TVK Party

தமிழக வெற்றிக் கழகம் என்ற கட்சி நடிகர் விஜயால் கடந்த பிப்ரவரி மாதம் தொடங்கப்பட்டது. தமிழ் சினிமாவின் உச்ச நட்சத்திரமான தளபதி விஜய் அரசியலுக்கு வருவார் என்ற பேச்சு பல நாட்களாக இருந்து வந்த நிலையில் பிப்ரவரி மாதம் அதற்கான அதிகாரப்பூர்வ அறிவிப்பை வெளியிட்டார். அதனை தொடர்ந்து தமிழக வெற்றிக் கழகம் என்ற கட்சியை டெல்லி தேர்தல் ஆணையத்தில் பதிவு செய்து அதனை தேர்தல் ஆணையமும் கட்சியாக அங்கீகரித்தது. அதற்கு பின் ஆகஸ்ட் 22 ஆம் தேதி கட்சியின் கொடியை வெளியிட்டார் விஜய். அதாவது சிவப்பு மற்றும் மஞ்சள் நிறத்தில் இருக்கும் கொடிக்கு நடுவே இரண்டு யானைகளுடன் வாகை மலர் இருப்பது இடம்பெற்றிருந்தது. படிபடியாக காலடி எடுத்து வைக்கும் தமிழக வெற்றிக் கழகத்தின் முதல் மாநாடு அக்டோபர் 27 ஆம் தேதி விக்கிரவாண்டியில் நடைபெற உள்ளது. கட்சி தொடங்கும் போதே 2026 ஆம் ஆண்டு சட்டமன்ற தேர்தல் தான் இலக்கு என குறிப்பிடப்பட்டிருந்தது. அதற்கு முன்னதாக கட்சியை பலப்படுத்தும் பணிகள் மேற்கொள்ளப்படுகிறது