Adani Issue: அதானி குழுமத்திற்கு அடுத்த செக்.. 30 ஆண்டுகால ஒப்பந்தத்தை ரத்து செய்த கென்யா..

கோப்பு புகைப்படம்

இந்தியாவின் பெரும் தொழிலதிபர்களில் ஒருவரான கவுதன் அதானி கோடிக்கணக்கில் லஞ்சம் கொடுத்தாக அமெரிக்கா நீதித்துறை குற்றச்சாட்டை முன்வைத்துள்ளது. இது பெரும் பரபரப்பை ஏற்படுத்தியுள்ளது. அதானி இந்திய பணக்கார பட்டியலில் 2வது இடத்தில் உள்ளார். ஏற்கனவே, அதானி குழுமம் மீது பல்வேறு குற்றச்சாட்டுகள் உள்ளன. அதாவது, கடந்த ஆண்டு அதானி குமுமம் மீது ஹிண்ட்ர்பர்க் நிறுவனம் பல குற்றச்சாட்களை வைத்தது. பெரும் புயலை கிளப்பிய இந்த விவாகரத்தால் அதானி குழுமத்தின் பங்குகள் கடுமையாக சரிந்து பல லட்சம் கோடி ரூபாய் இழப்பை சந்தித்தது. அதனை தொடர்ந்து தற்போது மீண்டும் சர்ச்சை கிளப்பும் வகையில் அமெரிக்க நீதித்துறை அதானி குழுமம் மீது குற்றச்சாட்டை முன் வைத்துள்ளது.

அதானி ஒப்பந்தத்தை ரத்து செய்த கென்யா:

குற்றச்சாட்டுகள் எழுந்த நிலையில், அதானி உடனான ஒப்பந்தத்தை கென்யா ரத்து செய்துள்ளது. அதானி குழுமம் கென்யாவின் முக்கிய விமான நிலையத்தின் செயல்பாட்டைக் கையகப்படுத்தும் திட்டத்தை கென்யா அரசாங்கத்திடம் வழங்கியது. கென்ய அதிபர் வில்லியம் ரூடோ அன்று அதை ரத்து செய்வதாக அறிவித்துள்ளார். இது தவிர, ஒரு பெரிய எரிசக்தி ஒப்பந்தத்தை ரத்து செய்யவும் அவர் அறிவுறுத்தியுள்ளார்.

கென்யாவின் எரிசக்தி அமைச்சகத்துடனும் அதானி குழுமம் பெரிய ஒப்பந்தம் செய்யப் போகிறது, அது ரத்து செய்யப்படுவதற்கான வாய்ப்பு இப்போது அதிகரித்துள்ளது. அதானி குழுமம் கென்யாவில் 736 மில்லியன் டாலர் (சுமார் ரூ. 6,215 கோடி) மதிப்பிலான பவர் டிரான்ஸ்மிஷன் லைன்களை உருவாக்கப் போகிறது, அதை இப்போது ரத்து செய்ய அறிவுறுத்தப்பட்டுள்ளது. இது அதானி குழுமத்திற்கு விழும் பெரும் அடியாகும்.

Also Read: மோசடியில் ஈடுபட்டரா அதானி? கோடிக்கணக்கில் அதிகாரிகளுக்கு லஞ்சம்.. அமெரிக்கா குற்றச்சாட்டு!

ராய்ட்டர்ஸ் செய்தியின்படி, ஜனாதிபதி வில்லியம் ரூடோ , “போக்குவரத்து அமைச்சகம் மற்றும் எரிசக்தி மற்றும் பெட்ரோலிய அமைச்சகத்தின் கீழ் பணிபுரியும் ஏஜென்சிகளுக்கான கொள்முதலையும் உடனடியாக ரத்து செய்யுமாறு அறிவுறுத்தியுள்ளேன்” என்று தெரிவித்துள்ளதாக குறிப்பிடப்பட்டுள்ளது. நாட்டு மக்களுக்கு ஆற்றிய உரையில், நட்பு நாடுகள் மற்றும் புலனாய்வு அமைப்புகளால் வெளிப்படுத்தப்பட்ட புதிய தகவல்களைக் கருத்தில் கொண்டு அரசாங்கம் இந்த முடிவை எடுத்துள்ளது என்று தெரிவித்துள்ளது.

அமெரிக்கா முன்வைத்த குற்றச்சாட்டுகளும் அதானி குழுமம் அளித்த பதிலும்:

கௌதம் அதானி மற்றும் அவரது மருமகன் சாகர் அதானி மற்றும் அவர்களது குழுவின் மற்ற அதிகாரிகள் சூரிய ஆற்றல் தொடர்பான ஒப்பந்தங்களுக்கு லஞ்சம் கொடுத்ததாக அமெரிக்க நீதித்துறை குற்றம் சாட்டியுள்ளது. இந்த லஞ்சம் இந்திய அரசாங்கத்தின் அதிகாரிகளுக்கு வழங்கப்பட்டது மற்றும் அதன் மதிப்பு சுமார் 250 மில்லியன் டாலர்கள் (சுமார் ரூ. 2110 கோடி) என தெரிவிக்கப்பட்டுள்ளது.

Also Read: அமெரிக்க நீதித்துறை முன்வைத்த குற்றச்சாட்டு.. அதானி குழுமம் வெளியிட்ட அறிக்கை..

இந்த குற்றச்சாட்டுகள் தொடர்பாக அமெரிக்க நீதிமன்றத்தில் வழக்கு பதிவு செய்யப்பட்டுள்ளது. அதானி குழுமம் 2020 மற்றும் 2024 க்கு இடையில் பெரிய சூரிய சக்தி ஒப்பந்தங்களை பெற இந்த லஞ்சம் கொடுத்ததாக குற்றம் சாட்டப்பட்டுள்ளது. இந்த ஒப்பந்தங்கள் காரணமாக, அதானி குழுமம் 2 பில்லியன் டாலர்களுக்கு மேல் லாபம் ஈட்டியுள்ளதாக தெரிவிக்கப்பட்டுள்ளது.

அமெரிக்க வழக்கறிஞரின் குற்றச்சாட்டுகளை அதானி குழுமம் மறுத்துள்ளது. இந்த வழக்கில் கூறப்பட்ட குற்றச்சாட்டுகள் நிரூபிக்கப்படும் வரை அவர்கள் நிரபராதிகளாகவே கருதப்படுவார்கள். அதானி குழுமம் இந்த விவகாரத்தில் அனைத்து சட்ட வழிகளையும் பின்பற்றும் என்று கூறியுள்ளது.