Uric Acid

யூரிக் அமிலம்

நம் உடலில் உள்ள யூரிக் அமிலம் என்பது ஒரு வகையான அழுக்காகும். இது இரத்தத்தில் கலந்து உடலின் பல இடங்களில் வலியை ஏற்படுத்துகிறது. சில நேரங்களில் இந்த வலி மிகவும் தாங்க முடியாத வலியாகவும் உருவெடுக்கிறது. பியூரின் நிறைந்த உணவுகளை அதிகம் உட்கொள்ளும்போது இரத்தத்தில் யூரிக் அமிலத்தின் அளவை அதிகரிக்க செய்கிறது. பொதுவாக நமது சிறுநீரகங்கள் வடிகட்டி, சிறுநீர் மூலம் உடலில் இருந்து யூரிக் அமிலத்தை வெளியேற்றும். ஆனால், பியூரின் அளவு அதிகரிக்க தொடங்கும்போது, சிறுநீரகங்கள் சரியாக செயல்பட முடியாமல் போகிறது. இதன் காரணமாக யூரிக் அமிலம் இரத்தத்தில் கலக்க தொடங்குகிறது. சுகாதார நிபுணர்களின் கூற்றுப்படி, ஆண்களின் உடலில் யூரிக் அமிலம் 4 முதல் 6.5 mg/dL என்ற அளவிலும், பெண்களின் யூரிக் அமிலம் 3.5 முதல் 6 mg/dL என்ற அளவிலும் இருக்க வேண்டும். ஒருவரின் யூரிக் அமிலத்தின் அளவு இயல்பை விட அதிகமாக இருந்தால், அதை உடனடியாக குறைப்பது மிக முக்கியம். மேலும், யூரிக் அமிலம் நம் உடலில் அதிகரிக்கும்போது செரிமான அமைப்பும் பாதிக்கப்படும். இப்படியே இதை கவனிக்காமல் விட்டால், சிறுநீரகம் மற்றும் இதய நோய் பிரச்சனைகளை ஏற்படுத்தலாம்.