Blue Aadhaar : ப்ளூ ஆதார் கார்டு என்றால் என்ன?.. விண்ணப்பிப்பது எப்படி?.. முழு விவரம் இதோ!

ஆதார் திருத்தம் : ஆதார் எண் ஒரு தனி நபர் அடையாளம் மட்டுமன்றி அத்தியாவசிய தேவையும் ஆகிவிட்டது. பெரும்பாலான அரசு அலுவலகங்களில் ஆதார் முக்கிய ஆதாரமாக கருதப்படுகிறது. இதன் காரணமாக குழந்தைகள் முதல் முதியவர்கள் வரை  அனைவருக்கும் ஆதார் கட்டாயமாக்கப்பட்டுள்ளது. பள்ளியில் சேறுவது முதல் மருத்துவமனை வரை, அனைத்து இடங்களிலும் முதன்மை ஆதாரமாக ஆதார் கேட்கப்படுகிறது. பெரியவர்கள் மட்டுமன்றி குழந்தைகளுக்கும் ஆதார் கார்டு உள்ளது. அதற்கு பெயர் ப்ளூ ஆதார் கார்டு அல்லது பால்யா ஆதார் கார்டு என அழைக்கப்படுகிறது. கடந்த 2018 ஆம் ஆண்டு மத்திய அரசு குழந்தைகளுக்கான இந்த ஆதார் திட்டத்தை அறிமுகப்படுத்தியது. அதன்படி, 5 வயதுக்குட்பட்ட குழந்தைகளுக்கு இந்த ப்ளூ ஆதார் கார்டு வழங்கப்படுகிறது. குழந்தை பருவத்திலேயே ஆதார் கார்டு வழங்கப்படுவதால், பெற்றோர்கள் தங்கள் பிள்ளைகளின் ப்ளூ ஆதார் கார்டை இரண்டு முறை புதுப்பிக்க வேண்டும்.

இதையும் படிங்க : Aadhaar & PAN : வாட்ஸ்அப்பில் ஆதார் மற்றும் பான் கார்டு டவுன்லோட் பண்ணலாமா.. அட இது தெரியாம போச்சே!

இரண்டுமுறை புதுப்பிக்க வேண்டும்

ப்ளூ ஆதார் கார்டை பெற்றோர்கள் தங்களின் குழந்தைகள் 5 வயதை நிறைவடையும்போதும், 15 வயதை நிறைவடையும்போதும் என இரண்டு முறை புதுப்பிக்க வேண்டும். அதன்படி பெற்றோர்கள் தங்கள் பிள்ளைகளின் ஆதார் கார்டுகளை சேவா கேந்திராவில் இலவசமாக அப்டேட் செய்துக்கொள்ளலாம் என்பது குறிப்பிடத்தக்கது. குழந்தைகள் வளர்ச்சி அடையும்போது அவர்களது கருவிழி, கைரேகை மற்றும் பல பயோமெட்ரிக் ஆதாரங்களில் மாற்றம் ஏற்படுவதால் ப்ளூ ஆதார் கார்டை இரண்டு முறை அப்டேட் செய்வது கட்டாயமாக்கப்பட்டுள்ளது.

இதையும் படிங்க : Aadhaar PAN Link Status: உங்கள் ஆதார் கார்டுடன் பான் கார்டு இணைக்கப்பட்டுள்ளதா.. செக் பண்ணுங்க.. இல்லனா சிக்கல்!

ப்ளூ ஆதார் கார்டுக்கு விண்ணப்பிப்பது எப்படி?

1. பெற்றோர்கள் 5 வயதுக்குட்பட்ட தங்களின் குழந்தைகளுக்காக ப்ளூ ஆதார் கார்டை விண்ணப்பிக்கலாம்.
2. இதற்கு பெரிதாக ஆவணங்கள்ம் ஒன்றும் கேட்கப்படாது.
3. குழந்தையின் பிறப்புச் சான்றிதழ், அல்லது மருத்துவமனையில் பெற்றோர்கள் பயன்படுத்திய டிஸ்சார்ஜ் சீட்டு ஆகியவற்றை வைத்து விண்ணப்பிக்கலாம்.
4. ஒருவேளை குழந்தைகளை பள்ளியில் சேர்த்திருந்தால், அந்த ஐடி கார்டையும் பயன்படுத்தலாம்.
5. உரிய ஆவணங்களுடன் UIDAI இணையதளத்திற்கு செல்ல வேண்டும்.
6. அதில் My Aadhaar என்பதை கிளிக் செய்து, Book an appointment என்பதை கிளிக் செய்யவும்.
7. New Aadhaar என்பதை தேர்ந்தெடுத்து உங்கள் மொபைல் எண் மற்றும் கேப்ட்சாவை உள்ளிடவும்.
8. பிறகு குழந்தையின் வயது, தேவையான விவரங்களை பதிவிட்டு அருகில் உள்ள ஆதார் சேவா கேந்திராவில் சந்திப்பை பதிவு செய்யவும்.