ஒன்ப்ளஸ் நோர்டு சி.இ.4 vs நோர்டு சி.இ.4 லைட்: எதை வாங்கலாம்?
OnePlus Nord CE4 vs OnePlus Nord CE4 Lite:நோர்டு சி.இ.4 மற்றும் நோர்டு சி.இ.4 லைட் ஆகிய இரண்டின் வடிவமைப்பும் அடிப்படையில் ஒரே மாதிரியான தோற்றமுடைய இரட்டை-கேமராக்களை கொண்டுள்ளன. எடை மற்றும் காட்சி அளவு ஆகியவை சிறிய மாறுதல்களை கொண்டுள்ளது. நோர்டு சி.இ.4 ஆனது செலேடான் மார்பி (Celadon Marble) மற்றும் டார்க் குரோம் (Dark Chrome) வண்ண விருப்பங்களில் கிடைக்கிறது.
ஒன்ப்ளஸ் நோர்டு சி.இ.4 vs நோர்டு சி.இ.4 லைட் ஒப்பீடு: ஒன்ப்ளஸ் நிறுவனமானது நோர்டு சி.இ 4 மற்றும் நோர்டு சி.இ4 லைட் ஆகிய இரண்டு சாதனங்களையும் அறிமுகப்படுத்தியுள்ளது. இதன், விவரக்குறிப்புகள் மற்றும் விலை நிர்ணயம் ஆகியவற்றின் அடிப்படையில் இரண்டு சாதனங்களும் ஒன்றுக்கொன்று மிக நெருக்கமாக உள்ளன. அந்த வகையில் வாடிக்கையாளர்கள் தங்களுக்கு பிடித்த மாடலை தேர்வு செய்து வாங்கிக் கொள்ளலாம். ஏனெனில் இந்த இரண்டு மாடல்களும் பல்வேறு புதிய அம்சங்களை தன்னகத்தே கொண்டுள்ளன. இதற்கிடையில், நோர்டு சிஇ.4 மற்றும் நோர்டு சி.இ4 லைட் ஸ்மார்ட்போன்களின் விலை மற்றும் இதர விவரக்குறிப்புகளை இங்கே நாம் பார்க்கலாம்.
வடிவமைப்பு மற்றும் டிஸ்பிளே
நோர்டு சி.இ.4 மற்றும் நோர்டு சி.இ.4 லைட் ஆகிய இரண்டின் வடிவமைப்பும் அடிப்படையில் ஒரே மாதிரியான தோற்றமுடைய இரட்டை-கேமராக்களை கொண்டுள்ளன. எடை மற்றும் காட்சி அளவு ஆகியவை சிறிய மாறுதல்களை கொண்டுள்ளது. நோர்டு சி.இ.4 ஆனது செலேடான் மார்பி (Celadon Marble) மற்றும் டார்க் குரோம் (Dark Chrome) வண்ண விருப்பங்களில் கிடைக்கிறது. நோர்டு சி.இ.4 லைட் (Nord CE4 Lite) ஆனது மெகா ப்ளூ, சூப்பர் சில்வர் மற்றும் அல்ட்ரா ஆரஞ்ச் ஆகிய விருப்பங்களில் கிடைக்கிறது.
மேலும், நோர்டு சி.இ.4 லைட் AMOLED டிஸ்பிளே உடன் வருவதால், இப்போது இரண்டு ஸ்மார்ட்போன்களும் 120 ஹெர்ட்ஸ் புதுப்பிப்பு வீதத்துடன் ஒரே பேனலை வழங்குகின்றன. இருப்பினும், நோர்டு சி.இ.4 லைட் ஆனது நோர்டு சி.இ.4 இன் 1,100 nits ஐ விட 2,100 nits உச்ச பிரகாசத்தில் பிரகாசமாக உள்ளது. இதுமட்டுமின்றி, நோர்டு சி.இ. 4 ஆனது, PWM டிம்மிங்குடன் வருகிறது. அதேசமயம் நோர்டு சி.இ. லைட் இல்லை, ஆனால் இருண்ட சூழலில் வசதியாகப் பார்ப்பதற்கு இது இன்னும் நிறைய மங்கலாக இருக்கிறது.
செயல்பாடு
நோர்டு சி.இ.4 ஆனது ஸ்னாப்டிராகன் 7 ஜென் 3 சிப்செட்டில் இயங்குகிறது. அதேசமயம், நோர்டு சி.இ.4 லைட் ஆனது ஸ்னாப்டிராகன் 695 செயலி மூலம் இயக்கப்படுகிறது. இரண்டு சில்லுகளும் அந்தந்த விலை வரம்பில் சமமான திறன் கொண்டவை. நீங்கள் இலகுவான பயனராக இருந்தால், நோர்டு சி.இ.4 லைட் உங்களை ஏமாற்றாது. இருப்பினும், நீங்கள் மிட் முதல் ஹெவி கேமிங்கிலும் இருந்தால், அதிக திறன் கொண்ட சிப்செட் அல்லது அதே விலையுள்ள சாதனத்திற்காக நீங்கள் நோர்டு சி.இ.4 ஐ பயன்படுத்தலாம்.
பேட்டரி
இரண்டு ஸ்மார்ட்போன்களும் 5,500mAh பேட்டரிகளைக் கொண்டுள்ளன. நோர்டு சி.இ.4 ஆனது 100W SUPERVOOC ஃபாஸ்ட் சார்ஜிங்குடன் வருகிறது. நோர்டு சி.இ. லைட் ஆனது 80W SUPERVOOC ஃபாஸ்ட் சார்ஜிங்கைக் கொண்டுள்ளது. சரியான அடாப்டருடன் இணைக்கப்பட்டால், இரண்டும் மிக விரைவாக சார்ஜ் ஆகும்.
பயனர் அனுபவம்
நோர்டு சி.இ.4 மற்றும் நோர்டு சி.இ.4 லைட் ஆகிய இரண்டும் Android 14-அடிப்படையிலான Oxygen OS 14 இல் இயங்குகின்றன. மேலும் அவை இரண்டு வருடங்கள் வரை பெரிய ஆண்ட்ராய்டு புதுப்பிப்புகள் மற்றும் மூன்று வருட பாதுகாப்பு புதுப்பிப்புகளைப் பெறுகின்றன.
விலை
நோர்டு சி.இ.4 8GB+128GB மாடலின் விலை ₹24,999 மற்றும் 8GB+256GB மாடலின் விலை ₹26,999க்கு கிடைக்கிறது. அதேசமயம், வங்கிகளின் பயனர்களுக்கு ₹2,000 வரை தள்ளுபடியையும், மூன்று மாதங்கள் வரை இலவச யூ-ட்யூப் ப்ரீமியம் சந்தாவையும் வழங்குகிறது.
நோர்டு சி.இ.4 லைட் ஜூன் 27ஆம் தேதியன்று 8GB+128GBக்கு ₹19,999க்கும் விற்பனைக்கு வரும். இதில், 8GB+256GB மாடலுக்கு ₹22,999க்கும் விலை நிர்ணயிக்கப்பட்டுள்ளது. தொடர்ந்து, ஐ.சி.ஐ.சி.ஐ வங்கி மற்றும் ஒன்கார்டு பயனர்களுக்கு ₹1,000 வரை தள்ளுபடி கிடைக்கும்.
இதையும் படிங்க: ‘2 ஸ்பீக்கர் போதும், ஹோம் தியேட்டர் ரெடி’: சாம்சங் வயர்லெஸ் ஸ்பீக்கர் அறிமுகம்
