Viral Video : உணவகத்தின் வாசலில் 30 நிமிடம் காத்திருந்த நயன்தாரா-விக்னேஷ் சிவன்.. இணையத்தில் வைரலாகும் வீடியோ!

தமிழ்  சினிமாவின் பிரபல நடிகையாக வளம் வரும் நயன்தாரா, தனது கணவர் விக்னேஷ் சிவனுடன் உணவகத்தில் சாப்பிடும் வீடியோ இணையத்தில் வைரலாகி வருகிறது. உணவகத்தில் சாப்பிடுவது சாதாரன விஷயம் தான் என்றாலும், விக்னேஷ் சிவன் மற்றும் நயன்தாராவை அங்கிருந்த யாரும் அடையாளம் கண்டுக்கொள்ளவில்லை. அதுமட்டுமன்றி, அவர்கள் உணவு வாங்க 30 நிமிடங்கள் வரிசையிலும் காத்துக்கொண்டிருந்துள்ளனர். தற்போது இது தொடர்பான வீடியோக்கள் தான் இணையத்தில் வைரலாகி வருகிறது. இதை விக்னேஷ் சிவனும் தனது இன்ஸ்டாகிராம் பக்கத்தில் பதிவிட்டுள்ளார்.

 

View this post on Instagram

 

A post shared by Vignesh Shivan (@wikkiofficial)

உணவகத்தின் வெளியே காத்திருந்த ஸ்டார் தம்பதி

தமிழ் சினிமாவின் முன்னணி நடிகையாக வளம் வருபவர் நயன்தாரா. இதேபோல, தமிழ் சினிமாவின் இளம் இயக்குநராக வித்தியாசமான திரைக்கதைகளை இயக்கி வருகிறார் விக்னேஷ் சிவன். இவர்கள் இருவரும் கடந்த சில ஆண்டுகளுக்கு காதலித்து திருமணம் செய்துக்கொண்ட நிலையில், தற்போது தமிழகத்தின் பிரபல ஜோடியாக இருக்கின்றனர். இவர்களது திருமணம் வீடியோ சமீபத்தில் வெளியாகி பொதுமக்கள் இடையே நல்ல வரவேற்பை பெற்றது. இதற்கிடையே தனுஷ் உடனான முரண்பாடுகள் என சில சர்ச்சைகளையும் இவர்கள் சந்தித்து வருகின்றனர்.

இதையும் படிங்க : Viral Video : மணமகன் ஊர்வலத்தில் திடீரென பெய்த பணமழை.. அதிர்ச்சியில் உறைந்த உறவினர்கள்.. இணையத்தில் வைரலாகும் வீடியோ!

இணையத்தில் வைரலாகி வரும் வீடியோ

நயன்தாரா மற்றும் விக்னேஷ் சிவன் தமிழகத்தில் மிகவும் பிரபலமாக உள்ளதால் அவர்கள் பொதுவெளிக்கு சென்றாலே அவர்களை மக்கள் கூட்டம் சூழ்ந்துக்கொள்ளும். இந்த நிலையில், அவர்கள் இருவரும் டெல்லியில் உள்ள உணவகத்திற்கு சாப்பிட சென்றுள்ளனர். ஆனால், அவர்கள் இருவரையும் அங்கிருந்த யாரும் கண்டுக்கொள்ள வில்லை. அதுமட்டுமன்றி, அந்த உணவகத்தின் வாசலில் அவர்கள் சுமார் 30 நிமிடங்கள் வரிசையின் நின்று உணவுக்கான டோக்கன் வாங்கி சாப்பிட்டுள்ளனர். இந்த வீடியோ தான் தற்போது இணையத்தில் வைராகி வருகிறது.

இதையும் படிங்க : Viral Video : மறைந்துப்போன மனிதாபிமானம்.. பெயிண்ட் பூசி பிச்சை எடுக்கவைக்கப்பட்ட குழந்தை.. வைரல் வீடியோ!

இணையத்தில் பதிவிட்ட விக்னேஷ் சிவன்

இந்த வீடியோ இணையத்தில் வைரலாகி வரும் நிலையில், விக்னேஷ் சிவனே தனது இன்ஸ்டாகிராம் பக்கத்தில் அந்த வீடியோவை பதிவிட்டுள்ளார். இது குறித்து பதிவிட்டுள்ள அவர், கடந்த செப்டம்பர் 17 ஆம் தேதி கடந்த ஆண்டுகளில் இல்லாத வகையில் நயன்தாராவின் பிறந்த நாளை கொண்டாடினோம். இந்த பிறந்த நாள் கொண்டாட்டம் மிகவும் சிறப்பானதாகவும், மகிழ்ச்சியாகவும், உணவு மிகவும் சுவையாகவும் இருந்தது. டெல்லியில் உள்ள ஒரு சிறிய உணவகத்தில் நாங்கள் இருவர் மட்டும் உணவு அருந்தினோம். உணவகத்தின் வெளியே வரிசையிம் சுமார் 30 நிமிடங்கள் காத்திருந்து உணவகத்தின் நடு டேபிளில் அமர்ந்து உணவு அருந்தினோம்.

இதையும் படிங்க : Viral Video : சரமாரியாக தாக்கிக்கொண்ட கும்பல்.. இடையில் வந்த ஆம்புலன்ஸ்.. அடுத்து நடந்தது என்ன?

எந்தவித இடையூறுகளும் இல்லாமல் இருவரும் அமர்ந்து சாப்பிட ஒரு இடம் கிடைத்தது மிகவும் மகிழ்ச்சியானதாக இருந்தது. அந்த நொடிகளை நாங்கள் மிகவும் நேசித்தோம் என்று பதிவிட்டுள்ளார். மேலும் அந்த வீடியோவை எடுக்க யாரோ ஒரு நபர் உதவி செய்ததாகவும் அந்த நபருக்கு தனது பதிவில் அவர் நன்றியையும் தெரிவித்துள்ளார்.