Pushpa 2: வெளியான ஒரு நாளில் மில்லியன் பார்வையாளர்களைத் தாண்டிய “கிஸ்ஸிக்” பாடல்..!
KISSIK Lyrical Song : தெலுங்கு இயக்குநர் சுகுமார் இயக்கத்தில் வெளியாகி மிகவும் பிரபலமான திரைப்படம் புஷ்பா. இந்த திரைப்படத்தின் வெற்றியை அடுத்து மிகப் பிரம்மாண்ட பட்ஜெட்டில் உருவாகியுள்ள திரைப்படம் புஷ்பா தி ரூல். இந்த திரைப்படத்திலிருந்து வெளியான "கிஸ்ஸிக்"பல மில்லியன் பார்வையாளர்களைக் கடந்து சாதனை படைத்துள்ளது.
தெலுங்கு பிரபல நடிகரான அல்லு அர்ஜுன் நடிப்பில் பிரம்மாண்டமாகத் தயாராகிவரும் திரைப்படம் புஷ்பா 2. கடந்த 2021ம் புஷ்பா தி ரைஸ் திரைப்படத்தின் வெற்றியை அடுத்து உருவாக்கி உள்ள இந்த திரைப்படத்தில் நடிகர் அல்லு அர்ஜுனிற்கு ஜோடியாக நடிகை ரஷ்மிகா மந்தனா நடித்துள்ளார். மைத்ரி மூவி மேக்கர்ஸ் தயாரிக்கும் இதில் ஃபஹத் பாசில் , ஜெகபதி பாபு , தனஞ்சயா , ராவ் ரமேஷ் மற்றும் சுனில் பல பிரபலங்களும் இணைந்து நடித்துள்ளனர். தமிழ், தெலுங்கு, மலையாளம், கன்னடம் மற்றும் இந்தி என 5க்கும் மேற்பட்ட மொழிகளில் வெளியாக உள்ளது. தற்போது “கிஸ்ஸிக்” என்ற பாடல் வெளியாகியது. நடிகை ஸ்ரீலீலா சிறப்பு நடனமாடிய இப்பாடல் 5க்கும் மேற்பட்ட மொழிகளில் வெளியாகியது. தமிழில் வெளியான இந்த பாடல் வெளியான சிலமணி நேரங்களிலே பல மில்லியன் பார்வையாளர்களைக் கடந்து ஒரு நாள் முடிவில் 5.1 மில்லியன் வியூஸை பெற்று சாதனை படைத்துள்ளது.
இதையும் படிங்க:சிவகார்த்திகேயன் ரசிகர்களுக்கு சர்ப்ரைஸ்.. புறநாநூறு பட அப்டேட்!
