Alisha Abdullah: மெசெஜ் மூலம் ஆபாச பேச்சு.. நடுரோட்டில் பாஜக பெண் பிரபலம் செய்த சம்பவம்!

சென்னையில் பாஜக பெண் பிரமுகரான அலிஷா அப்துல்லாவுக்கு பாலியல் தொல்லை அளித்த நபரை போலீசார் கைது செய்துள்ள சம்பவம் பெரும் பரபரப்பை ஏற்படுத்தியுள்ளது. பிரபல பைக் மற்றும் கார் ரேஸரான அலிஷா அப்துல்லா சிறுவயதில் இருந்தே கார்ட் எனப்படும் உள்ளரங்க கார் பந்தயங்களில் கலந்து கொண்டு வருகிறார். இந்தியாவிலேயே கார் பந்தயத்தில் சாம்பியன் பட்டம் வென்ற முதல் பெண் என்ற பெருமையும் அலிசா அ ப்துல்லா பெற்றுள்ளார். நடிகர் அதர்வா நடித்த இரும்பு குதிரை மற்றும் விஜய் ஆண்டனி நடித்த சைத்தான் ஆகிய படத்தில் நடித்துள்ள அலிஷா அப்துல்லா கடந்த 2022 ஆம் ஆண்டு தமிழக பாஜகவில் இருந்து கட்சி பணியாற்றி வருகிறார். இதனிடையே சென்னை ஓஎம்ஆர் சாலையில் உள்ள தனியார் விடுதி ஒன்றில் தங்கி இருந்த அவருக்கு போதையில் இருந்த நபர் ஒருவர் பாலியல் தொந்தரவு கொடுத்ததாக கூறப்படுகிறது. அந்த நபரை அவரே கையும் களவுமாக பிடித்து போலீசாரிடம் ஒப்படைத்துள்ளார். இந்த காட்சிகளை அவர் வீடியோவாக பதிவு செய்துள்ளார்.

I got many calls with texts msgs asking me to sleep with him and asking me for body massages and abusive words.
I waited for hours with no proper response from the police nor the hotel authorities “Ginger hotel omr”
I made sure I brought him down put in my car, taking him… pic.twitter.com/8vh9DkqFv8

— Dr. Alisha Abdullah (@alishaabdullah) November 18, 2024

நடந்தது என்ன?

தமிழக பாஜகவின் விளையாட்டு மற்றும் திறன் மேம்பாட்டு பிரிவு மாநிலச் செயலாளராக உள்ள அலிஷா அப்துல்லா தனது எக்ஸ் வலைத்தள பக்கத்தில் வீடியோவுடன் பதிவு ஒன்றை வெளியிட்டு இருந்தார். அதில், “இப்போது பாதிக்கப்பட்ட பெண்ணாக நான் இங்கு நின்று கொண்டிருக்கிறேன். பெரோஸ் என்ற நபர் என்னிடம் தகாத வார்த்தைகளில் பேசியதோடு மட்டுமல்லாமல் பாலியல் உறவுக்கும் அழைத்தார். அவர் மீது காவல்துறை எந்த நடவடிக்கையும் எடுக்கவில்லை. புகார் அளிக்கச் சென்றால் வேறு ஏதாவது காவல் நிலையத்தில் புகார் கொடுங்கள் என்று கூறுகிறார்கள். அதனால் இவனை நானே வெளி உலகத்திற்கு அம்பலப்படுத்த வேண்டும் என்று இங்கு அழைத்துள்ளேன். பாருங்கள் காரில் கூலர்ஸ்  அணிந்துக் கொண்டு பந்தவாக அமர்ந்து கொண்டிருக்கிறான். இது போன்ற ஆண்களை பெண்கள் சும்மா விடக்கூடாது” என தெரிவித்துள்ளார்

Also Read: Crime: ரூ.1 கோடி கேட்டு தாய், மகள் கடத்தல்.. சினிமா பாணியில் பிடிக்கப்பட்ட 7 பேர்!

தொடர்ந்து அலிஷா அப்துல்லா அந்த வீடியோவில் தன்னிடம் பாலியல் தொல்லை கொடுத்த பெரோஸ் மற்றும் சம்பவ இடத்திற்கு வந்த காவல்துறையினர் ஆகியோரையும் காட்டியுள்ளார். ஆத்திரத்தில் காரில் அமர்ந்திருந்த பெரோஸ் தலையில் ஒரு அடியும் அடித்தார். மேலும் பெரோஸ் எனக்கு அடிக்கடி போன் செய்தும் மெசேஜ் அனுப்பியும் பாலியல் உறவுக்கு அழைத்துள்ளான். பாடி மசாஜ் செய்ய வேண்டும் என்று தகாத முறையில் பேசினான். இதுதொடர்பாக நான் தங்கியுள்ள ஓஎம்ஆர் ஹோட்டல் நிர்வாகம் மற்றும் காவல் துறையினரிடம் தகவல் சொல்லியும் எந்தவித நடவடிக்கையும் எடுக்கப்படவில்லை.

Also Read: Crime: ஆளில்லா நேரத்தில் அத்துமீறல்.. இளம்பெண் அளித்த புகாரில் பிரபல பாடகர் கைது!

மணிக்கணக்கில் காத்திருந்தும் பலனளிக்கவில்லை என்பதால் தான் நானே அவனை ஹோட்டலில் இருந்து வெளியே அழைத்து வந்து காரில் சிறைபிடித்து காவல்துறையிடம் ஒப்படைத்தேன். இந்த சம்பவம் இன்று நான் சந்தித்த மிகவும் வேதனையான விஷயமாகும். இதுபோன்று எத்தனை பெண்கள் தினமும் காவல்துறையினரின் ஒரு துளி பாதுகாப்பு இல்லாமல் பாதிக்கப்படுகிறார்கள் என்பதை நினைத்துப் பார்க்கவே முடியவில்லை. இந்த நபர் போதை மருந்து உட்கொண்ட நிலையில் தமிழ்நாடு போதை பழக்கத்தால் மிகவும் பாதிக்கப்பட்டுள்ளது எனவும் அலிஷா அப்துல்லா தெரிவித்துள்ளார். அவரின் துணிச்சலான செயலுக்கு பலரும் சமூக வலைத்தளங்கள் வாயிலாக பாராட்டு தெரிவித்துள்ளனர். விரைவாக அவருக்கு நீதி கிடைக்க வேண்டும் என வலியுறுத்தியுள்ளனர்.