ஊழியருக்கு செக்ஸ் டார்ச்சர்.. குழந்தை பெற நிர்பந்தம்.. எலான் மஸ்க் மீது பரபர குற்றச்சாட்டு

எலான் மஸ்க் மீது பாலியல் குற்றச்சாட்டு: ஸ்பேஸ்எக்ஸ் தலைமை நிர்வாக அதிகாரி எலோன் மஸ்க், ஒரு பயிற்சியாளர் உட்பட தனது இரு ஊழியர்களுடன் பாலியல் உறவு வைத்திருந்ததாகவும், மற்றொரு பணியாளரை தனது குழந்தைகளைப் பெற்றுக்கொள்ளுமாறு கூறியதாகவும் குற்றச்சாட்டு அறிக்கை வெளியாகி உள்ளது. வால் ஸ்ட்ரீட் ஜேர்னல் ஒரு பிரத்யேக அறிக்கையில், தொழில்நுட்ப கோடீஸ்வரர் எலான் மஸ்க் தனது நிறுவனங்களில் ஒரு கலாச்சாரத்தை உருவாக்கினார். அது, ஸ்பேஸ்எக்ஸ் (SpaceX) மற்றும் டெஸ்லா (Tesla) ஆகிய இரண்டிலும் பெண் ஊழியர்களை சங்கடப்படுத்தியது. மேலும், போர்டு உறுப்பினர்களுடன் பணிபுரியும் சமயங்களில் எல்.எஸ்.டி, கோகோயின், எக்ஸ்டசி, காளான்கள் மற்றும் கெட்டமைன் போன்ற போதைப்பொருட்களை வழக்கமாகப் பயன்படுத்தியதாகவும் எலான் மஸ்க் மீது குற்றச்சாட்டு எழுந்துள்ளது. மேலும், எலோன் மஸ்க் ஸ்பேஸ்எக்ஸ் பயிற்சியாளருடன் உடலுறவு கொண்டார், தனது குழந்தைகளைப் பெறுமாறு பெண்ணிடம் கேட்டார் என்று அந்த அறிக்கை நீள்கிறது.

மேலும், எலான் மஸ்க் நிறுவனத்தில் அங்கு பாலியல் துன்புறுத்தல் பற்றிய நகைச்சுவைகள் பொதுவானவை, ஆண்களை விட பெண்களுக்கு குறைவான ஊதியம் மற்றும் புகார் செய்த தொழிலாளர்கள் பணிநீக்கம் செய்யப்பட்டனர். இது தொடர்பான புகார்களில், முன்னாள் ஊழியர்கள் பணியிடத்தில் பாலியல் கருத்துகள் மற்றும் பிற வகையான துன்புறுத்தல்கள் பொறுத்துக்கொள்ளப்பட்ட அல்லது இலகுவாக செய்யப்பட்ட பாலியல் கலாச்சாரத்தை அவர் உருவாக்கியதாக குற்றம் சாட்டியுள்ளனர்.
ஸ்பேஸ்எக்ஸ் விமானப் பணிப்பெண் ஒருவர், தன் ஆசையை தீர்த்துவைத்தால் குதிரை வாங்கித் தருவதாக கூறினார் என்றார்.

2013 இல் ஸ்பேஸ்எக்ஸில் இருந்து ராஜினாமா செய்த மற்றொரு பெண், மஸ்க் பல சந்தர்ப்பங்களில் தனது குழந்தைகளைப் பெற்றுக்கொள்ளும்படி தன்னிடம் கேட்டதாகக் குற்றம் சாட்டினார். குறைந்த பட்சம் 10 குழந்தைகளைக் கொண்ட கோடீஸ்வரர், உலகம் குறைவான மக்கள்தொகை நெருக்கடியை எதிர்கொள்கிறது என்றும் அதிக IQ உள்ளவர்கள் இனப்பெருக்கம் செய்ய வேண்டும் என்றும் கூறியுள்ளார்.
ஸ்பேஸ்எக்ஸில் பணிபுரிந்த மற்றொரு பெண்மணிக்கு எலோன் மஸ்க் தனது வீட்டிற்கு இரவில் வருமாறு பலமுறை அழைப்பு விடுத்ததாக கூறப்படுகிறது. இதற்கிடையில், ஸ்பேஸ்எக்ஸ் மற்றும் எலா் மஸ்க்கின் வழக்கறிஞர்கள் அறிக்கையை மறுத்துள்ளனர்.
அதில் வழங்கப்பட்ட தகவல்கள் “உண்மையற்றவை” என்று கூறினர். “மின்னஞ்சலில் உள்ள பொய்கள், தவறான விளக்கங்கள் மற்றும் திருத்தல்வாத கதைகள் ஆகியவை முற்றிலும் தவறாக சித்தரிக்கின்றன. இந்த அசாதாரணமான மக்கள் குழு ஒவ்வொரு நாளும் நமக்கு எதிராகச் செயல்படும் அனைத்து சக்திகளுக்கு மத்தியிலும் என்ன சாதித்துக் கொண்டிருக்கிறது என்பதைக் கண்டு நான் தொடர்ந்து வியப்படைகிறேன். மேலும் எலான் சிறந்தவர்களில் ஒருவர்” எனத் தெரிவித்தனர்.

இதையும் படிங்க : இன்ஸ்டாகிராம் ரீல்ஸ்களை டவுன்லோடு செய்வது எப்படி?