மாணவர் டூ முதியவர் வரை.. பல கோடிகள் இழப்பு.. ‘டிஜிட்டல் அரெஸ்ட் மோசடி’யில் தப்பிப்பது எப்படி?

டிஜிட்டல் அரெஸ்ட் மோசடி: டிஜிட்டல் கைது என்பது சைபர் கிரிமினல்களால் பயன்படுத்தப்படும் ஒரு ஏமாற்றும் தந்திரம் ஆகும். அவர்கள் ஒரு நபரை டிஜிட்டல் வழிகளில், பெரும்பாலும் தொலைபேசி அல்லது ஆன்லைன் தொடர்பு மூலம் கைது செய்ய அதிகாரம் இருப்பதாக தவறாகக் கூறுகிறார்கள். மோசடி செய்பவர்கள் சட்ட அமலாக்க அல்லது ஒழுங்குமுறை அதிகாரிகளாகக் காட்டிக்கொண்டு, பாதிக்கப்பட்டவர்களை மிரட்டுகின்றனர். இந்த முறை பயம் மற்றும் குழப்பத்தைப் பயன்படுத்தி, பாதிக்கப்பட்டவரின் நிதியை மோசடி செய்வது ஆகும். மேலும், சில இடங்களில் சைபர் கிரிமினல்கள் தங்களை நீதிபதிகளைப் போல ஆள்மாறாட்டம் செய்து, ஏமாற்றுகின்றனர்.

ரூ.281 கோடி இழந்த மருத்துவர்

விமான நிலையத்தில் போதைப்பொருள் சரக்கு கைப்பற்றப்பட்ட பின்னர் அவர்கள் மீது வழக்குப்பதிவு செய்யப்பட்டுள்ளதாக சிலரை ஏமாற்றுகின்றனர். அவர்கள் தங்கள் குற்றச்சாட்டுகளுக்கு நம்பகத்தன்மையை வழங்க ஒரு போலி காவல் நிலையத்தையும் பயன்படுத்துகிறார்கள்.
இந்த தந்திரத்தில் லக்னோவில் மூத்த மருத்துவர் ஒருவர் ஆகஸ்ட் மாதத்தில் ரூ.2.81 கோடி ரூபாயை இழந்தார். அதேபோல் உத்தரப் பிரதேசத்தில் உள்ள மற்ற இடங்களான நொய்டா மற்றும் வாரணாசியில் இருந்தும் இதுபோன்ற குற்றங்கள் வெளிவந்துள்ளன.

இதையும் படிங்க: வாட்ஸ்அப் அழைப்பை ரெக்கார்டு செய்வது எப்படி? இதை ஃபாலோ பண்ணுங்க!

மோசடி அழைப்புகள் எப்படி வருகின்றன?

சட்ட அமலாக்கம் எதிர்கொள்ளும் சவால்களை இந்த தந்திர கும்பல் அடையாளம் கண்டு வைத்துள்ளது. இவர்கள் வாட்ஸ்-அப்-ஐ பயன்படுத்துகிறார்கள். பெரும்பாலான மோசடி அழைப்புகள் விஓஐபி (VoIP) வழியாக செய்யப்படுகின்றன.
இதனை அரசு அதிகாரிகளும் எடுத்துக் காட்டியுள்ளனர். மேலும், “இந்த தளங்களில் இருந்து தரவைப் பெறுவது சவாலானதாகவும் நேரத்தைச் செலவழிப்பதாகவும் இருப்பதால், அழைப்புகளைக் கண்டுபிடிப்பதை இது சிக்கலாக்குகிறது” என்றார் அந்த அதிகாரி.

பல கோடிகள் இழப்பு

இந்நிலையில் கடந்த 24 மணி நேரத்தில் இந்த டிஜிட்டல் மோசடிக்கு பல கோடி ரூபாய் இழப்பு ஏற்பட்டுள்ளது. ஃபரிதாபாத்தைச் சேர்ந்த ஓய்வுபெற்ற விமானப்படை அதிகாரி ஒருவரை டிராய் மற்றும் சிபிஐ அதிகாரிகள் என்று காட்டிக் கொண்டு 5 லட்சம் ரூபாய் மோசடி செய்துள்ளனர்.

மேலும், அவரை 55 மணி நேரம் “டிஜிட்டல் காவலில்” வைத்துள்ளனர். இதில் சிக்கிய அதிகாரி ஆதித்ய குமார் ஜா (55) ஆவார். விமானப்படையில் இருந்து ஓய்வு பெற்ற சார்ஜென்ட், தற்போது பஞ்சாப் நேஷனல் வங்கியில் எழுத்தராக பணியாற்றி வருகிறார்.

“டிஜிட்டல் கைது” என்ற போர்வையில் மீண்டும் ஒரு அதிர்ச்சியூட்டும் மோசடி வழக்கை சம்பல்பூர் கண்டுள்ளது. தனுபாலி காவல் எல்லைக்குட்பட்ட சரகனியைச் சேர்ந்த பெண் ஒருவர் இந்த மோசடியில் சிக்கி ரூ.85 ஆயிரத்தை இழந்துள்ளார்.

தெலங்கானா மாநிலம் ஹைதராபாத்தில் உள்ள வங்கி கிளை அதிகாரி டிஜிட்டல் கைது மோசடியில் இருந்து மூத்தக் குடிமகன் ஒருவரின் ரூ.13 லட்சத்தை காப்பாற்றியுள்ளார்.

இதற்கிடையில், இந்திய தொலைத்தொடர்பு ஒழுங்குமுறை ஆணையத்தின் ஊழியராகக் காட்டி ஐஐடி பாம்பே மாணவரிடம் இருந்து ரூ.7.29 லட்சத்தை கும்பல் ஒன்று மோசடி செய்துள்ளது.

டிஜிட்டல் கைதில் தப்பிப்பது எப்படி?

அரசாங்க நிறுவனங்கள் வீடியோ அழைப்புகள் மூலம் விசாரணைகளையோ கைதுகளையோ நடத்துவதில்லை. எனவே தனிப்பட்ட தகவலைப் பாதுகாக்கவும்: பயன்படுத்தக்கூடிய முக்கியமான தகவல்களைப் பகிர்வதைத் தவிர்க்கவும்.

பணத்தை ஒருபோதும் அவர்கள் கூறும் கணக்கிற்கு மாற்ற வேண்டாம். சட்ட அமலாக்க முகவர் கட்டணம் எதுவும் வசூலிப்பதில்லை என்பது குறிப்பிடத்தக்கது.

இதையும் படிங்க: நாள் குறித்த ஜியோமி.. ரெட் மீ நோட் 14 சீரிஸ் எப்போது?