நடிகர் தனுஷின் ’குபேரா’ திரைப்படத்தின் கிலிம்ஸ் வீடியோ இதோ!

Kubera Movie Glimpse : தனுஷ் நடித்து வரும் திரைப்படம் குபேரா. பிரபல தெலுங்கு இயக்குநர் சேகர் கம்முலா இயக்கத்தில், ஸ்ரீ வெங்கடேஸ்வரா சினிமாஸ் மற்றும் அமிகோஸ் க்ரியேஷன் தயாரிப்பில் இந்த படம் உருவாகி வருகிறது. தற்போது இந்த திரைப்படத்தின் கிலிம்ஸ் வீடியோவை படக்குழு வெளியிட்டுள்ளது.

தமிழ்த் திரைப்பட பிரபல நடிகர்களில் ஒருவராக வலம் வருபவர் தனுஷ். இவர் தற்போது பிரபல தெலுங்கு இயக்குநர் சேகர் கம்முலா இயக்கத்தில் நடித்துவரும் திரைப்படம் குபேரா. ஸ்ரீ வெங்கடேஸ்வரா சினிமாஸ் மற்றும் அமிகோஸ் க்ரியேஷன் நிறுவனங்கள் இணைந்து தயாரிக்கும் இந்த திரைப்படத்தில் முக்கிய கதாபாத்திரத்தில் நாகார்ஜுனா, ராஷ்மிகா மாற்றும் ஜிம் சர்ப் நடித்துள்ளனர். முற்றிலும் தெலுங்கு மொழியை அடிப்படையாகக் கொண்டு உருவாகிவரும் இந்த திரைப்படம் தமிழ், மலையாளம், கன்னடம், இந்தி மற்றும் தெலுங்கு உட்பட மொத்தம் 5 மொழிகளில் உருவாகி வருகிறது. இத்திரைப்படத்தில் நடிகர் தனுஷ் இதுவரை நடித்திடாத கதாபாத்திரத்தில் நடித்திருக்கிறார். தனுஷ் பிச்சைக்காரன் கதாபாத்திரத்தில் நடிக்கும் இந்த திரைப்படத்திற்குப் பிரபல இசையமைப்பாளர் தேவி ஸ்ரீ பிரசாத் இசையமைத்துள்ளார். ஆக்ஷன் மற்றும் மாறுபட்ட கதைக்களத்துடன் உருவாகிவரும் இந்த திரைப்படம் தற்போது இறுதிக்கட்ட பணியிலிருந்து வருகிறது. இந்த திரைப்படம் வெகு விரைவில் ரிலீஸாகும் என்று தகவல்கள் வெளியாகி வந்த நிலையில் தற்போது இப்படக்குழு திரைப்படத்தின் கிலிம்ஸ் வீடியோவை வெளியிட்டுள்ளது.

இதையும் படிங்க :அமரன் வெற்றி.. தாறுமாறாக உயர்ந்த சிவகார்த்திகேயன், சாய் பல்லவி சம்பளம்!