Cinema Rewind

தமிழ் சினிமா இந்திய திரையுலகில் முக்கிய இடத்தில் உள்ளது. ஊமை படம், கருப்பு வெள்ளை என பயணித்த தமிழ் சினிமா எப்போதும் அடுத்தக்கட்டத்தை நோக்கி தன்னை தயார்படுத்துக்கொண்டே இருக்கிறது. கோலிவுட் என்பது வெறும் தமிழ்நாடோடு மட்டுமின்றி உலக சினிமாக்களை நோக்கி பயணிப்பதும் நடப்பதுண்டு. உலக சினிமா திருவிழாக்களில் தமிழ் படங்கள் இடம்பெறுவதும் தமிழ் சினிமாவைச் சேர்ந்த கலைஞர்கள் பங்குபெறுவதும் அதற்குண்டான சான்று. திறமை இருப்பவர்களுக்கு தமிழ் சினிமா என்றுமே கைகொடுக்கும் என்பதற்கு சான்றாக எத்தனையோ புது முகங்கள் நடிகர்களாகவும், திரைத்துறை பின்புலம் இல்லாதவர்கள் திரையுலக கலைஞர்களாகவும் இங்கு ஜொலித்துள்ளனர். ஜொலித்தும் வருகின்றனர். வெறும் பொழுதுபோக்காக மட்டுமின்றி சினிமா மூலம் அரசியல், வாழ்வியல், வரலாறு, கலாசாரம் என அனைத்து விஷயங்களும் மக்களிடையே கொண்டு செல்லப்படுவதும் தமிழ் சினிமாவுக்குண்டான சிறப்பு. அப்படிப்பட்ட சினிமாவில் தொன்று தொட்டு நடந்தது என்ன என்பதை ஒரு மீள்பார்வையாக ரீவைண்ட் செய்யும் பகுதியே இது. பழைய சினிமாவை புதிய தலைமுறையினர் தெரிந்துகொள்ள இது உதவும்