Keerthy Suresh

நடிகை கீர்த்தி சுரேஷ் தென்னிந்திய மொழிகளில் பிரபலமான நடிகையாக வலம் வருபவர். திரைப்பட தயாரிப்பாளர் ஜி. சுரேஷ் குமார் மற்றும் நடிகை மேனகாவின் மகளான கீர்த்தி சுரேஷ் 1992 ஆம் ஆண்டு அக்டோபர் 17 ஆம் தேதி கேரளாவில் பிறந்தவர். கலைக்குடும்பத்தைச் சேர்ந்த அவர் குழந்தை நட்சத்திரமாக 2000 ஆம் ஆண்டு முதல் சினிமாவில் நடித்து வந்தார். தமிழில் 2015 ஆம் ஆண்டு வெளியான இது என்ன மாயம் படம் மூலம் எண்ட்ரீ கொடுத்தார். தொடர்ந்து விஜய்,தனுஷ்,சூர்யா,விக்ரம், விஷால், சிவகார்த்திகேயன் என பல முன்னணி நடிகர்களுடனும் நடித்துள்ளார். அதுமட்டுமல்லாமல் மறைந்த நடிகை சாவித்திரியின் வாழ்க்கை வரலாற்று படமாக தெலுங்கில் வெளியான மகாநடி படத்துக்காக சிறந்த நடிகைக்கான தேசிய விருது பெற்றுள்ளார். நடிகையாக மட்டுமல்லாமல் பாடகியாகவும் கீர்த்தி சுரேஷ் தனது திறமையை நிரூபித்துள்ளார். தனக்கென தனி ரசிகர் பட்டாளம் கொண்டுள்ள அவர் ஹீரோயினை மையப்படுத்திய கதைகளிலும் நடித்து வருகிறார். கீர்த்தி சுரேஷ் பற்றிய தகவல்களை நாம் காணலாம்.