Bigg Boss Tamil

பிக்பாஸ்  நிகழ்ச்சி கடந்த 2017 ஆம் ஆண்டு முதல் தமிழில் ஒளிபரப்பாகி வருகிறது. தமிழ் மட்டுமின்றி தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் ஒளிபரப்பாகி வரும் இந்த நிகழ்ச்சியை அந்தந்த மொழிகளில் உள்ள முன்னணி நட்சத்திரங்கள் தொகுத்து வழங்கி வருகின்றனர். இந்த நிகழ்ச்சியில் பல்வேறு துறையைச் சேர்ந்த போட்டியாளர்கள் கலந்துகொள்வார்கள். அவர்கள் 100 நாள்கள் ஒரு இடத்தில் தங்க வைக்கப்பட்டு, அவர்களிடம் பல்வேறு விதமான போட்டிகள் நடத்தப்படுகின்றன. வெளி உலகத்தினருடன் தொடர்பு இல்லாமல் ஒரே வீட்டில் இருக்கும் போட்டியாளர்களிடையே நிகழும் அழுகை, கோபம், சண்டை, மகிழ்ச்சி,பொறாமை என எல்லா உணர்வுகளையும் வீட்டில் உள்ள கேமரா மூலம் ஒளிப்பதிவு செய்து மக்களிடம் ஒளிபரப்பு செய்யப்படுகிறது. இந்த பிக்பாஸ் நிகழ்ச்சியை தமிழில், கடந்த 7 சீசனாக நடிகர் கமல்ஹாசன் தொகுத்து வழங்கி வந்தார். ஓடிடியில் வெளியான பிக்பாஸ் அல்டிமேட் நிகழ்ச்சியை நடிகர் சிம்பு தொகுத்து வழங்கினார். தற்போது இந்த 8-வது சீசனை நடிகர் விஜய் சேதுபதி தொகுத்து வழங்க உள்ளார் என்பது குறிப்பிடத்தக்கது.