28 JULY 2024
Pic credit - Instagram
Vinothini Aandisamy
மம்மூட்டியின் மகனான துல்கர் சல்மான் மலையாளம், தமிழ், தெலுங்கு, ஹிந்தி என அனைத்து மொழிகளிலும் பிரபலமான நடிகராக இருக்கிறார்.
கேரள மாநிலம் கொச்சியில் 1983-ம் ஆண்டு ஜூலை 28-ம் தேதி துல்கர் சல்மான் பிறந்துள்ளார்.
சினிமாவிற்குள் எண்ட்ரி கொடுப்பதற்கு முன்னதாக பேரி ஜான் ஆக்டிங் ஸ்டுடியோவில் மூன்று மாத நடிப்புப் படிப்பை படித்துள்ளார்.
கடந்த 2012-ம் ஆண்டு வெளியான ‘செக்கண்ட் ஷோ’ படத்தின் மூலம் தனது நடிப்பு பயணத்தை தொடங்கினார் துல்கர்.
அதனை தொடர்ந்து வெளியான ‘உஸ்தாத் ஹோட்டல்’ ரசிகர்களின் மனதில் துல்கருக்கு நீங்காத இடத்தைக் கொடுத்தது.
துல்கரின் நடிப்பில் வெளியான ஏபிசிடி, நீலாகாஷம் பச்சைக்கடல் செவ்வண்ண பூமி, பேங்களூர் டேய்ஸ் படங்கள் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது.
2014-ம் ஆண்டு வெளியான வாயை மூடி பேசவும் படத்தின் மூலம் தமிழில் அறிமுகமானார் துல்கர் சல்மான்.
அதனைத் தொடர்ந்து மணிரத்னம் இயக்கிய ஓ காதல் கண்மணி,தேசிங்கு பெரியசாமி இயக்கிய கண்ணும் கண்ணும் கொள்ளையடித்தால் படத்தில் நடித்து தமிழ் ரசிகர்களிடம் கவனத்தைப் பெற்றார் துல்கர்.
பிரபாஸ் நடிப்பில் சமீபத்தில் வெளியான கல்கி படத்தில் சிறப்பு தோற்றத்தில் துல்கர் சல்மான் நடித்திருந்தார்.