Jayam Ravi

ஜெயம் ரவி

பிரபல படத்தொகுப்பாளர் எடிட்டர் மோகனின் இரண்டாவது மகன் தான் ஜெயம் ரவி. தனது அண்ணன் இயக்குநர் ராஜா இயக்கத்தில் ‘ஜெயம்’ என்ற படத்தில் நடித்ததன் மூலம் நடிகராக அறிமுகம் ஆனவர் ரவி. இந்த படத்தில் நடித்த பிறகு ரசிகர்களால் இவர் ஜெயம் ரவி என அன்புடன் அழைக்கப்பட்டார். அதன் பிறகு அதுவே இவரது பெயராகவும் சினிமா துரையில் பதிந்துவிட்டது. எம்.குமரன், தாஸ், மழை, உனக்கும் எனக்கும், தீபாவளி, சந்தோஷ் சுப்ரமணியம், தாம் தூம், பேராண்மை என தொடர்ந்து ஹிட் படங்களை கொடுத்தார். அதனை தொடர்ந்தும் பல ஹிட் படங்களில் நடித்ததன் மூலம் தமிழ் ரசிகர்களின் மனதில் நீங்காத இடம் பிடித்தார் ஜெயம் ரவி. இயக்குநர் மணி ரத்னம் இயக்கத்தில் வெளியான ‘பொன்னியின் செல்வன்’ படத்தின் இரண்டு பாகங்களிலும் அருள்மொழி வர்மன் என்ற ராஜா கதாப்பாத்திரத்தில் நடித்து ரசிகர்களின் கர்பனை ராஜாவிற்கு உயிரி கொடுத்திருப்பார் ஜெயம் ரவி. அதனை தொடர்ந்து வெளியான படங்கள் பெரிய அளவில் வெற்றி அடையவில்லை என்றாலும் ரசிகர்களின் மனதில் நல்ல நடிகர் என்ற நீங்காத இடத்தைப் பெற்றுள்ளார் ஜெயம் ரவி.