Today’s Top News Headlines: இன்றைய முக்கியச் செய்திகள்.. கடந்த 24 மணி நேரத்தில் நடந்தது என்ன?

தமிழ்நாடு: 

• சென்னை அண்ணா அறிவாலயத்துக்கு  வந்த அமைச்சர் துரைமுருகனுக்கு திடீரென உடல்நலக்குறைவு ஏற்பட்டு மருத்துவமனையில் சிகிச்சை பெற்று வந்த நிலையில், நேற்றிரவு வீடு திரும்பியுள்ளதாக தகவல் வெளியாகி உள்ளது.
• விக்கிரவாண்டி இடைத்தேர்தலில் திமுக அபார வெற்றி பெற்றுள்ளது. திமுக வேட்பாளர் அன்னியூர் சிவா 67757 வாக்குகள் வித்தியாசத்தில் வெற்றி பெற்றுள்ளார்.
• தமிழகத்தில் மதுவிலக்கு திருத்த சட்டம் 2024 அமல்படுத்தப்பட்டுள்ளதாக முதல்வர் ஸ்டாலின் அறிவித்துள்ளார். இதன் மூலம் கள்ளச்சாராயம் விற்றால் ஆயுள் தண்டனையும், ரூ.10 லட்சம் அபராதமும் விதிக்கப்படும் என அறிவிக்கப்பட்டுள்ளது.
• மேற்கு திசை காற்றின் வேகமாறுபாடு காரணமாக, நீலகிரி, கோயம்புத்தூர் மாவட்ட மலை பகுதிகள், ஈரோடு, தர்மபுரி, சேலம், கிருஷ்ணகிரி மற்றும் திருப்பத்தூர் ஆகிய மாவட்டங்களில் கனமழை பெய்ய வாய்ப்புள்ளது என்று வானிலை மையம் தெரிவித்துள்ளது.
• மேற்கு தொடர்ச்சி மலை பகுதியில் கனமழையால் பாபநாசம், சேர்வலாறு, மணிமுத்தாறு அணைகளில் நீர்வரத்து அதிகரித்துள்ளது.

Also Read: சிறை டூ அபராதம்.. கள்ளச்சாராயம் விற்றால் இனி அவ்வளவுதான்… அமலானது மதுவிலக்கு திருத்த சட்டம்

இந்தியா:

• அசாம் வெள்ள பாதிப்புகளில் சிக்கி இதுவரை 91 பேர் உயிரிழந்ததாக அதிகாரிகள் கூறியுள்ளனர். வெள்ளத்தால் 2406 கிராமங்கள் வெள்ளத்தில் முழ்கியுள்ள நிலையில், 2.95 லட்சம் பேர் பாதிக்கப்பட்டுள்ளதாக கூறப்படுகிறது.
• நாட்டின் 7 மாநிலங்களில் நடைபெற்ற சட்டமன்ற இடைத்தேர்தலில் எதிர்க்கட்சிகளின் I.N.D.I.A கூட்டணி 10 தொகுதிகளில் வெற்றி பெற்றுள்ளது. ஒரு தொகுதியில் சுயேச்சையும், இரண்டு தொகுதிகளில் பாஜகவும் வெற்றி பெற்றது. இதன் மூலம் பாஜக படுதோல்வியை சந்தித்துள்ளது.
• பாஜக பின்னியிருந்த பயம், குழப்பம் என்ற வலை உடைந்துவிட்டது என்பதை 7 மாநிலங்களில் நடைபெற்ற இடைத்தேர்தல் முடிவுகள் உணர்த்தியுள்ளன என்றும் மக்கள் நீதியின் ஆட்சியை நிலைநாட்ட விரும்புவதாக எதிர்க்கட்சி தலைவர் ராகுல் காந்தி தெரிவித்துள்ளார்.
• புனே பயிற்சி ஐஏஎஸ் அதிகாரி பூஜா கேத்கர் தாய் மனோரமா கேத்கர் கையில் துப்பாக்கியுடன் விவசாயிகளை மிரட்டும் காட்சிகள் இணையத்தில் வைரலானதை அடுத்த, அவர் மீது போலீசார் வழக்குப்பதிவு செய்துள்ளனர்.
• திரிபுராவில் மார்க்சிஸ்ட் கம்யூனிஸ் நிர்வாகி படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.

உலகம்:

• தேர்தல் பிரச்சார பொதுக்கூட்டத்தில் பங்கேற்ற முன்னாள் அதிபர் டொனால்டு டிரம்ப் மீது மர்ம நபர்கள் துப்பாக்கிச் சூடு நடத்திய சம்பவம் பெரும் பரபரப்பை ஏற்படுத்தியுள்ளது.
• சட்டவிரோத திருமண வழக்கில் இருந்து பாகிஸ்தான் முன்னாள் பிரதமர் இம்ரான் கான் விடுதலை செய்யப்பட்ட சில மணிநேரங்களில் வன்முறையுடன் தொடர்புடைய 3 வழக்குகளில் இம்ரான் கான் கைது செய்யப்பட்டார்.
• வட மத்திய ஆப்பிரக்க நாடான நைஜீரியாவில் பள்ளி கட்டிடம் இடிந்து விழுந்த விபத்தில் 22 மாணவர்கள் உயிரிழந்ததாகவும், 154 மாணவர்கள் இடிபாடுகளில் சிக்கியுள்ளதாக அதிகாரிகள் கூறுகின்றனர்.

விளையாட்டு:

• இந்தியா ஜிம்பாப்வே அணிகளுக்கு இடையேயான கடைசி டி20 போட்டி இன்று மாலை 4.30 மணிக்கு தொடங்குகிறது.
• டெல்லி கேப்பிட்டல்ஸ் அணியின் தலைமை பயிற்சியாளர் பதவியில் இருந்து ரிக்கி பாண்டிங் விலகியுள்ளார்.
• ஜிம்பாப்வேவுக்கு எதிரான 4வது டி20 கிரிக்கெட் போட்டியில் இந்தியா அணி 10 விக்கெட்டுகளை வித்தியாசத்தில் அபார வெற்றி பெற்றது. இந்த வெற்றியின் மூலம் 5 போட்டிகள் கொண்ட டி20 தொடரை இந்திய அணி 3-1 என்ற கணக்கில் கைப்பற்றியுள்ளது.

Also Read: 15 ஆம் தேதி 7 மாவட்டங்களுக்கு கனமழை எச்சரிக்கை.. சென்னையில் நீடிக்குமா மழை?