Priyanka Gandhi

பிரியங்கா காந்தி மறைந்த முன்னாள் பிரதமர் ராஜீவ் காந்தியின் மகள். தற்போதைய நாடாளுமன்ற எதிர்க்கட்சி தலைவர் ராகுல் காந்தியின் தங்கை. இவர் 1972 ஆம் ஆண்டு பிறந்தவர். நீண்ட காலமாக அரசியலை விட்டு விலகி இருந்த பிரியங்கா காந்தி, 2004 ஆம் ஆண்டு தனது முதல் காலடியை எடுத்து வைத்தார். பின்னர், ஜனவரி 23, 2019 அன்று உத்தரப்பிரதேசத்தின் கிழக்குப் பகுதிக்குப் பொறுப்பான காங்கிரஸ் கட்சியின் பொதுச் செயலாளராக நியமிக்கப்பட்டார். அதனை தொடர்ந்து 2020 ஆம் ஆண்டு பொதுச் செயலாளராக நியமிக்கப்பட்டார். இப்படி படிபடியாக பல்வேறு அரசியல் ரீதியான நிகழ்ச்சிகள் மற்றும் பிரச்சாரத்தில் ஈடுபட்டு வந்த பிரியங்கா காந்தி, வயநாட்டில் நடைபெற இருக்கும் நாடாளுமன்ற தேர்தலில் போட்டியிடுகிறார். பிரியங்கா காந்தி இதற்கு முன்னதாக பல அரசியல் மேடையில் பேசியிருந்தாலும், தேர்தலை சந்திப்பது இதுவே முதல் முறையாகும். மேலும் காங்கிரஸ் கட்சியினர் பலரும் சோனியா காந்தியை தொடர்ந்து ஒரு நாள் காங்கிரஸ் கட்சியை இவர் ஸ்திரம்பட வழிநத்துவார் என தெரிவிக்கின்றனர்.