Vijay Sethupathi

விஜய் சேதுபதி

தமிழ்நாட்டின் விருதுநகர் மாவட்டம், ராஜபாளையத்தில் 1978ஆம் ஆண்டு, ஜனவரி 16-ம் நாள் பிறந்தவர் நடிகர் விஜய் சேதுபதி.  தமிழ் திரையுலகில் துணை நடிகராக களமிறங்கி தற்போது பான் இந்திய அளவில் பெரிய நடிகராக வளர்ந்துள்ளவர் விஜய் சேதுபதி. பீட்சா படம் மூலம் ஏராளமான ரசிகர்களை கவர்ந்து தன்னை நாயகனாக கோலிவுட்டில் நிலை நிறுத்தியவர் . முன்னதாக தென்மேற்கு பருவக்காற்று உள்ளிட்ட படங்களில் அவர் நடித்திருந்தாலும் பீட்சா படமே அவரை ரசிகர்கள் ஹீரோவாக ஏற்றுக் கொள்ள காரணமாக அமைந்தது. ரொமான்ஸ், மாஸ், டயலாக் டெலிவரி, ஆக்‌ஷன், செண்டிமெண்ட் என எதுவாக இருந்தாலும் அதை தன்னுடைய ஸ்டைலில் செய்துகாட்டியவர் விஜய் சேதுபதி. இயக்குநர் கோகுலின் இயக்கத்தில் விஜய்சேதுபதி நடித்த ‘இதற்குத்தானே ஆசைப்பட்டாய் பாலகுமாரா’படம் அவரது நடிப்பு மற்றும் வசன உச்சரிப்புக்காக பாராட்டப்பட்டது மட்டுமின்றி மிகப்பெரிய ஹிட்டானது. கோலிவுட் சினிமாவில் உள்ள பெரும்பாலான நடிகர்கள் சினிமாவை பின்னணியாக கொண்டவர்களாக இருக்கின்றனர். தானாகவே சினிமாவிற்கு வந்து உயர்ந்தவர்களை விரல் விட்டு என்னும் அளவிற்கு மிகவும் குறைவானவர்களாகவே உள்ளனர். அந்த வெகு சிலரில் தமிழ் மக்களின் மனம் கவர்ந்தவர் தான் நடிகர் விஜய் சேதுபதி.