Viral Video : மாறி மாறி கட்டையால் தாக்கிக் கொண்ட பெண்கள்.. இணையத்தில் வைரலாகும் வீடியோ!

வைரல் வீடியோ!

10-க்கும் மேற்பட்ட பெண்கள் ஒருவறை ஒருவர் மாறி மாறி கட்டையால் தாக்கிக் கொள்ளும் வீடியோ வெளியாகி அதிர்ச்சியை ஏற்படுத்தியுள்ளது. உத்தரபிரதேசத்தின் பாக்பாத் பகுதியில் நடைபெற்றதாக கூறப்படும் இந்த சம்பவத்தின் வீடியோ தற்போது இணையத்தில் வைரலாகி வருகிறது. கடந்த சில ஆண்டுகளுக்கு முன்பு இதே பகுதியில் சில ஆண்கள் கட்டையால் தாக்கிக் கொண்ட வீடியோ இணையத்தில் வைரலான நிலையில், தற்போது பெண்கள் தாக்கிக் கொள்ளும் வீடியோ வெளியாகியுள்ளது. இந்த நிலையில், இந்த சம்பவத்தின் பின்னணி என்ன என்பது குறித்து விரிவாக பார்க்கலாம்.

கட்டையால் தாக்கிக் கொண்ட பெண்கள்

கடந்த 2012 ஆம் ஆண்டு உத்தரபிரதேச மாநிலம் பாக்பாத் பகுதியில், சாட் வியாபாரத்தில் ஏற்பட்ட தகராறில் சுமார் 10-க்கும் மேற்பட்ட ஆண்கள் கட்டைகளால் தாக்கிக் கொண்டனர். அந்த வீடியோ இணையத்தில் வைரலான நிலையில், பிரபல மீம்ஸ் டெம்ப்லேட்டாகவே மாறிவிட்டது. தற்போது, அதே பகுதில் அதே போன்ற ஒரு சம்பவம் தான் நடைபெற்றுள்ளது. ஆனால், இந்த முறை கட்டையால் தாக்கிக் கொண்டது பெண்கள். இந்த வீடியோவும் தற்போது இணையத்தில் மிக வேகமாக பரவி வருகிறது.

இணையத்தில் வைரலாகும் வீடியோ

இந்த சம்பவம் குறித்து இணையத்தில் வைரலாகி வரும் வீடியோவில், 10-க்கும் மேற்பட்ட பெண்கள் கட்டைகளை கொண்டு மாறி, மாறி தாக்கிக் கொள்கின்றனர். அந்த வழியாக செல்லும் சிறுமி, பெண்களின் இந்த அடிதடி சண்டையை கண்டு அளறிக்கொண்டு ஓடுகிறார். இதையெல்லாம் பார்த்துக் கொண்டிருக்கும் சிறுவன், தானும் ஒரு கட்டையை எடுத்துக்கொண்டு சண்டைக்கு தயாராக, அங்கு வரும் இளம் பெண் அந்த சிறுவனை தான் வைத்திருக்கும் கட்டையை கொண்டு பலமாக தாக்குகிறார். இதனால் வலியில் துடிக்கும் அந்த சிறுவன் அந்த பெண்ணிடம் கட்டைடை கொடுத்துவிடுகிறார்.

இதையும் படிங்க : Viral Video : கணவனின் ரத்தம் படிந்த படுக்கை.. மனைவியை வைத்து சுத்தம் செய்த மருத்துவமனை!

சரமாரி தாக்குதலுக்கு உள்ளான இரண்டு பெண்கள்

பிறகு அந்த பெண்கள் அனைவரும் சேர்ந்து இரண்டு பெண்களை மையப்படுத்தி கடுமையாக தாக்குகின்றனர். அந்த பெண்களின் தாக்குதலால் கீழே படுத்திருக்கும் பெண்கள் வலியால் துடிக்கின்றனர். அதை கண்டு அந்த பகுதி வழியாக இரு சக்கர வாகனத்தில் செல்லும் நபர், வாகனத்தை நிறுத்திவிட்டு பிரச்னையை தட்டி கேட்கிறார். ஆனால், அந்த பெண்கள் அந்த நபரை அங்கிருந்து அனுப்பிவிடுகின்றனர். பிறகு மீண்டும் அந்த இரண்டு பெண்களையும் சரமாரியாக தாக்க தொடங்குகின்றனர். இந்த சம்பவம் முழுவதும் அங்கிருக்கும் அடுக்குமாடி குடியிருப்பின் ஜன்னலில் இருந்து வீடியோ பதிவு செய்யப்பட்டுள்ளது. தற்போது அந்த வீடியோ தான் இணையத்தில் வைரலாகி வருகிறது.

பெண்களின் மோதலுக்கான காரணம் என்ன?

பெண்கள் இவ்வாறு சரமாரியாக தாக்கிக் கொள்வதற்கான உறுதியான காரணம் எதுவும் தெரியாத நிலையில், பாரம்பரிய திருவிழாவில் பாடல் போட்ட விவகாரத்தில் இந்த அடிதடி நடைபெற்றதாக தகவல்கள் தெரிவிக்கின்றனர். இந்த வீடியோ தற்போது இணையத்தில் வைரலாகி வரும் நிலையில், இந்த வீடியோவுக்கு நெட்டிசன்கள் கிண்டலாக பதில் அளித்து வருகின்றனர்.

இதையும் படிங்க : Viral Video : இடம் இல்லாததால், ரயில் பெட்டியில் படுக்கை தயாரித்த பயணி.. இணையத்தில் வைரலாகும் வீடியோ!

அந்த வகையில், 2024 ஆம் ஆண்டுக்கு மீம்ஸ் போட புதிய வீடியோ கிடைத்துவிட்டதாகவும், உத்தர பிரதேசத்தின் பாக்பாத் பகுதியில் இது தொடர் கதையாகி விட்டதாகவும் பலரும் தங்களது கருத்துக்களை பகிர்ந்து வருகின்றனர் எனபது குறிப்பிடத்தக்கது.