பட்டப்பகலில் இளைஞர் வெட்டிக் கொலை… பதைபதைக்கும் சிசிடிவி..நெல்லையில் பயங்கரம்!

நெல்லையில் பயங்கரம்:  திருநெல்வேலி மாவட்டம் பாளையங்கோட்டை மூன்றடைப்பு பகுதியைச் சேர்ந்தவர் தீபக்ராஜன் (32). இவரது காதலி செல்வி (28). இவர்கள் நேற்று கேடிசி நகரில் உள்ள ஒரு ஹோட்டலில் சாப்பிடுவதற்காக காரில் வந்தனர். காதலி செல்வி ஹோட்டலுக்குள் சென்ற நிலையில் தீபக் ராஜன் காரை நிறுத்திவிட்டு இறங்கினார். அப்போது, அவரை பின்தொடர்ந்து காரில் வந்த மர்ம கும்பல் அரிவாளுடன் தீபக் ராஜனை விரட்டியது. தொடர்ந்து, ஹோட்டல் வாசலில் தீபக்ராஜனை 6 பேர் கொண்டு கும்பல் மடக்கி பிடித்து சரமாரியாக அரிவாளால் வெட்டிக் கொலை செய்து விட்டு அங்கிருந்து தப்பி சென்றது. பட்டப்பகலில் நடந்த இந்த சம்பவம் அப்பகுதி மக்களை அதிர்ச்சிகுள்ளாக்கியது.

இதுகுறித்து அறிந்த போலீசார் சம்பவ இடத்திற்கு வந்து தீபக்ராஜனின் உடலை கைப்பற்றி பிரேத பரிசோதனைக்கு நெல்லை அரசு மருத்துவமனைக்கு அனுப்பி வைத்தனர். இதுகுறித்து பாளையங்கோட்டை போலீசார் வழக்குப்பதிவு செய்து விசாரித்து வருகின்றனர். இதற்கிடையில், இந்த சம்பவம் தொடர்பான பதைபதைக்க வைக்கும் சிசிடிவி காட்சிகள் சமூக வலைதளத்தில் வெளியாகி வைரலாகி வருகிறது.

Also Read : அடுத்த 3 மணி நேரம்… சென்னை உட்பட 3 மாவட்டங்களில் கொட்டும் மழை!

பதைபதைக்கும் சிசிவிடி காட்சி:

போலீசார் நடத்திய விசாரணையில், கொலையான தீபக்ராஜனும், அவரது காதலி செல்வியும் காதலித்துள்ளனர். அடுத்த மாதம் அவர்களுக்கு திருமணம் ஏற்பாடு செய்யப்பட்டுள்ளது. இந்த நிலையில், கொளையாளிகள் தீபக்ராஜனை கடந்த சில நாட்களாக கண்காணித்து வந்துள்ளனர். நேற்றும் பின் தொடர்ந்து காரில் வந்த கும்பல், ஓட்டல் முன்பாக அவரை வெட்டிக் கொன்றுவிட்டு தப்பியது. மேலும், தீபக்ராஜன் மீது அடிதடி, கொலை மிரட்டல் உட்பட பல்வேறு வழக்குகள் மூன்றடைப்பு காவல்நிலையத்தில் உள்ளன.

இதோடு, விருதுநகர், தாழையூத்து, தூத்துக்குடி மாவட்டம் ஆத்தூர், முறப்பநாடு உட்பட 5 காவல் நிலையங்களில் கொலை வழக்குகள் உட்பட 23 வழக்குகள் உள்ளன. இதனால், அவரை கடந்த சில ஆண்டுகளுக்கு முன்பு ரவுடி பட்டியிலில் சேர்த்துள்ளனர். இந்த நிலையில், இவர் 6 பேர் கொண்ட கும்பலால் கொலை செய்யப்பட்டுள்ளது. கொலையாளிகளை கண்டுபிடிக்க இரண்டு தனிப்படைகள் அமைத்து போலீசார் தேடி வருகின்றனர்.

Also Read : மதுரை எய்ம்ஸ் கட்டுமான பணி…சுற்றுச்சூழல் அனுமதி வழங்கிய தமிழக அரசு!