பாலாஜி முருகதாஸின் ’ஃபயர்’ திரைப்படத்தின் டீசர் இதோ..!

தமிழ்த் திரைப்பட நடிகர் மற்றும் தயாரிப்பாளர் என இரு தொழில்களிலும் சிறந்து விளங்குபவர் ஜே.சதீஸ் குமார். இவர் தனது தயாரிப்பில் தங்க மீன்கள், இதற்கு தானே ஆசைப்பட்டாய் பாலகுமாரா, குற்றம் கடித்தல் மற்றும் தரமணி போன்ற வித்தியாச கதைகளையுடைய திரைப்படங்களைத் தயாரித்துள்ளார். தற்போது இவரின் இயக்கத்தில் மற்றும் இவரின் தயாரிப்பு நிறுவனமான JSK பிரைம் மீடியா கீழ் உருவாகிவரும் திரைப்படம் “ஃபயர்”. பிக் பாஸ் சீசன் 4 மூலம் மக்கள் மத்தியில் பிரபலமான போட்டியாளர் பாலாஜி முருகதாஸ் இப்படத்தில் முன்னணி கதாபாத்திரமாக நடித்துள்ளார். அதைத் தொடர்ந்து இப்படத்தில் துணை கதாபாத்திரங்களாக சாக்க்ஷி அகர்வால், சாந்தினி தமிழரசன், ரக்ஷிதா மகாலெட்சுமி மற்றும் காயத்ரி ஷங்கர் பல நடிகைகளும் இப்படத்தில் நடித்துள்ளனர். காதல் மற்றும் க்ரைம் திரைக்கதைகளை உள்ளடக்கி இந்த திரைப்படத்திற்கு அறிமுக இசையமைப்பாளர் டி.கே இசையமைத்துள்ளார். இந்த திரைப்படம் தற்போது வெளியீட்டிற்குத் தயாராகிவரும் நிலையில் இப்படக்குழு படத்தின் டீசரை வெளியிட்டுள்ளனர். நவம்பர் மாதம் ரிலீஸாக இருந்த இத்திரைப்படம் இன்னும் வெகுவிரைவில் வெளியாகும் என்று எதிர்பார்க்கப்படுகிறது.

இதையும் படிங்க:விஜய், அஜித்துக்கு பிறகு சிவகார்த்திகேயன்.. தொடர்ந்து வசூல் சாதனை படைக்கும் ’அமரன்’ படம்!