கலகலப்புக்கு பஞ்சமே இல்லை… வெளியானது ‘ப்ரதர்’ பட ட்ரெய்லர்!

Brother - Trailer | இந்தப் படத்தில் நடிகை ப்ரியங்கா மோகன் நாயகியாக நடிக்கிறார். இசையமைப்பாளர் ஹாரிஸ் ஜெயராஜ் படத்திற்கு இசையமைக்கிறார். படத்தில் நட்டி, பூமிகா, சரண்யா பொன்வண்ணன், விடிவி கணேஷ், சீதா, அச்யுத், ‘கேஜிஎஃப்’, ‘புஷ்பா’ புகழ் பிரபல தெலுங்கு நடிகர் ராவ் ரமேஷ் உள்ளிட்ட பலர் நடித்துள்ளனர்.

நடிகர் ஜெயம் ரவி நடிப்பில் உருவாகியுள்ள ’ப்ரதர்’ படத்தின் ட்ரெய்லரைப் படக்குழு வெளியிட்டுள்ளது. தமிழ் சினிமாவின் முக்கிய நடிகராக இருப்பவர் நடிகர் ஜெயம் ரவி. இவருக்கு கடந்த சில காலங்களாக படங்கள் பெரிய அளவில் வெற்றியை தேடித் தரவில்லை. இவரது நடிப்பில் குறிப்பாக பொன்னியின் செல்வன் படத்திற்கு பின் வெளிவந்த இறைவன், சைரன் ஆகிய இரண்டு திரைப்படங்களுமே எதிர்பார்த்த அளவிற்கு வெற்றியை கொடுக்கவில்லை என்பது குறிப்பிடதக்கது. இந்த நிலையில் தற்போது இயக்குநர் ராஜேஷ் உடன் கூட்டணி சேர்ந்துள்ளார் ஜெயம் ரவி. இந்தப் படத்தில் நடிகை ப்ரியங்கா மோகன் நாயகியாக நடிக்கிறார். இசையமைப்பாளர் ஹாரிஸ் ஜெயராஜ் படத்திற்கு இசையமைக்கிறார். படத்தில் நட்டி, பூமிகா, சரண்யா பொன்வண்ணன், விடிவி கணேஷ், சீதா, அச்யுத், ‘கேஜிஎஃப்’, ‘புஷ்பா’ புகழ் பிரபல தெலுங்கு நடிகர் ராவ் ரமேஷ் உள்ளிட்ட பலர் நடித்துள்ளனர். இந்தப் படம் வருகின்ற 31-ம் தேதி தீபாவளிப் பண்டிகையை முன்னிட்டு திரையரங்குகளில் வெளியாகவுள்ள நிலையில் படத்தின் ட்ரெய்லரைப் படக்குழு வெளியிட்டுள்ளது.