Viral Video : சரமாரியாக தாக்கிக்கொண்ட கும்பல்.. இடையில் வந்த ஆம்புலன்ஸ்.. அடுத்து நடந்தது என்ன?

கேரளாவில் சாலையில் சரமாரியாக தாக்கிக்கொள்ளும் இரண்டு கும்பல்கள், அந்த வழியாக ஆம்புலன்ஸ் வாகனம் வந்ததும் சண்டையை நிறுத்திவிட்டு வாகனத்திற்கு வழிவிடும் வீடியோ காட்சிகள் இணையத்தில் வைரலாகி வருகிறது. இந்த வீடியோ இணையத்தில் பதிவிடப்பட்டதும் மிக வேகமாக வைரலாக தொடங்கியுள்ளது. இந்த வீடியோவை பார்க்கும் இணைய வாசிகள், இதுதான் சிறந்த கவ்லி மற்றும் ஒழுக்கத்தின் வெளிப்பாடு என்று கமெண்ட் செய்து வருகின்றனர். இந்த நிலையில் இந்த வீடியோ குறித்த முழு விவரங்களை விரிவாக பார்க்கலாம்.

இதையும் படிங்க : Viral Video : உல்லாசமாக பாராகிளைடிங் செய்த நாய்.. இணையத்தை ஆச்சர்யத்துக்கு உள்ளாக்கிய வீடியோ!

அடிதடி சண்டைக்கு மத்தியில் ஆம்புலன்ஸுக்கு வழிவிட்ட கும்பல்

கேரள மாநிலம் கேலி கட்டில் முன்னாள் காங்கிரஸ் உறுப்பினர்களை கொண்ட குழு ஒன்று, தேர்தல் மூலம் கடந்த 61 ஆண்டுகளாக காங்கிரஸின் கோட்டையாக இருந்த வங்கியின் இயக்குநர்கள் குழுவின் கட்டுப்பாட்டை பெற்றுள்ளது. இந்த தேர்தல் முடிவுகள் காரணமாக ஏற்பட்ட தகராறில் சில ஆண்கள் அடிதடி சண்டையில் ஈடுபட்டுள்ளனர். அது மாபெரும் கலவரமாக வெடித்த நிலையில், பலர் சண்டையில் இணைந்துள்ளனர். இதனால் வாய் வாக்குவாதமாக இருந்த பிரச்னை அடிதடியாக மாறியுள்ளது. அப்போது அந்த வழியாக நோயாளியை ஏற்றிக்கொண்டு ஆம்புலன்ஸ் வாகனம் வந்துள்ளது. ஆம்புலன்ஸ் வாகனம் அந்த வழியே வருவதை அறிந்த கும்பல், உடனடியாக வாகனத்திற்கு வழிவிட்டுள்ளது. இந்த வீடியோ தான் தற்போது இணையத்தில் வைரலாகி வருகிறது.

இணையத்தில் வைரலாகும் வீடியோ

இந்த விவகாரம் குறித்து இணையத்தில் வைரலாகும் வீடியோ ஒன்றில், சுமார் 50-க்கும் மேற்பட்ட ஆண்கள் கடும் அடிதடி சண்டையில் ஈடுபடுகின்றனர். அப்போது அந்த வழியாக ஆம்புலன்ஸ் வாகனம் வருகிறது. ஆம்புலன்ஸ் வருவதை கண்ட ஆண்கள், கீழே தரையில் கட்டி புரண்டு சண்டையிட்டுக் கொண்டிருந்த சிலரை எழுப்பி ஆம்புலன்ஸ் வாகனத்திற்கு வழிவிடுமாறு கூறுகின்றனர். பின்னர் ஆம்புலன்ஸ் வாகனம் வழியை கடந்து சென்ற பிறகு மீண்டும் அடிதடி சண்டையில் ஈடுபடுகின்றனர். அந்த காட்சிகள் பார்ப்பதற்கு வேடிக்கையாக இருந்தாலும், கடும் கோபத்திலும் ஆம்புலன்ஸ் வாகனத்திற்கு வழிவிட்டு ஆண்களுக்கு பலரும் பாராட்டுக்களை தெரிவித்து வருகின்றனர்.

இதையும் படிங்க : Viral Video : மருத்துவமனையில் “Party” கொண்டாடிய மருத்துவர்கள்.. சர்ச்சையை கிளப்பிய வீடியோ இணையத்தில் வைரல்!

வைரல் வீடியோவுக்கு நெட்டிசன்கள் கருத்து

இந்த வீடியோ இணையத்தில் வைரலாகி வரும் நிலையில், பலரும் தங்களது கருத்துக்களை பகிர்ந்து வருகின்றனர். அந்த வகையில், கல்வியின் முக்கியத்துவத்தை இதன் மூலம் நாம் அறிந்துக்கொள்ளலாம் என்று ஒருவர் பதிவிட்டுள்ளார். எத்தகைய கோபத்தையும் மனிதாபிமானம் வென்றுவிடும் என்று மற்றொருவர் பதிவிட்டுள்ளார். அதுமட்டுமன்றி, கேரளாவரை பற்றி பல்வேறு அவதூறு கருத்துக்கள் பரப்பப்படுவதாகவும், இதுதான் உண்மையான கேரளா என்றும் மேலும் ஒருவர் பதிவிட்டுள்ளது குறிப்பிடத்தக்கது.

இதையும் படிங்க : Viral Video : உலகின் அதிக எடை கொண்ட அனக்கோண்டா.. அசால்டாக தூக்கி போஸ் கொடுத்த இளைஞ

இணையத்தில் மிக வேகமாக வைரலாகும் வீடியோ

தற்போது தொழில்நுட்ப வளர்ச்சியில் காரணமாக எந்த ஒரு அசாத்தியமான அல்லது ஆச்சர்யமான விஷயம் நடந்தாலும் அது மிக விரைவில் உலகம் முழுவதும் சென்று சேர்ந்துவிடுகிறது. முன்பெல்லாம் ஏதேனும் தகவல் வெளியே தெரிய வருவதற்கு பல நாட்கள் ஆகும். ஆனால் தற்போதை காலக்கட்டத்தில் அதற்கான தேவைகள் எதுவும் இல்லை. தற்போதெல்லாம் மிகவிரைவாக செய்தி சென்று சேர்ந்து விடுகிறது. இது பல விதங்களில் பாதுகாப்பாக இருந்தாலும் சில சிக்கல்களையும் ஏற்படுத்துகிறது. வீடியோக்கள் மற்றும் தகவல்கள் விரைவாக வைரலாகும் நிலையில், அது குற்ற சம்பவங்களில் ஈடுபட்டவர்களை எளிதாக கண்டுபிடிக்க உதவுகிறது. இதேபோல, ஒருவரின் தனிப்பட்ட புகைப்படங்கள், வீடியோக்கள் வெளியாகி அவரது எதிர்காலத்தையே பாதிக்கும் அபாயம் உள்ளது குறிப்பிடத்தக்கது.