நடிகை நயன்தாராவின் “ராக்காயி” படத்தின் டைட்டில் டீசர்!
Rakkayie Title Teaser : தென்னிந்தியத் திரைப்படங்களில் முன்னணி நடிகையாக இருந்துவருபவர் நயன்தாரா. தமிழ் சினிமாவில் லேடி சூப்பர் ஸ்டார் என்று அழைக்கப்படும் நயன்தாரா தற்போது அவரின் கதாபாத்திரத்திற்கு முக்கியத்துவம் அளிக்கும் விதத்தில் இருக்கும் திரைப்படங்களில் நடிப்பதற்காக முன்னுரிமை அளித்துவருகிறார்.
தமிழ் முன்னணி கதாநாயகி நயன்தாரா நடிக்கும் “ராக்காயி” திரைப்படத்தைப் பிரபல இயக்குநர் செந்தில் நல்ல சாமி இயக்கி வருகிறார். நடிகை நயன்தாராவின் மாறுபட்ட நடிப்பில் உருவாகிவரும் இந்த திரைப்படத்தை டிரம்ஸ்டிக்ஸ் புரொடக்ஷன்ஸ் & மூவிவெர்ஸ் ஸ்டுடியோஸ் என இரு தயாரிப்பு நிறுவனங்கள் இணைந்து தயாரித்து வருகிறது. நயன்தாரா சோலோ கதாபாத்திரமாக நடித்து அறம், நெற்றிக்கண் போன்ற திரைப்படங்களின் வெற்றியை அடுத்து இந்த “ராக்காயி” சோலோ கதாபாத்திரமாகவே நடிக்க உள்ளார். பிரபல இசையமைப்பாளர் கோவிந்த் வசந்தா இசையமைப்பில் உருவாகிவரும் இந்த திரைப்படத்தில் நடிகை நயன்தாரா ஒரு குழந்தைக்கு அம்மா கதாபாத்திரத்தில் போர் புரிவதுபோல இந்த டீசரில் உள்ளது.
இந்நிலையில் நயன்தாராவின் 40வது பிறந்தநாளை முன்னிட்டு இப்படக்குழு டைட்டில் டீசரை வெளியிட்டுள்ளனர். நயன்தாராவின் இந்த ராக்காயி திரைப்படமானது தமிழ், தெலுங்கு, இந்தி, மலையாளம் மற்றும் கன்னடம் போன்ற மொழிகளில் வெளியாகவுள்ளது. போர்முனை கதைக்களத்துடன் உருவாகிவரும் இந்த திரைப்படம் அடுத்த ஆண்டு வெளியாகும் என்று எதிர்பார்க்கப்படுகிறது.
இதையும் படிங்க :ஹாப்பி பர்த்டே நயன்தாரா..லேடி சூப்பர் ஸ்டார் பற்றிய சுவாரஸ்ய தகவல்..!
