மறைந்த நடிகை ஸ்ரீதேவி – தயாரிப்பாளர் போனி கபூர் தம்பதியின் மூத்த மகள் நடிகை ஜான்வி கபூர்.
கடந்த 2018 ஆம் ஆண்டு வெளியான, தடாக் படத்தின் மூலம், பாலிவுட் திரையுலகில் ஹீரோயினாக அறிமுகமானவர் ஜான்வி கபூர்.
ஜான்வி கபூர் ஒரு சில படங்கள் மட்டுமே நடித்திருந்தாலும் இவருக்கு என ஏராளமான ரசிகர்கள் உள்ளனர்.
இந்தி திரையுலகில் முன்னனி நடிகையாக திகழும் நடிகை ஜான்வி தற்போது தென்னிந்திய மொழி படங்களில் நடிக்கவும் கமிட்டாகியுள்ளார்.
பிஸியாக நடித்து வரும் ஜான்வி கபூர் கிரிக்கெட்டை மையப்படுத்தி எடுக்கப்பட்டுள்ள மிஸ்டர் அண்ட் மிஸ்சஸ் மாகி என்ற படத்தில் நடித்து முடித்துள்ளார்.
ராஜ்குமார் ராவ் மற்றும் ஜான்வி நடித்துள்ள மிஸ்டர் அண்ட் மிஸ்சஸ் மாகி படம் வரும் மே 31 ஆம் தேதி வெளியீட்டுக்கு தயாராக உள்ளது.
இந்நிலையில் பேட்டி ஒன்றில் கலந்துகொண்ட நடிகை ஜான்வி தனது 12 - 13 வயதில் ஏற்பட்ட பாலியல் ரீதியிலான சீண்டலால் மிகவும் பாதிகப்பட்டுள்ளதாக தெரிவித்துள்ளார்.
ஜான்வியின் புகைப்படங்கள் ஆபாச தளத்தில் போடப்பட்டதாகவும் அதனால் பள்ளி பருவத்தில் மிகவும் மன அழுத்தத்திற்கு ஆளானதாகவும் தெரிவித்துள்ளார்.