தனுஷின் ‘NEEK’ படத்திலிருந்து வெளியான காதல் ஃபெயில் லிரிக்கல்!

Kadhal Fail song: தமிழ்த் திரைப்படங்களில் பிரபல நடிகராக இருந்து வருபவர் தனுஷ். இவர் தற்போது நடிப்பதை தொடர்ந்து திரைப்படங்களை இயக்கி வருகிறார். இந்நிலையில் இவரின் இயக்கத்தில் உருவாகிவரும் திரைப்படம் "நிலவுக்கு என் மேல் என்னடி கோபம்" தற்போது இத்திரைப்படத்தில் இருந்து இரண்டாவது பாடல் வெளியாகி உள்ளது.

நடிகர் தனுஷ் இயக்கும் NEEK திரைப்படத்தில் நடிகர்களாக பவிஷ், அனிகா சுரேந்திரன் , பிரியா பிரகாஷ் வாரியர் , மேத்யூ தாமஸ் , வெங்கடேஷ் மேனன், ரபியா கட்டூன் மற்றும் ரம்யா ரங்கநாதன் எனப் பல நடிகர்கள் இணைந்து நடித்துள்ளனர். 2k காதல் அடிப்படையான கதையில் உருவாகி வரும் இப்படத்தின் படப்பிடிப்பு கடந்த வாரம் நிறைவடைந்துள்ளது. இந்த NEEK திரைப்படத்தை வுண்டர்பார் ஃபிலிம்ஸ் மற்றும் ஆர்கே புரொடக்ஷன்ஸ் என இரு நிறுவனங்களும் இணைந்து தயாரித்து வருகிறது. பல நடிகர்களின் நடிப்பில் உருவாகிவரும் இந்த திரைப்படத்திற்காக நடிகரும், இசையமைப்பாளருமான ஜி.வி.பிரகாஷ் இசையமைத்துள்ளார். இவரின் இசையில் வெளியான “கோல்டன் ஸ்பரோ” என்ற பாடல் மில்லியன் பார்வையாளர்களைத் தாண்டி ட்ரெண்டிங் லிஸ்டில் உள்ளது. இந்த திரைப்படமானது வருகின்ற 2025ம் ஆண்டு பிப்ரவரி 14ம் தேதி காதலர் தினத்தை முன்னிட்டு வெளியாகும் என்று கூறப்படுகிறது. மாறுபட்ட கதைக்களத்துடன் உருவாகிவரும் இந்த திரைப்படத்திலிருந்து தற்போது “Kadhal Fail” என்ற லிரிக்கல் பாடல் வெளியாகி உள்ளது.

இதையும் படிங்க:லக்கி பாஸ்கர் ஓடிடி ரிலீஸ் தேதி அறிவிப்பு.. விவரம் சொன்ன நெட்பிளிக்ஸ்!