்ளது. மேலும் இன்று நடைபெற இருக்கும் மாநாட்டில் கட்சி தலைவர் விஜய் கட்சியின் கொள்கைகள் குறித்து பேசுவார் என எதிர்ப்பார்க்கப்படுகிறது.